Liger sequel: లైగర్ సీక్వెల్ కన్ఫార్మ్ చేసిన విజయ్ దేవరకొండ

ప్రస్తుతం టాలీవుడ్ లో సీక్వెల్స్ ట్రెండ్ పాపులర్ గా మారిపోయింది. పుష్ప,బింబిసార తో పాటు పలు సూపర్ హిట్ సినిమాలకు సీక్వెల్ రాబోతున్నాయి. సినిమా క్లైమాక్స్ లో,ప్రమోషన్స్ లో సీక్వెల్స్ ఉంటుందని ప్రకటించి అభిమానులను సర్ ప్రైజ్ చేస్తున్నారు.

దర్శకులు,హీరోలు. తాజాగా లైగర్ సినిమాకు సీక్వెల్ (Liger sequel) రాబోతున్నట్లు విజయ్ దేవరకొండ తెలిపాడు. పూరి జగన్నాథ్ (Puri jagannadh) దర్శకత్వంలో మిక్స్‌డ్ మార్ష‌ల్ ఆర్ట్స్ బ్యాక్‌డ్రాప్‌లో తెర‌కెక్కుతున్న ఈ సినిమా ఆగ‌స్ట్ 25న వ‌ర‌ల్డ్‌వైడ్‌గా రిలీజ్ కానుంది. ప్ర‌స్తుతం ఈ సినిమా ప్ర‌మోష‌న్స్ తో విజ‌య్‌దేవ‌ర‌కొండ తో పాటు చిత్ర యూనిట్ బిజీగా ఉంది.

తాజాగా ఓ ఇంట‌ర్వ్యూలో లైగ‌ర్ సినిమాను సీక్వెల్ ఉంటుంద‌ని విజ‌య్ చెప్పాడు. సీక్వెల్ ఆలోచ‌న త‌న‌తో పాటు పూరి జ‌గ‌న్నాథ్‌కు కూడా ఉంద‌ని చెప్పాడు. త‌ప్ప‌కుండా లైగ‌ర్ 2 చేస్తామన్నాడు. ప్ర‌జెంట్ ఉన్న క‌మిట్‌మెంట్స్ పూర్త‌యిన త‌ర్వాతే సీక్వెల్ ఉంటుందని,సెకండ్ పార్ట్ మొద‌ల‌వ్వ‌డానికి చాలా స‌మ‌యం ప‌డుతుంద‌ని పేర్కొన్నాడు.

త‌న కెరీర్ లోనే లైగ‌ర్ బిగ్గెస్ట్ ఫిల్మ్ అని విజ‌య్ అన్నాడు. రెండు వంద‌ల కోట్ల క‌లెక్ష‌న్స్ ను త‌ప్ప‌కుండా లైగ‌ర్ దాటుతుంద‌ని తెలిపాడు. ఈ సినిమాలో విజ‌య్ దేవ‌ర‌కొండ త‌ల్లి పాత్ర‌లో ర‌మ్య‌కృష్ణ క‌నిపించ‌బోతున్న‌ది. బాక్సింగ్ లెజెండ్ మైక్ టైస‌న్ విల‌న్ గా న‌టిస్తున్నాడు. విజ‌య్ దేవ‌ర‌కొండ స‌ర‌స‌న అన‌న్యా పాండే హీరోయిన్ గా న‌టించింది.