Daksha Nagarkar: నీ తొడలకు పెద్ద ఫ్యాన్‌ని: అభిమాని కామెంట్‌పై హీరోయిన్ అదిరిపోయే రిప్లై

Daksha Nagarkar: బంగార్రాజు, జాంబి రెడ్డి, హుషారులాంటి సినిమాలతో తెలుగు ప్రేక్షకులకు దగ్గరైన నటి దక్షా నాగార్కర్ కు ఈ మధ్య సోషల్ మీడియాలో ఓ ఇబ్బందికరమైన ప్రశ్న ఎదురైంది.

ఇన్‌స్టాగ్రామ్ స్టోరీస్ లో ఆమె ఫ్యాన్స్ తో ముచ్చటిస్తున్న సమయంలో నీ తొడలకు నేను పెద్ద అభిమానిని అంటూ ఓ ఫ్యాన్ కామెంట్ చేశాడు. సాధారణంగా ఈ ప్రశ్న వినగానే హీరోయిన్లకు ఏం సమాధానం ఇవ్వాలో తెలియదు. కానీ దక్ష మాత్రం అదిరిపోయే ఆన్సర్ ఇచ్చింది.

నా తొడలు అందుకే అలా..: దక్షా

అభిమానులతో ఇన్‌స్టాగ్రామ్ లో దక్షా మాట్లాడుతుండగా.. ఓ ఫ్యాన్ సడెన్ గా ఈ ప్రశ్న అడిగాడు. "నీ తొడలకు పెద్ద అభిమానిని. వాటి సీక్రెట్ ఏంటి?" అని అతడు ప్రశ్నించాడు. దీనికి దక్ష తెలివిగా స్పందిస్తూ.. "ఎందుకంటే నేను మసాలా వడలు తింటాను కాబట్టి" అని అనడం విశేషం. ఆమె ఇచ్చిన సమాధానం చాలా మంది ఫ్యాన్స్ కు తెగ నచ్చేసింది.

సోషల్ మీడియాలో సినీ తారలకు ఇలాంటి అనుభవాలు ఎదురవుతూనే ఉంటాయి. అభిమానులమంటూ వచ్చి వాళ్లను మెచ్చుకోవడమే కాదు.. ట్రోలింగ్ కూడా చేస్తుంటారు. అలా ట్రోల్ చేసే క్రమంలోనే ఓ అభిమాని దక్షను ఇలాంటి ఇబ్బందికర ప్రశ్న వేశాడు. కానీ ఆమె మాత్రం సమయస్ఫూర్తి ప్రదర్శిస్తూ.. మరో సినిమా డైలాగుతో రిప్లై ఇచ్చింది.

అవి తొడలా.. మసాలా వడలా అనే మూవీ డైలాగ్ ఎంత పాపులరో తెలిసిందే కదా. దీంతో దక్ష కూడా తాను మసాలా వడలు తింటాను కాబట్టే నా తొడలు ఇలా ఉన్నాయంటూ జోక్ వేసింది. ఆమె ఇచ్చిన ఈ సమాధానం చూసి ఎంతో మంది ఫ్యాన్స్ మీమ్స్ క్రియేట్ చేశారు. ఆ మీమ్స్ ను కూడా దక్ష తన ఇన్‌స్టా స్టోరీస్ లో పోస్ట్ చేయడం విశేషం.

రైమింగ్ అదుర్స్

ఆ అభిమానికి హీరోయిన్ దక్ష ఇచ్చిన ఆన్సర్ చూసి చాలా మంది ఫ్యాన్స్ బాగా ఇచ్చారు అంటూ సోషల్ మీడియాలో కామెంట్స్ చేశారు. తొడలు, వడలు.. అబ్బా రైమింగ్ ఏమైనా ఉందా అని ఓ అభిమాని క్రియేట్ చేసిన మీమ్ ను కూడా దక్ష షేర్ చేసుకుంది. ఓ బాల్ లాగా ఆన్సర్ ఇచ్చావంటూ మరికొందరు కూడా దక్షను అభినందిస్తున్నారు.

ఇక బంగార్రాజు 3లో చైతో కలిసి మీరు నటిస్తే చూడాలని ఉంది అని ఓ అభిమాని అడిగిన ప్రశ్నకు ఆమె మురిసిపోతూ.. ఆ మూవీలోని సాంగ్ పై డ్యాన్స్ చేసింది. మీ తర్వాతి ప్రాజెక్టుల గురించి చెప్పండి అని అడిగితే.. తాను ప్రస్తుతం మూవీ సెట్స్ లోనే ఉన్నానని చెప్పిన దక్ష.. ఆ మూవీ ఏంటన్నది మాత్రం వెల్లడించలేదు. ఇక "ఫిష్ లో ఉంటది ముల్లు.. మీరే నా దిల్లు.. నైట్ కుడతది దోమ.. మీరే నా ప్రేమ" అని మరో అభిమాని కామెంట్ చేశాడు.

దీనికి దక్ష స్పందిస్తూ.. నేను చాలా నవ్వాను.. నన్ను నవ్వించినందుకు థ్యాంక్స్ అని చెప్పింది. దక్ష నాగార్కర్ ఇప్పటికే బంగార్రాజు, జాంబి రెడ్డి, హుషారులాంటి సినిమాల్లో నటించింది.