Bigg Boss 7 Telugu : అమర్-ప్రియాంక మధ్య మంట పెట్టిన ఫ్యామిలీ వీక్.. దోస్తులిద్దరూ దూరం దూరం!

బిగ్ బాస్(Bigg Boss) ఫ్యామిలీ వీక్‍లో రతిక తండ్రి వచ్చారు. కాసేపు మాట్లాడి వెళ్లారు. తర్వాత చివరగా పల్లవి ప్రశాంత్(Pallavi Prashanth) తండ్రి వచ్చారు. ఈ సందర్భంగా బిగ్ బాస్ హౌస్‍లోని కంటెస్టెంట్లు అంతా ఎమోషనల్ అయ్యారు. ఇక పల్లవి ప్రశాంత్ ఆనందాన్ని మాటల్లో చెప్పలేం. తర్వాత బిగ్ బాస్ మళ్లీ ఆట మెుదలుపెట్టాడు. కంటెస్టెంట్ల ఫొటోలు ఉన్న బొమ్మలు పెట్టి.. దానిని తీసుకుని గేటులోకి వెళ్లేలా సెట్ వేశారు. అయితే ఎవరి బొమ్మను వారు మాత్రం తీసుకోకూడదు. ఇతరుల బొమ్మను తీసుకుని వెళ్లాలి.

ఈ టాస్కులో మెుదట శోభా శెట్టి(Shobha Shetty) ఓడిపోయింది. ఆమె బొమ్మను రతికా పట్టుకుంది. కానీ లోపలకు వెళ్లలేదు. తర్వాత ప్రశాంత్ కూడా రతికా వల్లనే ఓడిపోయాడు. అమర్‍దీప్ తెలివిగా ఆట ఆడాలని అనుకున్నాడు. కానీ అతడి బొమ్మను ఎవరూ తీసుకోలేదు. చివరకు రతికా బొమ్మ అమర్‍దీప్‍కు, అమర్‍దీప్ బొమ్మ రతికాకు వచ్చింది. రతికా కాళ్లు మెుక్కుతా అని చెప్పి అమర్‍దీప్‍ను రిక్వెస్ట్ చేసుకుని గేటులో లోపలకు పంపించింది. కానీ తర్వాత వెంటనే ఆమె కూడా ఔట్ అయిపోయింది.

ఈ టాస్కులో కాసేపు యావర్, అమర్‍దీప్ మధ్య పెద్ద యుద్ధమే నడిచింది. అయితే అమర్‍దీప్ మాత్రం కావాల్సిన వాళ్లు వెన్నుపోటు పొడిచారని అన్నట్టుగా మాట్లాడాడు. ఈ మాటలు చూస్తుంటే.. ప్రియాంకను అన్నట్టుగానే ఉన్నాయి. ఎందుకుంటే.. మెున్న ప్రియాంక బాయ్ ఫ్రెండ్ శివ్ వచ్చారు. కొంతమందితో దూరంగా ఉండమని అన్నట్టుగా కామెంట్స్ చేశారు. మరోవైపు అమర్ భార్య కూడా వచ్చింది. ప్రియాంకను అస్సలు పట్టించుకోలేదు. ప్రియాంక వైపు చూసి కూడా మాట్లాడలేదు. దీంతో ప్రియాంక ఈ విషయంలో బాధపడింది. అమర్ దగ్గర ఈ విషయాన్ని ప్రస్తావించింది. ఇందులో భాగంగానే అమర్ తరఫున ప్రియాంక ఆడలేదని అర్థమవుతుంది.

ఇక టాస్కు విషయానికి వస్తే.. చివరకు శివాజీ, అర్జున్, గౌతమ్ మిగిలారు. శివాజీ పరిగెత్తుకుంటూ వచ్చి.. గౌతమ్ బొమ్మను పట్టుకున్నారు. కానీ గేటు లోపలకు వెళ్లలేదు. దీంతో గౌతమ్ శివాజీ బొమ్మతో వెళ్లాడు. దీంతో గౌతమ్ ఔట్ అయిపోయాడు. అయితే మళ్లీ గౌతమ్, శివాజీ మధ్య పెద్ద యుద్ధమే నడిచింది. నా బొమ్మను మీరు ఎందుకు తీసుకున్నారు అని గట్టిగా అరిచాడు గౌతమ్. నన్ను పంపించేయండి అంటూ కేకలు పెట్టాడు. ఈసారి శివాజీ కూడా దీటుగా సమాధానమిచ్చాడు. దాంతో ఎపిసోడ్ పూర్తయింది. కెప్టెన్సీ టాస్కులో శివాజీ గెలిచినట్టుగా తెలుస్తోంది.

ఈ వారం రతికా ఎలిమినేట్(Rathika Eliminate) అవుతుందని అంటున్నారు. యావర్ కూడా కాస్త వీక్ అయినట్టుగా తెలుస్తోంది. శివాజీ నామినేషన్‍లో ఉండటంతో ఆ ఓట్లు యావర్ కు పడటం లేదు. ఇక సీరియల్ బ్యాచ్ ఓట్లు అన్నీ గౌతమ్ వైపు మళ్లాయని అర్థమవుతుంది. ప్రస్తుతానికి రతికా, భోలే డేంజర్ జోన్‍లో ఉన్నారు.