Salaar Teaser: సలార్ టీజర్‌లో ఈ రెండు విషయాలు గమనించారా.. అచ్చూ అలాగే

Salaar Teaser: సలార్ టీజర్ లో రెండు విషయాలను గమనించారా? ప్రశాంత్ నీల్ మార్క్ ఈ టీజర్ లో స్పష్టంగా కనిపించింది. కేజీఎఫ్ 2 తర్వాత వస్తున్న మూవీ కావడంతో దీనిపై ఆ ప్రభావం కచ్చితంగా ఉంటుంది. టీజర్ చూస్తే అలాగే అనిపించడంలో ఆశ్చర్యం లేదు. అయితే ఒక నిమిషం 46 సెకన్లు ఉన్న ఈ టీజర్ లో ప్రభాస్ ముఖం ఎక్కడా పూర్తిగా కనిపించకుండా మేకర్స్ జాగ్రత్త పడ్డారు.

కానీ అతని పవర్‌ఫుల్ ఇంట్రడక్షన్ మాత్రం అభిమానులను ఎక్కడికో తీసుకెళ్లింది. అతని గురించి ఇంట్రడక్షన్ ఇంగ్లిష్ లో ఉండటం గమనించారా? అచ్చూ ఇలాగే ఎక్కడో చూసినట్లు ఉంది కదూ. నిజమే.. కేజీఎఫ్: ఛాప్టర్ 2లోనూ హీరో ఇంట్రడక్షన్ ఇలా ఇంగ్లిష్ డైలాగ్ తోనే వస్తుంది. హిస్టరీ టెల్స్ అజ్ దట్ పవర్ ఫుల్ ప్లేసెస్ మేక్ పవర్ ఫుల్ పీపుల్. హిస్టరీ వాజ్ రాంగ్. పవర్ ఫుల్ పీపుల్ మేక్ ప్లేసెస్ పవర్ ఫుల్ అనే డైలాగ్ తో గూస్ బంప్స్ వస్తాయి.

ఇక ఇప్పుడు సలార్ లో టీనూ ఆనంద్ తోనూ సింపుల్ ఇంగ్లిష్ లో ప్రభాస్ ఇంట్రడక్షన్ చెప్పించారు. "లయన్, చీతా, టైగర్, ఎలిఫెంట్.. చాలా డేంజరస్.. కానీ జురాసిక్ పార్క్ లో మాత్రం కాదు. ఎందుకంటే ఆ పార్క్ లో ఒక..." అంటూ ముగిస్తాడు. ఆ వెంటనే డైనోసార్ గర్జన వినిపిస్తుంది. ప్రభాస్ సీన్లోకి ఎంటరవుతాడు. ఇలా కేజీఎఫ్ 2 స్టైల్లోనే హీరో ఇంట్రడక్షన్ తో ప్రశాంత్ నీల్ మరోసారి తన మార్క్ చూపించాడు. ఈ ఒక్క డైలాగ్ తో ప్రతి భాషకు ప్రత్యేకమైన టీజర్ అవసరం లేకుండా ప్రశాంత్ జాగ్రత్త పడ్డాడు.

సీజ్‌ఫైర్.. ఇది తొలి పార్టే..

ఇక ఈ సలార్ టీజర్ లో ఉన్న మరో పాయింట్.. ఇది తొలి పార్టే. ఈ టీజర్ ద్వారా సలార్ ఒకటి కంటే ఎక్కువ భాగాల్లో రాబోతోందని మేకర్స్ స్పష్టం చేశారు. సలార్ పార్ట్ 1 సీజ్‌ఫైర్ అనే పేరు పెట్టారు. కేజీఎఫ్ ఛాప్టర్ 1, ఛాప్టర్ 2లాగే ఈ సలార్ కూడా రెండు భాగాల్లో రాబోతోందని ఈ టీజర్ చూస్తే స్పష్టమవుతోంది. అయితే సలార్ సెకండ్ పార్ట్ ఇప్పుడప్పుడే చూసే అవకాశం అభిమానులకు ఉండదు.

ఎందుకంటే ఈ మూవీ తర్వాత ప్రభాస్ ప్రాజెక్ట్ కే, స్పిరిట్, రాజాడీలక్స్ లాంటి సినిమాలతో బిజీగా ఉన్నాడు. అవన్నీ పూర్తయిన తర్వాతగానీ సలార్ పార్ట్ 2 గురించి ఆలోచించలేం. అయితే దీనికి రెండో పార్ట్ ఉంటుందని మాత్రం మేకర్స్ అధికారికంగా కన్ఫమ్ చేయడం మాత్రం ఫ్యాన్స్ ను ఆనందానికి గురి చేస్తోంది. సలార్ పార్ట్ 1: సీజ్‌ఫైర్ సెప్టెంబర్ 28న రిలీజ్ కాబోతోంది.