OTT Psychological Thriller: ఓటీటీలోకి తెలుగులోనూ వచ్చేస్తున్న బ్లాక్‌బస్టర్ మలయాళం సైకలాజికల్ థ్రిల్లర్ మూవీ

OTT Psychological Thriller: ఓటీటీలోకి మరో సైకలాజికల్ థ్రిల్లర్ మూవీ రాబోతోంది. ఇది మలయాళంలో వచ్చిన కిష్కింధ కాండం. సెప్టెంబర్ 12న థియేటర్లలో రిలీజై సంచలన విజయం సాధించిన సినిమా ఇది. సుమారు 50 రోజుల తర్వాత ఇప్పుడు డిజిటల్ ప్రీమియర్ కు సిద్ధమవుతున్నట్ల వార్తలు వస్తున్నాయి. అయితే దీనిపై అధికారిక ప్రకటన మాత్రం రాలేదు.

కిష్కింధ కాండం ఓటీటీ రిలీజ్ డేట్

మలయాళం సినిమా నుంచి ఈ ఏడాది వచ్చిన మరో బ్లాక్ బస్టర్ మూవీ కిష్కింధ కాండం. ఆసిఫ్ అలీ నటించిన ఈ సైకలాజికల్ థ్రిల్లర్ మూవీ నవంబర్ 1 నుంచి డిస్నీ ప్లస్ హాట్‌స్టార్ లో స్ట్రీమింగ్ కాబోతున్నట్లు సమాచారం. దీనిపై అధికారిక ప్రకటన త్వరలోనే రానుంది.

ఈ మధ్యకాలంలో చాలా వరకు హిట్ మలయాళం సినిమాల స్ట్రీమింగ్ హక్కులను సొంతం చేసుకుంటున్న హాట్‌స్టార్.. ఇప్పుడీ కిష్కింధ కాండం హక్కులను కూడా దక్కించుకుంది. సెప్టెంబర్ 12న ఓనమ్ సందర్భంగా థియేటర్లలో ఈ సినిమా రిలీజైంది. బాక్సాఫీస్ దగ్గర రూ.77 కోట్లు వసూలు చేసి బ్లాక్ బస్టర్ గా నిలిచింది.

కిష్కింధ కాండం మూవీ ఎలా ఉందంటే?

కిష్కింధ కాండం సినిమాలో ఆసిఫ్ అలీతోపాటు విజయ రాఘవన్, అపర్ణ బాలమురలి కూడా నటించారు. ఈ మూవీ రిలీజైన రోజు నుంచే పాజిటివ్ రివ్యూలు వచ్చాయి.

గ్రిప్పింగ్ స్క్రీన్ ప్లే, లీడ్ రోల్స్ నటనకు ప్రేక్షకులు ఫుల్ మార్క్స్ వేశారు. హాలీవుడ్ లో వచ్చిన క్రిస్టఫర్ నోలాన్ మూవీ మెమెంటో, మరో మూవీ రిమెంబర్ మీ స్టోరీ లైన్ ను పోలి ఉన్న ఈ కిష్కింధ కాండం.. ఈ మధ్యకాలంలో వచ్చిన బెస్ట్ సైకలాజికల్ థ్రిల్లర్స్ లో ఒకటిగా చెప్పొచ్చు.

కిష్కింధ కాండం స్టోరీ ఇదీ..

ఓ గన్ కనిపించకుండా పోవడంతో ఈ కిష్కింధ కాండం మిస్టరీ స్టోరీ మొదలవుతుంది. కోతులు ఎక్కువగా ఉండే కల్లేపతి రిజర్వ్ ఫారెస్ట్ లో ఈ మూవీని చిత్రీకరించారు. ఈ మిస్టరీ థ్రిల్లర్ మూవీలో స్టోరీని చెప్పిన విధానం, ఊహకందని క్లైమ్యాక్స్ ప్రేక్షకులను థ్రిల్ కు గురి చేశాయి.

ఈ మూవీలో అజయ్ చంద్రన్ అనే పాత్రలో ఆసిఫ్ అలీ నటించాడు. ఇక అప్పు పిళ్లై అనే మాజీ మిలిటరీ అధికారి పాత్రలో విజయరాఘవన్ నటించాడు. మలయాళంలో టాప్ స్టార్లలో ఒకడైన ఆసిఫ్ అలీ ఈ ఏడాది ఇప్పటికే వర్షంగల్కు శేషం, మారివిల్లిన్ గోపురంగల్, తలవన్, లెవల్ క్రాస్, అడియోస్ అమిగో లాంటి సినిమాలతోపాటు మనోరతంగల్ అనే ఆంథాలజీ సిరీస్ లోనూ నటించాడు. ఇప్పుడీ కిష్కింధ కాండం మూవీతో ప్రేక్షకుల ముందుకు వచ్చి సక్సెస్ సాధించాడు.