Bigg Boss 7 Telugu : రతికా కొత్త కోణం.. పట్టించుకోని ప్రశాంత్.. ఈసారి కెప్టెన్ ఎవరంటే?

బిగ్ బాస్ 7 తెలుగు(Bigg Boss 7 Telugu) ఆసక్తిగా సాగుతోంది. కెప్టెన్సీ కంటెండర్‍షిప్ కోసం పోటీ నెలకొంది. కెప్టెన్ అయ్యేందుకు కంటెస్టెంట్లు నానా కష్టాలు పడుతున్నారు. తాజా ఎపిసోడ్లో కెప్టెన్సీ కోసం పలు టాస్కులు ఇచ్చాడు బిగ్ బాస్. టాస్క్ లో శివాజీ కూడా చాలా రోజుల తర్వాత పాల్గొన్నాడు. అతడి చేయికి గాయం ఉన్న కారణంగా.. ఒక చేతితో ఆడే ఆటనే బిగ్ బాస్ ఆడిపించాడు. ఒక బాక్సులో ఉన్న బాల్స్ అన్ని తీసి బయటపడేయాలని చెప్పాడు. ఇందులో గౌతమ్ కృష్ణ మెుదటి స్థానంలో ఉండగా.. రెండో స్థానంలో శోభా శెట్టి, తర్వాతి స్థానంలో అశ్వినీ గెలిచింది. చివరలో శివాజీ ఉన్నాడు.

తలకు స్పాంజీ పెట్టుకుని.., నీటిని పట్టుకుని, ఒక బాక్సులో నింపే టాస్క్ ఇచ్చారు. ఈ ఆటలో భోలే చివరిస్థానంలో నిలిచాడు. తన నీటిని అశ్వినీకి దానం చేశాడు భోలే. అయితే ఆమె మాత్రం సరిగా ఆడలేకపోయింది. దీంతో ఆమె తన నీటిని సందీప్‍కు ఇచ్చేసింది. సందీప్, అర్జున్ మధ్య పోటీ ఉండగా.. సందీప్ గెలిచాడు. ఇక ఎవరు ఎక్కువ డ్రెస్సులు వేసుకుంటారనే ఫన్నీ టాస్క్ ఇచ్చాడు బిగ్ బాస్. ఇందులో యావర్, టేస్టీ తేజ, శోభా పాల్గొంది. శోభా శెట్టి 72 డ్రెస్సులో వేసుకుని విన్ అయింది. తర్వాతి స్థానంలో యావర్ ఉన్నాడు. టేస్టీ తేజ ఆట నుంచి తప్పుకొన్నాడు.

కెప్టెన్ అయ్యేందుకు శోభా శెట్టి హౌస్‍లో అందరితో మంతనాలు జరుపుతోంది. అశ్వినీ దగ్గరకు వెళ్లి కూడా మాట్లాడింది. ఇక గౌతమ్, శోభా శెట్టి మధ్య పోటీ ఉండనున్నట్టుగా తెలుస్తోంది. గౌతమ్ కృష్ణనే కెప్టెన్ అవుతున్నాడని సమాచారం. ఈ వారం ఎలిమినేషన్స్ కూడా ఆసక్తిగా ఉండనున్నాయి. ఓటింగ్ విషయంలో శోభాశెట్టి చివరి స్థానంలో ఉంది. ఆమెనే ఎలిమినేట్ చేసే అవకాశాలు ఉన్నాయి. ప్రేక్షకులకు కూడా శోభా శెట్టి తీరుతో కోపం వచ్చినట్టుగా తెలుస్తోంది. ఎందుకంటే ప్రతీ విషయానికి ఆమె సీరియస్ అయి మాట్లాడుతుంది. టేస్టీ తేజతో అంత క్లోజ్‍గా ఉన్నా.. చిన్న చిన్న విషయాలకే గొడవపడుతుంది. అయితే అంతకుముందు జరిగినట్టుగా శోభాను సేవ్ చేసి.. వేరే వ్యక్తిని పంపిస్తారా? లేదంటే శోభానే పంపిస్తారో చూడాలి. కానీ ఈసారి ఎలిమినేట్ అయ్యేది ఎవరూ ఊహించని పెద్ద చేప అని సమాచారం. శోభాశెట్టిని బయటకు పంపించే అవకాశాలు ఎక్కువగా ఉన్నట్టుగా తెలుస్తోంది.

ఇక హౌస్‍లోరి రీ ఎంట్రీ ఇచ్చిన రతికా మాత్రం తనదైన స్టైల్ ఆట ఆడే ప్రయత్నం చేస్తుంది. బయట పరిస్థితులు పరిశీలించి వచ్చింది. దీంతో ఎవరితో ఎలా ఉండాలో ఆచితూచి వ్యవహరిస్తోంది. యావర్‍తో మళ్లీ క్లోజ్ అయ్యే ప్రయత్నం చేస్తుంది. తాజా ఎపిసోడ్లో యావర్‍తోనే ఎక్కువగా ఉంది. ఈ సందర్భంగా పాత విషయాలు గుర్తు చేసింది. ఒక రోజు తింటుంటే మనల్ని లవ్ బర్డ్స్ అన్నారని, కానీ మనం ఫ్రెండ్స్ కదా అని మాట్లాడింది. పల్లవి ప్రశాంత్ గురించి కూడా యావర్‍తో చెప్పుకొచ్చింది. ఇందుకోసం యావర్‍ను ఉపయోగించుకుంది. అయితే ప్రశాంత్ మాత్రం.. తనకు బాధ కలిగించిన విషయాలను చెప్పాడు. దీంతో రతికాకు ఏం మాట్లాడాలో తెలియలేదు. నా ఆట నేను ఆడుకోవాలని, మైండ్ కరాబవుతుందని వివరించాడు. బయట పరిస్థితులు చూసి వచ్చిన రతికా.. శివాజీ గ్యాంగ్‍లో చేరాలని పావులు కదుపుతుంది. చూడాలి ముందు ముందు ఏం జరుగుతుందో..