Liger Advance Bookings: దుమ్ము రేపుతున్న లైగర్‌ అడ్వాన్స్‌ బుకింగ్స్

Liger Advance Bookings: మచ్‌ అవేటెడ్‌ పాన్‌ ఇండియా మూవీ లైగర్‌ అడ్వాన్స్‌ బుకింగ్స్‌ విషయంలో సంచలనాలు సృష్టిస్తోంది. ఈ నెల 25న ఈ మూవీ రిలీజ్‌ కానున్న విషయం తెలిసిందే. అయితే 20వ తేదీనే అడ్వాన్స్‌ బుకింగ్స్‌ ప్రారంభమయ్యాయి. ఈ మధ్య కాలంలో థియేటర్లకు వచ్చే ప్రేక్షకుల సంఖ్య తగ్గిపోతున్న పరిస్థితుల్లో లైగర్‌ మాత్రం దూసుకెళ్తోంది.

ఊహించినట్లే తెలుగు వెర్షన్‌కు డిమాండ్‌ ఎక్కువగా ఉంది. మేకర్స్‌ దేశమంతా తిరుగుతూ ప్రమోషన్లు బాగానే చేస్తున్నా.. హిందీ బెల్ట్‌లో మాత్రం లైగర్‌ అడ్వాన్స్‌ బుకింగ్స్ ఆశించిన రేంజ్‌లో లేవు. అయితే ప్రస్తుతం అక్కడ కూడా పెద్ద సినిమాలు ఏమీ లేకపోవడంతో క్రమంగా పెరిగే అవకాశం ఉంది. ఈ సినిమాతోనే విజయ్‌ బాలీవుడ్‌లోకి అడుగుపెడుతున్నాడు.

ఈ మూవీలో అతని లుక్‌, ట్రైలర్‌లో యాక్టింగ్‌ స్కిల్స్‌కు నార్త్‌ ఆడియెన్స్‌ కూడా బాగానే కనెక్ట్‌ అయ్యారు. దీంతో హిందీలోనూ ఈ సినిమా బాగానే ఆడుతుందని మేకర్స్‌ ఆశతో ఉన్నారు. తెలుగు, హిందీల్లో ఒకేసారి షూట్‌ చేసిన ఈ సినిమాను తమిళం, మలయాళం, కన్నడల్లోకి మాత్రం డబ్‌ చేశారు. తొలి రోజు అడ్వాన్స్‌ బుకింగ్స్‌ రూపంలో లైగర్‌కు రూ.1.7 కోట్లు వచ్చాయి. ఇందులో చాలా వరకూ తెలుగు వెర్షన్‌ సాధించినవే.

ఇక దేశవ్యాప్తంగా మొత్తం 90 వేల టికెట్లు అమ్ముడయ్యాయి. రిలీజ్‌కు మరో మూడు రోజులు ఉండటంతో ఈ సంఖ్య భారీగా పెరగవచ్చు. ఇక హైదరాబాద్‌లో మాత్రం లైగర్‌ హంగామా మామూలుగా లేదు. ఇప్పటికే 15 శాతం షోలు హౌజ్‌ఫుల్‌ కావడం విశేషం. ఇది పక్కా తెలుగు సినిమా.. మన సినిమానే ఇండియాకు చూపిస్తున్నాం అని ప్రమోషన్లలో విజయ్ చెబుతున్నాడు. మరి లైగర్ అతని కెరీర్‌ను ఎలా మలుపు తిప్పుతుందో చూడాలి.