Ram charan True Legend: లెజెండ్ అనిపించుకున్న రామ్ చరణ్.. సైనికుడి పిల్లలతో సెల్ఫీ.. వీడియో వైరల్

Ram charan True Legend: మెగా పవర్ స్టార్ రామ్ చరణ్‌కు ఇటీవలే ప్రముఖ ఆంగ్ల మీడయా సంస్థ ట్రూ లెజెండ్ అనే పురస్కారాన్ని అందించిన సంగతి తెలిసిందే. అయితే ఈ అవార్డుకు న్యాయం చేకూర్చేలే రీల్ లైఫ్‌లోనే కాదు రియల్ లైఫ్‌లోనూ చరణ్ లెజెండ్‌లా వ్యవహరించారు. అమరుడైన ఓ సైనికుడి పిల్లల కోరిక మేరకు అతడితో సెల్ఫీ దిగడమే కాకుండా కాసేపు అతడితో సమయం గడిపాడు చరణ్. ప్రస్తుతం ఈ వీడియో క్లిప్ సోషల్ మీడియాలో వైరల్‌గా మారింది. రామ్ చరణ్ నిజంగానే లెజెండ్ అంటూ అభిమానులు నెట్టింట పోస్టులు పెడుతున్నారు.

వివరాల్లోకి వెళ్తే 2020లో గల్వాన్ వ్యాలీ క్లాష్‌లో అమరుడైన సైనికుడు సంతోష్ బాబు పిల్లలతో సెల్ఫీ దిగాడు. చిన్నారులతో కలిసి తన సెల్ఫీలు దిగడమే కాకుండా కాసేపు వారితో గడిపారు. ల్యాండ్‌స్కేప్, పోర్ట్రెయిట్ మోడ్‌లె సెల్ఫీలు ఇచ్చారు చరణ్. ప్రస్తుతం ఈ వీడియో సోషల్ మీడియాలో వీడియో వైరల్ అవుతోంది. రామ్ చరమ్ జెంటిల్‌మన్ అంటూ నెటిజన్లు తమ స్పందనను తెలియజేస్తున్నారు.

ప్రముఖ ఆంగ్ల మీడియా సంస్థ ఎన్డీటీవీ వివిధ రంగాల్లో విశేషమైన సేవలను అందించిన పలువురు ప్రముఖులకు ఫ్యూచర్ ఆఫ్ యంగ్ ఇండియా ట్రూ లెజెండ్ అంవార్డును అందజేసింది. ఎంటర్టైన్మెంట్ విభాగంలో రామ్ చరణ్‌కు ట్రూ లెజెండ్ అవార్డు లభించింది. ఈ పురస్కారాన్ని చరణ్ తన తండ్రి చిరంజీవికి అంకితం చేశారు.

ప్రస్తుతం రామ్ చరణ్.. శంకర్ దర్శకత్వంలో ఓ సినిమా చేస్తున్నారు. ఇది కాకుండా ఇటీవలే ఉప్పెన దర్శకుడు బుచ్చిబాబు సానంతో ఓ స్పోర్ట్స్ డ్రామాలో నటిస్తున్నారు. ఈ సినిమా కూడా పాన్ ఇండియా స్థాయిలో తెరకెక్కుతోంది. మైత్రీ మూవీ మేకర్స్, వృద్ధి సినిమాస్ ఈ మూవీని తెరకెక్కిస్తున్నారు. ఈ నెల చివర్లో ఇది పట్టాలెక్కనుంది.