Prabhas | ప్ర‌భాస్ స‌లార్ షూటింగ్ పూర్త‌య్యేది ఎప్పుడో వెల్ల‌డించిన నిర్మాత‌

ప్ర‌భాస్ హీరోగా ప్ర‌శాంత్ నీల్ ద‌ర్శ‌క‌త్వంలో రూపొందుతున్న చిత్రం సలార్. గ్యాంగ్‌స్ట‌ర్ డ్రామా గా పీరియాడిక‌ల్ యాక్ష‌న్ క‌థాంశంతో ఈ సినిమా తెరకెక్కుతోంది. కేజీఎఫ్‌2 ఘన విజ‌యం త‌ర్వాత ప్ర‌శాంత్ నీల్ ద‌ర్శ‌క‌త్వంలో రూపుదిద్దుకోనున్న ఈ సినిమాపై భారీగా అంచ‌నాలు నెల‌కొన్నాయి. 

దాదాపు 200 కోట్ల వ్య‌యంతో ఈ సినిమాను నిర్మిస్తున్నారు. కేజీఎఫ్ 2 ప్ర‌మోష‌న్స్ కారణంగా సలార్ షూటింగ్‌కు బ్రేక్ పడింది. తాజాగా ఈ సినిమా  చిత్రీక‌ర‌ణ‌ను పునఃప్రారంభించేందుకు చిత్ర యూనిట్ స‌న్నాహాలు చేస్తోంది. వ‌చ్చే వారం నుంచి  త‌దుప‌రి షెడ్యూల్‌ను మొద‌లుపెట్ట‌బోతున్న‌ట్లు నిర్మాత విజ‌య్ కిర‌గందూర్ వెల్ల‌డించారు. ఇందులో ప్రభాస్ తో పాటు ప్రధాన తారాగణం మొత్తం పాల్గొంటారని ఆయన వెల్లడించారు.  

ఇప్ప‌టివ‌ర‌కు 30 నుంచి 35 శాతం షూటింగ్ పూర్త‌యిన‌ట్లు వెల్ల‌డించారు. అక్టోబ‌ర్ లేదా న‌వంబ‌ర్ లోగా సినిమా షూటింగ్ మొత్తాన్ని పూర్తిచేయ‌నున్న‌ట్లు వెల్ల‌డించారు. ఈ సినిమాలో శృతిహాస‌న్ క‌థానాయిక‌గా న‌టిస్తోంది. ఆద్య అనే జ‌ర్న‌లిస్ట్ పాత్ర‌లో ఆమె క‌నిపించ‌బోతున్న‌ది. పృథ్వీరాజ్ సుకుమార‌న్ తో పాటు జ‌గ‌ప‌తిబాబు ఈ సినిమాలో కీల‌క పాత్ర‌ల‌ను పోషిస్తున్నారు.