Ileana Baby Bump: బేబీ బంప్ చూసి మురిసిపోతున్న ఇలియానా.. తొలిసారిగా ఫొటోలు షేర్ చేసిన ముద్దుగుమ్మ

Ileana Baby Bump: ప్రముఖ నటి ఇలియానా డి క్రూజ్ ఇటీవలే గర్భవతి అయిన సంగతి తెలిసిందే. ఈ విషయాన్ని ఈ ముద్దుగుమ్మే సో,ల్ మీడియా వేదికగా ప్రకటించింది. అంతేకాకుండా తన బేబీ బంప్‌కు సంబంధించిన ఫొటోలను పాక్షికంగా కనిపించేలా పోస్ట్ చేసింది. తొలిసారిగా గర్భం దాల్చిన ఇలియానా.. తాజాగా తన ప్రెగ్నెన్సీ ఫొటోలను షేర్ చేసింది. తన బేబీ బంప్ కనిపించేలా ఫొటోకు ఫోజులిస్తూ నెట్టింట పంచుకుంది. ప్రస్తుతం ఈ చిత్రాలు నెట్టింట హల్చల్ చేస్తున్నాయి.

మేకప్ లేకుండా దిగిన ఈ ఫొటోల్లో ఇలియానా ఎంతో అందంగా కనిపించింది. బేబీ బంప్‌ను హైలెట్ చేస్తూ దిగిన చిత్రాల్లో సంతోషంగా కనిపించింది ఈ ముద్దుగుమ్మ. అంతేకాకుడా బేబీ బంప్ అలెర్ట్ అంటూ తన ఇన్‌స్టాగ్రామ్‌లో క్యాప్షన్‌ను జోడించింది. ఇందుకు సర్వత్రా ఆమెకు అభినందనలు చెబుతున్నారు. ఇలియానా ప్రెగ్నెన్సీ ఫొటోలను చూసిన నెటిజన్లు కూడా విశేషంగా స్పందిస్తున్నారు. కంగ్రాచ్యూలేషన్స్ అంటూ కామెంట్లు పోస్ట్ చేస్తున్నారు.

ఇలియానా ప్రముఖ హీరోయిన్ కత్రీనా కైఫ్ సోదరుడు సెబాస్టియన్ లారెంట్ మైఖేల్‌తో డేటింగ్ చేసినట్లు వార్తలు వచ్చాయి. వీరిద్దరూ కలిసి మాల్దీవుల్లో వెకేషన్‌కు కూడా వెళ్లారు. అయితే ఈ డేటింగ్ గురించి ఇద్దరిలో ఎవ్వరూ అధికారికంగా ప్రకటించలేదు. కత్రీనా పుట్టిన రోజు సందర్భంగా ఆమె స్నేహితులతో కలిసి వెకేషన్‌లో ఇద్దరూ సందడి చేశారు.

ఇక వర్క్ విషయానికొస్తే ఇలియానా ఇటీవలే ప్రముఖ ర్యాపర్ బాద్షా రూపొందించిన మ్యూజిక్ వీడియోలో నటించింది. ఆమె చివరిగా 2020లో విడుదలైన బిగ్ బుల్ అనే మూవీలో నటించింది. అభిషేక్ బచ్చన్ ఇందులో ప్రధాన పాత్ర పోషించారు. ఇలియానా తన తదుపరి చిత్రం బాలీవుడ్ నటుడు రణ్‌దీప్ హుడాతో కలిసి అన్ ఫెయిర్ అండ్ లవ్లీ అనే సినిమాలో నటిస్తోంది.