Dulquer Salmaan: రైతు పాత్ర‌లో దుల్క‌ర్ స‌ల్మాన్ - తెలుగు ద‌ర్శ‌కుడితో పాన్ ఇండియ‌న్ మూవీ - ఇంట్రెస్టింగ్ టైటిల్ ఫిక్స్‌

Dulquer Salmaan: క‌థ‌ల ఎంపిక‌లో వైవిధ్యంగా అడుగులు వేస్తుంటారు మ‌ల‌యాళం హీరో దుల్క‌ర్ స‌ల్మాన్‌. ఆ ఆలోచ‌న విధాన‌మే అత‌డికి మ‌ల‌యాళంతో పాటు తెలుగు, హిందీ, త‌మిళ భాష‌ల్లో వ‌రుస‌ విజ‌యాల్ని తెచ్చిపెడుతోంది. పాన్ ఇండియ‌న్ హీరోగా దుల్క‌ర్‌ను నిల‌బెట్టింది. మ‌హాన‌టి, సీతారామం సినిమాల‌తో తెలుగులో మ‌ర‌చిపోలేని విజ‌యాల‌ను అందుకున్నాడు దుల్క‌ర్ స‌ల్మాన్‌. ఇటీవ‌ల రిలీజైన ప్ర‌భాస్ క‌ల్కి 2898 ఏడీలోనూ గెస్ట్ రోల్‌లో దుల్క‌ర్ స‌ల్మాన్ క‌నిపించాడు.

దుల్క‌ర్ బ‌ర్త్‌డే ట్రీట్‌...

తాజాగా తెలుగులో హీరోగా ఓ కొత్త సినిమాకు దుల్క‌ర్ గ్రీన్‌సిగ్న‌ల్ ఇచ్చాడు. ఆదివారం దుల్క‌ర్ స‌ల్మాన్ పుట్టిన‌రోజు సంద‌ర్భంగా ఈ మూవీని ఆఫీషియ‌ల్‌గా అనౌన్స్‌చేశారు. ఈ సినిమాకు ఆకాశంలో ఒక తార అనే టైటిల్‌ను ఫిక్స్ చేశారు. టైటిల్‌తో పాటు ఈ మూవీ పోస్ట‌ర్‌ను మేక‌ర్స్ రిలీజ్ చేశారు.

ఈ పోస్ట‌ర్‌లో భుజంపై ఎర్ర‌టి కండువాతో రైతుగా సింపుల్ లుక్‌లో దుల్క‌ర్ స‌ల్మాన్‌ క‌నిపిస్తున్నాడు. దుల్క‌ర్ క్యారెక్ట‌ర్ ఎంత డిఫ‌రెంట్ గా ఉంటుంద‌న్న‌ది పోస్ట‌ర్‌తోనే చూపించారు. ఈ పోస్ట‌ర్‌లో ఓ అమ్మాయి స్కూల్ బ్యాగ్ వేసుకుని వెళుతుండ‌టం క‌నిపిస్తోంది. ఆకాశంలో ఒక తార మూవీ పోస్ట‌ర్ సోష‌ల్ మీడియాలో ట్రెండ్ అవుతోంది.

అగ్ర నిర్మాణ సంస్థ‌లు...

ఆకాశంలో ఒక తార మూవీని టాలీవుడ్ అగ్ర నిర్మాణ సంస్థ‌లు గీతా ఆర్ట్స్‌, స్వ‌ప్న సినిమాల‌తో క‌లిసి సందీప్ గుణ్ణం, ర‌మ్య గుణ్ణం నిర్మిస్తోన్నారు. టాలీవుడ్ టాప్ బ్యాన‌ర్స్ ఈ మూవీ నిర్మాణంలో భాగ‌మ‌వుతుండ‌టం ఆస‌క్తిని పంచుతోంది. ఈ సినిమాకు ప‌వ‌న్ సాధినేని ద‌ర్శ‌క‌త్వం వ‌హిస్తోన్నాడు.

ప‌వ‌న్ సాధినేని ద‌ర్శ‌కుడు...

పాన్ ఇండియ‌న్ లెవెల్‌లో తెలుగు, త‌మిళ‌, హిందీ, మ‌ల‌యాళ భాష‌ల్లో రిలీజ్ కాబోతోంది. ప‌వ‌న్ సాధినేని ద‌ర్శ‌క‌త్వం వ‌హిస్తోన్న ఫ‌స్ట్ పాన్ ఇండియ‌న్ మూవీ ఇదే కావ‌డం గ‌మ‌నార్హం. త్వ‌ర‌లోనే ఈ మూవీ ప్రారంభంకానుంది. ఈ సినిమాలో దుల్క‌ర్ స‌ల్మాన్‌తో పాటు న‌టించ‌నున్న ఇత‌ర న‌టీన‌టుల‌తో పాటు టెక్నీషియ‌న్ల వివ‌రాల్ని మ‌రికొద్ది రోజుల్లోనే వెల్ల‌డిస్తామ‌ని మేక‌ర్స్ ప్ర‌క‌టించారు.

తెలుగు వెబ్ సిరీస్‌లు..

తెలుగులో ప‌వ‌న్ సాదినేని ప్రేమ ఇష్క్ కాద‌ల్‌, సావిత్రితో పాటు సేనాప‌తి సినిమాల‌ను తెర‌కెక్కించాడు. అలాగే పిల్లా, ఈ ఆఫీస్‌లో, క‌మిట్‌మెంట‌ల్‌, ద‌యా వెబ్‌సిరీస్‌ల‌ను తెర‌కెక్కించాడు. ఇటీవ‌ల రిలీజైన ప‌రువు వెబ్‌సిరీస్‌కు ప‌వన్ సాదినేని షో ర‌న్న‌ర్‌గా వ్య‌వ‌హ‌రించాడు.

ల‌క్కీ భాస్క‌ర్‌...

ప్ర‌స్తుతం తెలుగులో ల‌క్కీ భాస్క‌ర్ సినిమా చేస్తోన్నాడు దుల్క‌ర్ స‌ల్మాన్‌. వెంకీ అట్లూరి ద‌ర్శ‌క‌త్వం వ‌హిస్తోన్న ఈ మూవీ సెప్టెంబ‌ర్ 7న రిలీజ్ కాబోతోంది. సితార ఎంట‌ర్‌టైన్‌మెంట్స్ సంస్థ నిర్మిస్తోన్న ఈ మూవీలో మీనాక్షి చౌద‌రి హీరోయిన్‌గా న‌టిస్తోంది.