Bigg Boss Nominations: హీరోకే అత్యధిక ఓట్లు.. నిజంగా పిచ్చోడిలా యావర్.. నామినేషన్లలో 8 మంది.. వాళ్లు ఎవరంటే?

Bigg Boss 7 Telugu 9th Week Nominations: బిగ్ బాస్ 7 తెలుగు తొమ్మిదో వారం నామినేషన్లు కూడా బాగానే రంజుగా జరిగాయి. ఒకరి మీద మరొకరు కారణాలు చెబుతూ నామినేట్ చేశారు. ఈసారి డ్రాగెన్ బైట్‌తో నామినేషన్ల ప్రక్రియ సాగింది. సోమవారం (అక్టోబర్ 30) ప్రారంభమైన బిగ్ బాస్ 9వ వారం నామినేషన్లు మంగళవారం (అక్టోబర్ 31) వరకు జరిగాయి. ఈ క్రమంలో జానకి కలగనలేదు సీరియల్ హీరో అమర్ దీప్‌కు అత్యధికంగా ఎక్కువగా 6 నామినేషన్ ఓట్లు పడ్డాయి.

అమాయకంగా అడిగి

అమర్ దీప్‌ను శివాజీ, పల్లవి ప్రశాంత్, సింగర్ భోలే, అర్జున్ అంబటి, కెప్టెన్ గౌతమ్ కృష్ణ, రతిక రోజ్ నామినేట్ చేశారు. తర్వాత ఎక్కువగా శోభా శెట్టికి ఓట్లు పడ్డాయి. ఎక్కువగా వీరికి ఫౌల్ గేమ్ ఆడారని, యావర్‌ను పిచ్చోడ అనడంపై వరుసగా ఓట్లు పడ్డాయి. నామినేషన్ ప్రక్రియలో ముందుగా శోభాను నామినేట్ చేసిన ప్రిన్స్ యావర్ తర్వాత అశ్వినిని నామినేట్ చేశాడు. అయితే, అశ్విని పేరు చెప్పగానే తను షాక్ అయింది. తన ఎందుకు నామినేట్ చేస్తున్నావ్ అని అమాయకంగా అడిగింది అశ్విని.

నువ్వే దొరికావ్

నువ్వు చాలా కన్ఫ్యూజింగ్‌గా ఉన్నావ్. అమర్‌ని నామినేట్ చేస్తానని చెప్పి.. తర్వాత అర్జున్‌ను చేశావ్. అలాగే అర్థం చేసుకునే స్కిల్స్ తక్కువ ఉన్నాయని సిల్లీ రీజన్స్ చెప్పాడు ప్రిన్స్ యావర్. ఏం మాట్లాడుతున్నావ్ యావర్. ఇవేం రీజన్స్.. నేనెక్కడ కన్ఫ్యూజ్ అయ్యాను. దాంతో నీకు వచ్చిన నష్టం ఏంటీ అని అయోమయంగా అడిగింది అశ్విని. దానికి నాకు తెలియదు. నాకు నువ్వే దొరికావ్. నువ్వేం చేసినా నాకు నచ్చడం లేదు.. శెభాష్.. శెభాష్. హీ హీ హీ అంటూ నిజంగా పిచ్చోడిలా ప్రవర్తించాడు ప్రిన్స్.

కావాలనే ప్లాన్‌తో

నన్ను శోభా పిచ్చోడు అంటుంటే నువ్ కూడా మాట ఎత్తావ్. అది నాకు నచ్చలేదు అని వెకిలీ చేష్టలు చేశాడు ప్రిన్స్ యావర్. అలా చేయొద్దని ప్రియాంక, శోభా కూడా చెప్పారు. కానీ, తర్వాత అశ్విని వచ్చి నామినేట్ చేస్తున్నప్పుడు కూడా అలాగే బిహేవ్ చేశాడు యావర్. అయితే, తను నామినేషన్‌‌లో ఉండాలని, అశ్వినిని గెలికితే తను రివర్స్ నామినేట్ చేస్తాదన్న ప్లాన్‌తో కావాలని యావర్ అలా బిహేవ్ చేశాడని తెలుస్తోంది.

నామినేషన్లలో 8 మంది

ఇదిలా ఉంటే బిగ్ బాస్ 7 తెలుగు 9వ వారం నామినేషన్లలో మొత్తంగా 8 మంది ఉన్నారు. వారిలో అమర్ దీప్ చౌదరి, శోభా శెట్టి, రతిక రోజ్, ప్రియాంక జైన్, సింగర్ భోలే, టేస్టీ తేజ, ప్రిన్స్ యావర్ ఉన్నారు. కెప్టెన్ అయిన కారణంగా గౌతమ్ కృష్ణ, అశ్వినికి ఒక్క ఓటు పడటంతో వాళ్లు సేఫ్ అయ్యారు. అలాగే శివాజీ, పల్లవి ప్రశాంత్ కూడా సేఫ్ అయ్యారు.