Agent Trailer: ఆర్ యు రెడీ బాయ్స్.. అఖిల్ బీస్ట్ మోడ్ చూస్తారా.. ఏజెంట్ ట్రైలర్ వచ్చేసింది

Agent Trailer: అఖిల్ అక్కినేనిని ఇన్నాళ్లూ లవర్ బాయ్ గానే చూసిన అభిమానులకు ఏజెంట్ ట్రైలర్ పూర్తి భిన్నమైన ఫీల్ ను అందించింది. ఈ స్పై థ్రిల్లర్ మూవీ రెండేళ్ల నుంచీ ఎందుకు షూటింగ్ జరుపుకుంటూనే ఉందో ట్రైలర్ లోనే డైరెక్టర్ సురేందర్ రెడ్డి చూపించాడు. ఈ ట్రైలర్ మొత్తం ఫుల్ యాక్షన్ సీన్స్ తో నింపేశారు. హాలీవుడ్ స్టాండర్డ్ లో ఇందులోని విజువల్స్ ఉన్నాయి.

ఈ ఏజెంట్ ట్రైలర్ ను మంగళవారం (ఏప్రిల్ 18) రిలీజ్ చేశారు. చాలా రోజులుగా ఎదురు చూస్తున్న ఈ ఏజెంట్ మూవీ ఏప్రిల్ 28న ప్రేక్షకుల ముందుకు రానుంది. ఈ సినిమాలో బాలీవుడ్ నటుడు డీనో మోరియా విలన్ గా నటించాడు. ఇక మలయాళ సూపర్ స్టార్ మమ్ముట్టి కీలకమైన పాత్రలో కనిపిస్తున్నాడు. తన సినిమాల్లో హీరోలకు ఎంతో స్టైలిష్ గా చూపించే సురేందర్ రెడ్డి.. ఈ సినిమాలోనూ అఖిల్ ను పూర్తిగా కొత్త లుక్ లో చూపించాడు.

ఈ సినిమా కోసం అఖిల్ మేకోవర్ అభిమానులకు ఆకట్టుకునేలా ఉంది. ఇక ఏజెంట్ నుంచి ఇప్పటి వరకూ వచ్చిన పాటలు కూడా మంచి రెస్పాన్స్ సంపాదించాయి. ముఖ్యంగా బ్రేకప్ సాంగ్ యూత్ కు బాగా కనెక్ట్ అయింది. ఈ మూవీకి హిప్ హాప్ తమిళ మ్యూజిక్ అందించాడు. ఇక సినిమాలో అఖిల్ సరసన సాక్షి వైద్య హీరోయిన్ గా నటించింది. భారీ బడ్జెట్ తో తెరకెక్కిన ఈ మూవీ ట్రైలర్ లోనే గ్రాండ్ విజువల్స్ తో ఆకట్టుకుంది.

బ్యాక్ గ్రౌండ్ మ్యూజిక్ కూడా విజువల్స్ కు తగినట్లు రిచ్ గా ఉంది. ఈ ఏజెంట్ మూవీని అనిల్ సుంకర ప్రొడ్యూస్ చేశాడు. ఇక ఏజెంట్ ట్రైలర్ ను అఖిల్ సిక్స్ ప్యాక్ లో బీస్ట్ మోడ్ లో కనిపించే సీన్ తో ముగించారు. ఈ సీన్ తోనే అభిమానుల్లో సినిమాపై అంచనాలు పెంచేశారు.