Bigg Boss 7 Telugu : సీరియల్‍లా సాగుతూ.. సాగుతూ.. పోయిన నామినేషన్స్.. డేంజర్‍ జోన్‍లో శోభా శెట్టి!

బిగ్ బాస్ 7 తెలుగు(Bigg Boss 7 Telugu) తాజా ఎపిసోడ్ ఆసక్తిగా సాగింది. నామినేషన్స్ సందర్భంగా కంటెస్టెంట్ల మధ్య మాటల యుద్ధం ఎక్కువైంది. కొన్ని కొన్ని బూతు పదాలు కూడా వచ్చాయి. పల్లవి ప్రశాంత్ గౌతమ్, అమర్‍దీప్‍లను నామినేట్ చేశాడు. ఈ సందర్భంగా పల్లవి ప్రశాంత్(Pallavi Prashanth) చెప్పిన కారణాలను గౌతమ్ యాక్సెప్ట్ చేయలేదు. శివాజీ సపోర్ట్ చేస్తూ నామినేషన్స్ చేస్తున్నట్టుగా కనిపించింది. దీంతో గౌతమ్ మరోసారి సీరియస్ అయ్యాడు.

స్మైల్ ప్లీజ్ అనే టాస్క్ విషయాన్ని ప్రశాంత్ ప్రస్తావించాడు. ఆ సమయంలో తేజకు తాను బెల్ట్ వేస్తుంటే శివాజీ అడ్డుకున్నాడని, కానీ నాకు తేజ బెల్ట్ వేస్తుంటే అడ్డుకోలేదని గౌతమ్ చెప్పుకొచ్చాడు. పులిబిడ్డకు ఇంకోసారి నామినేషన్స్ వేస్తే.. నరికి పారేస్తా అనే డైలాగ్ వేసి తొడలు కొట్టడం నాకూ వచ్చు అని గౌతమ్ అన్నాడు. ప్రశాంత్ చెప్పే డైలాగులను గుర్తు చేశాడు. దీంతో ప్రశాంత్ కూడా రెచ్చిపోయి రెండు తొడలు కొట్టాడు.

తర్వాత అమర్‍దీప్‍ను నామినేట్ చేశాడు ప్రశాంత్. భోలే మా గ్రూపులో ఆడాడని, ఆయనను ఆడించకూడదని గ్రూప్ నిర్ణయమని చెప్పుకొచ్చాడు. శివాజీ అన్న కోసం భోలే తన కంటెండర్‍షిప్ త్యాగం చేశాడని తెలిపాడు. వారిని ఎందుకు నామినేట్ చేశావని ప్రశ్నించాడు. అయితే అమర్‍దీప్ మాత్రం కరెక్ట్ పాయింట్ చెప్పాలని అడిగాడు. ఎవరి గురించో నన్ను నామినేట్ చేయడం కరెక్ట్ కాదని తెలిపాడు. ఈ సమయంలో భోలే మధ్యలోకి వచ్చాడు. దీంతో అమర్‍దీప్ కుర్చీని బలంగా తన్ని.. మధ్యలోకి ఎవడైనా వస్తే.. బాగుండదని వార్నింగ్ ఇచ్చాడు. తర్వాత శోభాశెట్టి కూడా భోలేతో గొడవకు దిగింది.

ఇక అర్జున్ వచ్చి తేజ, భోలేను నామినేట్ చేశాడు. రతికా మాత్రం అమర్‍దీప్‍ను నామినేట్ చేసింది. బిగ్ బాస్ హౌస్‍లోకి రతికా ఎంట్రీ కోసం ఓటింగ్ పెట్టినప్పుడు అమర్‍దీప్ రతికాకు సపోర్ట్ చేశాడు. ఈ విషయాన్ని నేరుగా చెప్పకపోయినా సైగలు చేశాడు. కానీ రతికా ఈ విషయాన్ని అర్థం చేసుకోనట్టుగా ఉంది. అమర్‍దీప్‍కు నామినేషన్స్ వేసింది.

మెుత్తానికి ఈ వారం నామినేషన్స్ సీరియల్‍ ఎపిసోడ్‍లా సాగుతూ..సాగుతూ పోయాయి. ప్రేక్షకులకు కూడా కాస్త విసుగు వచ్చినట్టుగానే ఉంది. శోభాశెట్టి, భోలే షావలి, శివాజీ, ప్రియాంక, అశ్వినీ, అమర్‍దీప్, సందీప్, గౌతమ్ నామినేషన్స్ లో ఉన్నారు. ఈ విషయంపై శివాజీ హ్యాపీగా ఉన్నాడు. కరెక్ట్ నామినేషన్స్ పడ్డాయని చెప్పుకొచ్చాడు. శోభాశెట్టి డేంజర్‍ జోన్‍లో ఉన్నట్టుగా అర్థమవుతుంది. శివాజీ బ్యాచ్ మెుత్తం ఆమెపై గరం గరంగా ఉన్నారు. బయట వారి ఫ్యాన్స్ కూడా శోభా శెట్టి మీద ఫైర్ అవుతున్నారు. ఆట సందీప్ కూడా మెుదటిసారి నామినేషన్స్ లోకి వచ్చాడు.