Akhil on Agent Movie: ఏజెంట్ క్రెడిట్ అంతా డైరెక్టర్‌దే.. ఏప్రిల్ 28న థియేటర్లలో పిచ్చెక్కిపోవాలి.. అఖిల్ స్పష్టం

Akhil on Agent Movie: అఖిల్ అక్కినేని(Akhil Akkineni) నటించిన సరికొత్త చిత్రం ఏజెంట్. ఈ మూవీ ఎప్పుడో విడుదల కావాల్సి ఉండగా.. కొన్ని కారణాల వల్ల ఆలస్యమవుతూ వచ్చింది. ఎట్టకేలకు ఏప్రిల్ 28న ప్రపంచ వ్యాప్తంగా ప్రేక్షకుల ముందుకు రానుంది ఈ మూవీ. మంగళవారం నాడు ఈ మూవీకి సంబంధించిన ట్రైలర్ కూడా విడుదల చేసింది చిత్రబృందం. ఈ సందర్భంగా కాకినాడలోని ఏజెంట్ థ్రియెట్రికల్ ట్రైలర్ లాంచ్ ఈవెంట్‌ను ఘనంగా నిర్వహించారు. ఈ కార్యక్రమానికి ఏపీ సినిమాటోగ్రపీ మంత్రి చెల్లుబోయిన వేణుగోపాల్ కృష్ణ ట్రైలర్ లాంచ్ చేశారు.

ఈ సందర్భంగా అఖిల్ మాట్లాడుతూ.. "మీరు ఇచ్చిన ప్రేమ, అభిమానం, ఎనర్జీ .. వచ్చే10 రోజులు అంటే మూవీ రిలీజ్ అయ్యే వరకు నాకు ఎంతో ఉపయోగపడుతుంది. మీ అందరికీ కృతజ్ఞతలు. ఏజెంట్ రెండేళ్ళ జర్నీ. ఈ జర్నీని మాటల్లో ఎలా చెప్పాలో అర్ధం కావడం లేదు. ఈ జర్నీలో మానసికంగా చాలా మారాను. నాకు సినిమా, అభిమానులు అంటే ఎంత పిచ్చో ఇంకా అర్ధమైయింది. ఏజెంట్ క్రెడిట్ అంతా దర్శకుడు సురేందర్ రెడ్డి గారికే దక్కుతుంది. నన్ను ఇలా చూపించాలని ఇమాజిన్ చేసింది ఆయనే. ఎప్పుడూ ఇలా ఊహించుకోలేదు. ఈ మూవీ నాకు గొప్ప ధైర్యాన్ని ఇచ్చింది" అని అఖిల్ అన్నారు.

"ఏజెంట్(Agent) మూవీలో హీరోయిన్‌గా చేసిన సాక్షి వైద్య సర్‌ప్రైజ్ ప్యాకేజ్. సినిమా అంటే ఆమెకు ప్రాణం. హిపాప్ తమిళ ప్రాణం పెట్టి మ్యూజిక్ అందించారు. బీజీఎం చాలా వైల్డ్‌గా ఉంటుంది. నిర్మాత అనిల్ సుంకర ఈ మూవీకి మరో బ్యాక్ బౌన్. ఈ కార్యక్రమానికి మమ్మల్ని బ్లెస్ చేయడానికి వచ్చిన గౌరవ మంత్రి గారికి కృతజ్ఞతలు. ఏప్రిల్ 28న థియేటర్లలో పిచ్చెక్కిపోవాలి." అని అఖిల్ తన ప్రసంగాన్ని ముగించారు.

ఏకే ఎంటర్‌టైన్మెంట్స్ పతాకంపై అనిల్ సుంకర ఈ సినిమాను నిర్మిస్తున్నారు. వక్కంతం వంశీ కథను అందిస్తున్నారు. సాక్షి వైద్య ఈ చిత్రంలో హీరోయిన్‌గా నటిస్తోంది. ధ్రువ సినిమాకు అదిరిపోయే మ్యూజిక్ ఇచ్చిన హిప్ హాప్ తమిళన్ ఈ చిత్రానికి సంగీతాన్ని సమకూరుస్తున్నారు. సురేందర్ రెడ్డి దర్శకత్వం వహిస్తున్నారు. తెలుగుతో పాటు మలయాళంలో ముందు విడుదల కానుంది. ఆ తర్వాత ఇతర భాషల్లోనూ రిలీజ్ కానున్నట్లు తెలుస్తోంది.