Salaar Teaser: స‌లార్ టీజ‌ర్ వ‌చ్చేసింది - ప్ర‌భాస్ ఫ్యాన్స్‌కు విజువ‌ల్ ఫీస్ట్‌

Salaar Teaser: ప్ర‌భాస్ (Prabhas) ఫ్యాన్స్‌తో పాటు ఇండియ‌న్ సినీ ల‌వ‌ర్స్ ఎంతో ఆస‌క్తిగా ఎదురుచూస్తోన్న స‌లార్ మూవీ టీజ‌ర్ వ‌చ్చేసింది. గురువారం ఉద‌యం ఐదు గంట‌ల ప‌న్నెండు నిమిషాల‌కు ఈ టీజ‌ర్‌ను చిత్ర యూనిట్ రిలీజ్ చేసింది. భారీ యాక్ష‌న్ సీక్వెన్స్‌ల‌తో టీజ‌ర్ ఇంటెన్స్‌గా సాగింది.

ప్ర‌భాస్‌లోని హీరోయిజాన్ని టీజ‌ర్‌లో ప‌తాక స్థాయిలో ద‌ర్శ‌కుడు ప్ర‌శాంత్ నీల్ (Prashanth Neel) ఆవిష్క‌రించారు. చాలా మంది గ‌న్స్‌తో చుట్టూ ముట్టగా టినూ ఆనంద్ క‌థ‌ను చెప్ప‌డంతో టీజ‌ర్ ఆస‌క్తిక‌రంగా ప్రారంభ‌మైంది. సింపుల్ ఇంగ్లీష్‌...నో క‌న్ఫ్యూజ‌న్‌...లైగ‌ర్‌, చీతా, టైగ‌ర్‌, ఎలిఫెంట్ వెరీ డెంజ‌ర‌స్‌.. బ‌ట్ నాట్ ఇన్ జురాసిక్ పార్క్‌. బికాజ్ ఇన్ ద‌ట్ పార్క్ దేర్ ఈజ్ ఏ...అంటూ అత‌డు డైలాగ్ ఆప‌డంతోనే ప్ర‌భాస్ ఎంట్రీ ఇవ్వ‌డం టీజ‌ర్‌కు హైలైట్‌గా నిలిచింది.

ఈ సినిమాలో ప్ర‌భాస్ క్యారెక్ట‌ర్ ఎంత ప‌వ‌ర్‌ఫుల్‌గా ఉండ‌బోతుందో ఈ డైలాగ్స్‌తోనే డిఫ‌రెంట్‌గా టీజ‌ర్‌లో చూపించారు ప్ర‌శాంత్ నీల్‌. చివ‌ర‌లో విల‌న్ పృథ్వీరాజ్ సుకుమార‌న్‌(Prithviraj Sukumaran) క‌నిపించాడు. ఇది పార్ట్ 1 టీజ‌ర్ అని చెప్పి స‌లార్ రెండు పార్ట్‌లుగా తెర‌కెక్క‌బోతున్న‌ట్లు మూవీ టీమ్ క్లారిటీ ఇచ్చారు.

కంప్లీట్‌గా యాక్ష‌న్ అంశాల‌తో క‌ట్ చేసిన ఈ టీజ‌ర్‌ రిలీజైన కొద్ది నిమిషాల్లోనే సోష‌ల్ మీడియాలో ట్రెండింగ్‌గా మారింది. గ్యాంగ్‌స్ట‌ర్ యాక్ష‌న్ ఎంట‌ర్‌టైన‌ర్‌గా ద‌ర్శ‌కుడు ప్ర‌శాంత్ నీల్ తెర‌కెక్కించిన ఈ మూవీ సెప్టెంబ‌ర్ 28న రిలీజ్ కానుంది. ఈ సినిమాలో మ‌ల‌యాళ స్టార్ హీరో పృథ్వీరాజ్ సుకుమార‌న్ విల‌న్‌గా న‌టించ‌బోతున్నాడు. వ‌ర‌ద‌రాజా మ‌న్నార్ అనే పాత్ర‌లో అత‌డు క‌నిపించ‌బోతున్నాడు.

ఆద్య అనే జ‌ర్న‌లిస్ట్‌గా శృతిహాస‌న్ క‌నిపించ‌బోతున్న‌ది. జ‌గ‌ప‌తిబాబు ప్ర‌ధాన పాత్ర‌ను పోషిస్తున్నాడు. దాదాపు రెండు వంద‌ల కోట్ల బ‌డ్జెట్‌తో హోంబ‌లే ఫిల్మ్స్ అధినేత‌ విజ‌య్ కిరగందూర్ స‌లార్ మూవీని నిర్మిస్తోన్నాడు. పాన్ ఇండియా లెవెల్‌లో తెలుగు, హిందీ, త‌మిళం, క‌న్న‌డ‌, మ‌ల‌యాళం భాష‌ల్లో ఈ మూవీ రిలీజ్ కానుంది.

సాహో, రాధేశ్యామ్‌, ఆదిపురుష్‌తో ప్ర‌భాస్ ప‌రాజ‌యాల్ని అందుకోవ‌డంతో ఈ మూవీపైనే అత‌డి ఫ్యాన్స్ ఎక్కువ‌గా ఆశ‌లు పెట్టుకున్నారు. కేజీఎఫ్ -2 త‌ర్వాత ప్ర‌శాంత్ నీల్ ద‌ర్శ‌క‌త్వం వ‌హిస్తోన్న సినిమా ఇది. కేజీఎఫ్ -2 రికార్డుల‌ను స‌లార్ తిర‌గ‌రాయ‌డం ఖాయ‌మ‌ని అభిమానులు అంచ‌నా వేస్తోన్నారు.