Bigg Boss Telugu 8: బిగ్ బాస్ ఫ్యాన్స్‌కు స్టార్ మా ఛాలెంజ్.. ఈ ఫొటో చూసి ఆ ప్రశ్నకు సమాధానం చెప్పగలరా?

Bigg Boss Telugu 8: బిగ్ బాస్ తెలుగు సీజన్ 8 రెగ్యులర్ గా ఫాలో అవుతున్నారా? ఈ సీజన్లో కంటెస్టెంట్లు అందరి గురించి మీకు బాగా తెలుసా? అయితే పైన ఉన్న ఫొటో చూసి ఎవరు ఏ స్కోరు సాధించారో చెప్పగలరా? ఇదే ప్రశ్న అభిమానులను స్టార్ మా అడుగుతోంది. 8వ సీజన్ చివరి దశకు చేరుకుంటూ ఫైనలిస్టులు ఖరారవుతున్న వేళ ఈ ఇంట్రెస్టింగ్ ఛాలెంజ్ విసరడం విశేషం.

ఈ స్కోరు ఎవరిదో చెప్పగలరా?

బిగ్ బాస్ తెలుగు సీజన్ 8 త్వరలో ముగుస్తోంది. టికెట్ టు ఫినాలే రేసు హౌజ్‌లో జోరుగా సాగుతోంది. ఈ నేపథ్యంలో అభిమానులకు ఓ పరీక్ష పెట్టింది స్టార్ మా. తన ఎక్స్ అకౌంట్లో కొన్ని స్కోర్లు ఉన్న ఫొటోను షేర్ చేసింది. ఈ స్కోర్లు చూసి అవి సాధించిన కంటెస్టెంట్లు ఎవరో చెప్పాలని ఫ్యాన్స్ ను అడిగింది.

"హలో, బిగ్ బాస్ ఫ్యాన్స్. బిగ్ బాస్ డ్రామా, యాక్షన్ మొత్తం ఫాలో అవుతున్నారని అనుకుంటున్నారా? అయితే మీకోసం ఓ ఫన్ ఛాలెంజ్. వాళ్ల స్కోర్లు చూసి కంటెస్టెంట్లు ఎవరో గుర్తు పట్టగలరా?" అంటూ స్టార్ మా అడిగింది. ఈ ఫొటోలో 43, 30, 30, 24 స్కోర్లు వరుసగా ఉన్నాయి. మరి ఈ స్కోర్లను చూస్తే ఆ కంటెస్టెంట్లు ఎవరో తెలిసిందా?

ఈ కంటెస్టెంట్ల లైన్స్ గుర్తు పట్టారా?

ఇక మరో ఫన్ ఛాలెంజ్ లో భాగంగా బిగ్ బాస్ తెలుగు 8 కంటెస్టెంట్ల గురించి కొన్ని లైన్స్ సగం ఇచ్చి వాటిని పూర్తి చేయాల్సిందిగా కోరింది. ఆ ఫొటోలో ఒక్కో కంటెస్టెంట్ ఇంట్రడక్షన్ కు సంబంధించిన కొన్ని లైన్స్ సగానికి వదిలేసి ఖాళీలను పూరించాలని చెప్పింది.

మొదటగా డ్యాన్స్‌ని చేస్తాడు సర్వనాష్.. వచ్చేస్తున్నా--------- అంటూ ఓ ప్రశ్న అడిగింది. దెయ్యాల్లో ఉంటుంది శాకిని, డాకిని.. మన ముందుకు వస్తుంది----- అంటూ మరో క్లూ ఇచ్చారు. ఇలా మొత్తం ఐదు లైన్స్ అసంపూర్తిగా వదిలేశారు. మరి ఆ కంటెస్టెంట్లు ఎవరో మీరు చెప్పగలరేమో చూడండి.

టికెట్ టు ఫినాలే రేస్

ఇక బిగ్ బాస్ తెలుగు 8 హౌజ్ లో టికెట్ టు ఫినాలే రేస్ రంజుగా సాగుతోంది. ఇందులో భాగంగా కంటెస్టెంట్లకు వింత వింత టాస్కులు ఇస్తున్నాడు బిగ్ బాస్. తాజాగా జారుతూ గెలువు అనే టాస్క్ ఇవ్వగా.. ఇందులో గెలవడానికి వాళ్లు పోటీ పడ్డారు. గురువారం (నవంబర్ 28) రాత్రి ప్రసారమయ్యే ఈ ఎపిసోడ్ కు సంబంధించిన ప్రోమోను రిలీజ్ చేశారు.

టికెట్ టు ఫినాలే రేస్‌లో వరుసగా టాస్క్‌లు గెలిచి మొదటి ఫైనలిస్ట్‌గా మొన్న రోహిణి సత్తా చాటింది. ఇక నిన్న వరుసగా సుడోకు, క్రికెట్ బోర్డ్ రెండు టాస్క్‌ల్లో విజయం సాధించి అవినాష్ రెండో టికెట్ టు ఫినాలే కంటెస్టెంట్‌గా నిలిచాడు. ఈ రేస్‌లో అవినాష్, ప్రేరణ, పృథ్వీ, నబీల్ పాల్గొన్నారు. వీరితో అంటే పృథ్వీతో కూడా పోటీ పడి బిగ్ బాస్ తెలుగు 8 టికెట్ టు ఫినాలే సాధించాడు అవినాష్.