OTT Free Streaming: నాని బ్లాక్‌బ‌స్ట‌ర్ మూవీని ఓటీటీలో ఫ్రీగా చూసేయండి - రెండు రోజులు మాత్ర‌మే ఈ ఆఫ‌ర్‌!

OTT Free Streaming: ఓటీటీ ఫ్యాన్స్ కోసం స‌న్ నెక్స్ట్ ప్ర‌తి వీకెండ్ రెండు బ్లాక్‌బ‌స్ట‌ర్ మూవీస్‌ను ఎలాంటి స‌బ్‌స్క్రిప్ష‌న్ ఛార్జీలు లేకుండా ఫ్రీగా అందుబాటులోకి తీసుకొస్తోంది. ఈ వారం నాని బ్లాక్‌బ‌స్ట‌ర్ మూవీ జెర్సీఫ్రీ స్ట్రీమింగ్ ద్వారా ఓటీటీ ఆడియెన్స్ ముందుకు రాబోతోంది.

ఈ విష‌యాన్ని స‌న్ నెక్స్ట్ ట్విట్ట‌ర్ ద్వారా ప్ర‌క‌టించింది. జెర్సీ మూవీని అక్టోబ‌ర్ ఐదు, ఆరు తేదీల్లో స‌న్ నెక్స్ట్ ఓటీటీలో ఫ్రీగా చూడొచ్చ‌ని తెలిపింది. జెర్సీతో పాటు త‌మిళ మూవీ నాన‌య‌మ్‌ను ఫ్రీగా చూడొచ్చ‌ని తెలిపింది. నాన‌య‌మ్ మూవీలో ప్ర‌స‌న్న‌, ఎస్‌పి బాల‌సుబ్ర‌హ్మ‌ణ్యం, ర‌మ్య రాజ్ కీల‌క పాత్ర‌లు పోషించారు.

రెండు నేష‌న‌ల్ అవార్డులు...

నాని హీరోగా గౌత‌మ్ తిన్న‌నూరి ద‌ర్శ‌క‌త్వంలో రూపొందిన జెర్సీ మూవీ బ్లాక్‌బ‌స్ట‌ర్‌గా నిలిచింది. క్రికెట్ బ్యాక్‌డ్రాప్‌లో ఎమోష‌న‌ల్ ఎంట‌ర్‌టైన‌ర్‌గా తెర‌కెక్కిన ఈ మూవీ రెండు జాతీయ అవార్డుల‌ను సొంతం చేసుకున్న‌ది. బెస్ట్ తెలుగు మూవీతో పాటు ఎడిటింగ్ విభాగంలో ఈ మూవీకి నేష‌న‌ల్ అవార్డులు వ‌చ్చాయి. నేష‌న‌ల్ అవార్డుతో పాటు ప‌లు సినిమా పుర‌స్కారాల‌ను ఈ మూవీ ద‌క్కించుకున్న‌ది.

36 ఏళ్ల వ‌య‌సులో...

ఈ సినిమాలో నాని న‌ట‌న‌కు పెద్ద ఎత్తున ప్ర‌శంస‌లు ద‌క్కాయి. కొడుకు కోసం 36 ఏళ్ల వ‌య‌సులో మ‌ళ్లీ క్రికెట‌ర్‌గా మారేందుకు త‌ప‌న ప‌డే వ్య‌క్తి పాత్ర‌లో అస‌మాన యాక్టింగ్‌ను క‌న‌బ‌రిచాడు నాని. జెర్సీ మూవీలో శ్ర‌ద్ధా శ్రీనాథ్ హీరోయిన్‌గా న‌టించింది. స‌త్య‌రాజ్‌, విశ్వాంత్‌, సానుషా కీల‌క పాత్ర‌ల్లో న‌టించారు. అనిరుధ్ మ్యూజిక్ అందించాడు.

యాభై కోట్ల క‌లెక్ష‌న్స్‌...

25 కోట్ల బ‌డ్జెట్‌తో రూపొందిన జెర్సీ మూవీ యాభై కోట్ల క‌లెక్ష‌న్స్ ద‌క్కించుకున్న‌ది. సితార ఎంట‌ర్‌టైన్‌మెంట్స్ ప‌తాకంపై సూర్య‌దేవ‌ర నాగ‌వంశీ ఈ సినిమాను ప్రొడ్యూస్ చేశాడు. హిందీలో షాహిద్‌క‌పూర్‌, మృణాల్ ఠాకూర్ హీరోహీరోయిన్లుగా సేమ్ టైటిల్‌తో జెర్సీ రీమేక్ అయ్యింది. తెలుగులో పెద్ద విజ‌యాన్ని సాధించిన ఈ మూవీ హిందీలో మాత్రం డిజాస్ట‌ర్‌గా నిలిచింది.

స‌రిపోదా శ‌నివారం...

స‌రిపోదా శ‌నివారం మూవీతో ఇటీవ‌లే స‌క్సెస్ ద‌క్కించుకున్నాడు నాని. వివేక్ ఆత్రేయ ద‌ర్శ‌క‌త్వంలో యాక్ష‌న్ ఎంట‌ర్‌టైన‌ర్‌గా రూపొందిన ఈ మూవీ వంద కోట్ల క‌లెక్ష‌న్స్ రాబ‌ట్టింది. ఈ సినిమాలో ఎస్‌జేసూర్య విల‌న్‌గా న‌టించాడు. ఇటీవ‌లే నెట్‌ఫ్లిక్స్‌లో రిలీజైన ఈ మూవీ నేష‌న‌ల్ వైడ్‌గా ట్రెండింగ్‌లో ఉంది.

రెండుసినిమాలు...

స‌రిపోదా శ‌నివారం త‌ర్వాత నాని రెండు సినిమాలు చేస్తోన్నాడు. హిట్ 3 మూవీలో పోలీస్ ఆఫీస‌ర్‌గా క‌నిపించ‌బోతున్నాడు. క్రైమ్ థ్రిల్ల‌ర్‌గా రూపొందుతోన్న ఈ మూవీకి శైలేష్ కొల‌ను ద‌ర్శ‌క‌త్వం వ‌హిస్తున్నాడు. కేజీఎఫ్ ఫేమ్ శ్రీనిధి శెట్టి హీరోయిన్‌గా న‌టిస్తోంది. అలాగే ద‌స‌రా త‌ర్వాత శ్రీకాంత్ ఓదెల‌తో నాని మ‌రో సినిమాకు గ్రీన్‌సిగ్న‌ల్ ఇచ్చాడు. హైద‌రాబాద్ బ్యాక్‌డ్రాప్‌లో మాస్ యాక్ష‌న్ క‌థాంశంతో ఈ మూవీ తెర‌కెక్కుతోంది.