Bigg Boss 7 Telugu : వచ్చి రాగానే శివన్న కాళ్లు పట్టుకున్న రతికా.. పెద్ద ప్లానింగే!

బిగ్ బాస్ 7 తెలుగు(Bigg Boss 7 Telugu) దసరా స్పెషల్ ఎపిసోడ్ పై జనాలు చాలా అంచనాలు పెట్టుకున్నారు. నాగార్జున కూడా బాగా ఆడించే ప్రయత్నం చేశారు. కానీ కంటెస్టెంట్ల నుంచి వచ్చిన కంటెంట్ మాత్రం పెద్దగా ఆకట్టుకునట్టుగా లేదు. మధ్య మధ్యలో సెలెబ్రెటీలతో పండగ పూట డ్యాన్స్ చేయించాడు బిగ్ బాస్.

ముందుగా చెప్పుకొన్నట్టుగానే పూజా మూర్తి ఎలిమినేట్ అయింది. వైల్డ్ కార్డ్ ఎంట్రీతో వచ్చిన ఆమెను ప్రేక్షకులు రెండు వారాల్లో ఇంటికి పంపించేశారు. బయటకు వెళ్లే సమయంలో అందరి గురించి బాగా మాట్లాడింది పూజా. ఇక తర్వాత హౌస్‍లో ఎంటర్ అయ్యేందుకు రతికాను పిలిచారు నాగార్జున(Nagarjuna). జీవితంలో సెకండ్ ఛాన్స్ అంత ఈజీగా రాదు.. కానీ నీకు వచ్చిందని, బాగా ఆడాలని ఎంకరేజ్ చేశారు.

హౌస్ లోకి రాగానే అందరితో కలిసి పోయేందుకు ప్రయత్నించింది రతికా(Rathika). యావర్ ను పలకరించింది. పల్లవి ప్రశాంత్ మాత్రం పెద్దగా ఆమెను పట్టించుకోలేదు. ఎందుకంటే గతంలో రతికా ఇచ్చిన షాక్ నుంచి ప్రశాంత్ ఇంకా బయటపడినట్టుగా లేడు. అయితే వచ్చి రాగానే.. ఓ గదిలోకి తీసుకెళ్లి శివాజీ కాళ్లపై పడింది రతికా. చేసింది తప్పే అన్నట్టుగా తెలిపింది. నువ్ నా బిడ్డవమ్మా అంటూ శివాజీ చెప్పుకొచ్చాడు.

బయటకు వచ్చిన రతికా.. ఎవరికి ఎక్కువ ఫ్యాన్స్ ఉన్నారు, తాను బయటకు రావడానికి గల కారణాలను అంచనా వేసుకున్నట్టుగా ఉంది. దీంతో ఫాలోవర్లు ఎక్కువగా ఉన్న కంటెస్టెంట్లతోనే ఉండేందుకు ప్లాన్ చేసుకున్నట్టుగా కనిపిస్తుంది. హౌస్ లో ఉన్న శివాజీ(Sivaji)కి మంచి పేరు ఉంది. దీంతో ఈసారి శివాజీకి పాజిటివ్‍గా రతికా ఉండే విధంగా కనిపిస్తుంది. శివాజీ సపోర్ట్ గ్యాంగ్‍లో రతిక కూడా చేరే అవకాశం ఉంది.

ఇక రతికా వచ్చిన వెంటనే.. గౌతమ్ ఆమెతో మాట్లాడాడు. ఎవరు ఓటేశారో చెప్పారా అని ప్రశ్నించాడు. చెప్పలేదని రతిక అనింది. హౌస్ లో ఎక్కువ మంది వారిద్దరికే ఓటు వేశారని, నేను కూడా శుభ శ్రీకి ఓటు వేశానని గౌతమ్ వివరించాడు. తన కోసం లెటర్ త్యాగ్ చేసిందని సేఫ్ గేమ్ ఆడే ప్రయత్నం చేస్తున్నాడు. రతికాకు ముగ్గురు మాత్రమే ఓటు వేశారని శోభాశెట్టి, అర్జున్, సందీప్, ప్రియాంకలతో చెప్పాడు గౌతమ్. టేస్టీ తేజా, అమర్ దీప్, అర్జున్ ఓటేసినట్టుగా తెలిసిందని పేర్కొ్న్నాడు. ఎవరు ఓటు వేశారో అని బిగ్ బాస్ చూపిస్తాడో లేదో తెలియాలి.