Bigg Boss 7 Telugu : బిగ్ బాస్ గేమ్ ఛేంజర్ ప్రిన్స్.. సందీప్‍కు క్లాస్ పీకిన నాగర్జున

బిగ్ బాస్ సీజన్ 7 తెలుగు వీకెండ్ ఎపిసోడ్ కాస్త ఆసక్తిగా సాగింది. కొందరిపై నాగ్ మండిపడ్డారు. మరికొందరిని మెచ్చుకున్నాడు. మూడో హౌస్ మేట్ గా శోభా శెట్టి కన్ఫామ్ అయింది. తర్వాత నామినేషన్స్ లో ఉన్నవారితో ప్రత్యేకంగా మాట్లాడాడు నాగ్. అయితే ఈ సందర్భంగా గేమ్ ఛేంజర్ ఎవరు? సేఫ్ ప్లేయర్ ఎవరు? అని టాస్క్ ఇచ్చాడు. నామినేషన్స్ లో ఉన్న కంటెస్టెంట్లు బ్యాడ్జ్ తీసుకొచ్చి మిగిలిన వారికి పెట్టారు. ఈ సందర్భంగా గేమ్ చేంజర్‍గా యావర్ నిలిచాడు. అతడికి మెుత్తం 4 బ్యాడ్జ్ లు వచ్చాయి.

ఈ సందర్భంగా కిందటి టాస్క్ లో ఎంత కష్టం అయినా ప్రిన్స్ యావర్ తట్టుకున్నాడని మిగిలిన కంటెస్టెంట్లు చెప్పుకొచ్చారు. యావర్ మెంటల్లీ కూడా చాలా స్ట్రాంగ్‍గా ఉన్నాడని తెలిపారు. నాగర్జున కూడా ప్రిన్స్ ను ఈ సందర్భంగా మెచ్చుకున్నాడు. సేఫ్ ప్లేయర్ ఎవరు అని అడగ్గా.. నలుగురు కంటెస్టెంట్లు టేస్టీ తేజకు బ్యాడ్జ్ లు పెట్టారు. అందరికంటే సేఫ్ గా ఆడుతున్నాడని తెలిపారు. దీంతో అతడికి వారం రోజులు గిన్నెలు వాష్ చేయాలని టాస్క్ ఇచ్చాడు నాగర్జున.

ఇక సంచాలకుడిగా ఉన్న సందీప్ కు గట్టిగా క్లాస్ పీకాడు నాగర్జున. నువ్వేమైనా పిస్తావా అంటు ప్రశ్నించాడు. సంచాలకుడిగా విఫలమయ్యావని చెప్పాడు. ప్రియాంక, శోభా శెట్టి, ప్రిన్స్ యావర్ లో వీకెస్ట్ కంటెస్టెంట్ ను పక్కన పెట్టాలని బిగ్ బాస్ చెబితే స్ట్రాంగ్ కంటెస్టెంట్ యావర్ ను అనర్హుడిగా ప్రకటించడం ఏంటని, ప్రియాంకకు సలహాలు ఇవ్వడం ఏంటని అడిగాడు. చికెన్ టాస్క్ లో సందీప్ నిర్ణయాన్ని సమర్థించాడు.

ఈ విషయంపై శోభా శెట్టి, ప్రియాంకకు ఓ టాస్క్ ఇచ్చాడు నాగ్. ఇలా చేసినందుకు సందీప్ కు జైలుకు పంపాలా? లేదా ఆయన బ్యాటరీ లైఫ్ ను తగ్గించాలా? అని అడిగాడు. వారు జైలుకు పంపాలని అన్నారు. కానీ నాగర్జున మాత్రం సందీప్ బ్యాటరీ డౌన్ చేయించారు.

పవర్ అస్త్ర టాస్క్ కు అమర్ దీప్ ను ప్రియాంక అనర్హుడని ప్రకటించిన విషయం తెలిసిందే. ఈ విషయంపై నాగ్ మాట్లాడాడు. నిన్ను నువ్ ఎందుకు డిఫెండ్ చేసుకోలేకపోయావని ప్రశ్నించాడు. నువ్ నీకోసం ఆడుతున్నావా? లేదంటే ప్రియాంకను గెలిపించేందుకు ఆడుతున్నావా అని నేరుగా అడిగేశాడు. అదే ప్రశాంత్ నిన్ను అనర్హుడు అంటే మాత్రం.. బాగా సీరియస్ అయ్యావని, ప్రియాంకను ఒక్క మాట కూడా ఎందుకు అనలేదని నిలదీశాడు. దీంతో అమర్ దీప్ దగ్గర సమాధానం లేక సైలెంట్ అయిపోయాడు. శివాజీ పవర్ అస్త్ర దొంగతనం చేసి జోకర్ అయ్యావని కామెంట్స్ చేశాడు నాగర్జున.

రతిక మీద కూడా నాగర్జున ఫైర్ అయ్యాడు. అసలు హౌస్ లో ఉన్నావా అని అడిగాడు. ఏం ఆలోచిస్తున్నావని ప్రశ్నించగా.. తన ఎక్స్ గురించిన విషయాన్ని చెప్పింది రతిక. ఎక్స్ అంటే పాస్ట్.. గతంలో అయిపోయినదాని గురించి ఆలోచిస్తే.. ప్రస్తుతంలో బతకలేవని, భవిష్యత్ కూడా బాగుండదు అని క్లాస్ పీకాడు నాగర్జున. యావర్ ను నువ్వు అనర్హుడిగా ప్రకటించినా.. వచ్చి నీకు తినిపించాడని గుర్తుచేశాడు.