Malayalam OTT: వెరైటీ టైటిల్‌తో వ‌చ్చిన మ‌ల‌యాళం థ్రిల్ల‌ర్ మూవీ ఓటీటీలోకి వ‌చ్చేస్తోంది - ఐఎమ్‌డీబీలో 9.7 రేటింగ్‌!

Malayalam OTT: మ‌ల‌యాళం ఇన్వేస్టిగేట్ థ్రిల్ల‌ర్ మూవీ అగాథోకాకోలాజిక‌ల్ థియేట‌ర్ల‌లో రిలీజైన ఐదు నెల‌ల త‌ర్వాత ఓటీటీలోకి వ‌స్తోంది. ఈ నెల 31 నుంచి మ‌నోర‌మా మాక్స్ ఓటీటీలో ఈ థ్రిల్ల‌ర్ మూవీ స్ట్రీమింగ్ కాబోతోంది.

లియోనా లిషోయ్ హీరోయిన్‌...

అగాథోకాకోలాజిక‌ల్ మూవీలో లీయోనా లిషోయ్ హీరోయిన్‌గా న‌టించింది. ప్ర‌శాంత్ ముర‌ళి, మ‌ఖ్బూల్ స‌ల్మాన్‌, వాసుదేవ‌న్ ఉన్ని కీల‌క పాత్ర‌ల్లో క‌నిపించారు. ఈ క్రైమ్ థ్రిల్ల‌ర్ మూవీకి సీడీ వెంక‌టేష్ ద‌ర్శ‌క‌త్వం వ‌హించాడు.

9.7 రేటింగ్‌...

జూలై 2న థియేట‌ర్ల‌లో రిలీజైన ఈ మూవీకి విమ‌ర్శ‌కుల ప్ర‌శంస‌ల్ని అందుకున్న‌ది. ఐఎమ్‌డీబీలో 9.7 రేటింగ్‌ను సొంతం చేసుకున్న‌ది. నేటి ఆధునిక స‌మాజంలో మ‌హిళ‌లు ఎదుర్కొనే ఓ స‌మ‌స్య‌ను మిస్ట‌రీ థ్రిల్ల‌ర్ అంశాల‌తో ద‌ర్శ‌కుడు చెప్పిన తీరు ఆడియెన్స్‌ను మెప్పించింది. ఊహ‌ల‌కు అంద‌ని ట్విస్ట్‌లతో సినిమా సాగ‌డంతో పాటు ఛాలెంజింగ్ రోల్‌లో లీయోనా లిషోయ్ యాక్టింగ్ అగాథోకాకోలాజిక‌ల్ మూవీ విజ‌యంలో కీల‌కంగా నిలిచాయి. లిమిటెడ్ బ‌డ్జెట్‌లో రూపొందిన ఈ సినిమా క‌మ‌ర్షియ‌ల్‌గా మంచి వ‌సూళ్ల‌ను రాబ‌ట్టింది

బ్లాక్‌మెయిల‌ర్ ఎవ‌రు?

నిషా (లియోనా లిషోయ్‌) అర్కిటెక్ట్‌గా ఉద్యోగం చేస్తుంటుంది. భ‌ర్త వినీత్‌తో (ప్ర‌శాంత్ ముర‌ళి) పాటు కొడుకుతో సంతోషంగా ఆమె జీవితం సాగిపోతుంది. ఓ రోజు ఓ అప‌రిచిత వ్య‌క్తి నుంచి వ‌చ్చిన కాల్‌తో నిషా జీవితం మొత్తం త‌ల‌క్రిందుల‌వుతుంది. నిషా గ‌తం గురించిన ఓ ర‌హ‌స్యాన్ని ప్ర‌పంచం మొత్తానికి చెబుతాన‌ని ఓ అప‌రిచిత వ్య‌క్తి బ్లాక్‌మెయిల్ చేస్తుంటాడు.

ఆ బ్లాక్‌మెయిల‌ర్‌పై పోలీసుల‌కు కంప్లైంట్ చేస్తుంది నిషా. అప్ప‌టి నుంచి ఆమెను కొంత మంది వ్య‌క్తులు వెంబ‌డించ‌డం మొద‌లుపెడ‌తారు. నిషా కేసును ఎస్ఐ అజిత్ ఇన్వేస్టిగేట్ చేయ‌డం మొద‌లుపెడ‌తాడు. అత‌డి ఇన్వేస్టిగేష‌న్‌లో ఏం తేలింది? నిషా గ‌తానికి సంబంధించిన ఆ సీక్రెట్ ఏమిటి? నిషాను బ్లాక్‌మెయిల్ చేస్తున్న వ్య‌క్తి ఎవ‌రు అన్న‌దే ఈ మూవీ క‌థ‌.

హ‌నుమాన్ హీరోతో...

లియోనా లిషోయ్ మ‌ల‌యాళంతో గ్లామ‌ర్‌తో పాటు యాక్టింగ్‌కు ఇంపార్టెన్స్ ఉన్న క్యారెక్ట‌ర్స్ చేస్తూ హీరోయిన్‌గా రాణిస్తోంది. హ‌నుమాన్ హీరోతేజా స‌జ్జా హీరోగా న‌టించిన ఇష్క్ మూవీతో టాలీవుడ్‌లోకి ఎంట్రీ ఇచ్చింది లియోనా లిషోయ్‌. ఈ మూవీలో ఓ హీరోయిన్‌గా న‌టించింది.మోడ‌ల్‌గా కెరీర్‌ను ప్రారంభించిన లియోనా లిషోయ్ మ‌ల‌యాళంలో 30కిపైగా సినిమాలు చేసింది.