Akhil Akkineni: అఖిల్ ఏజెంట్ టీజర్ రిలీజ్ డేట్ ఫిక్స్...

ఘ‌న‌మైన ఫ్యామిలీ బ్యాక్‌గ్రౌండ్‌, స్టార్ డైరెక్ట‌ర్స్ తో సినిమాలు చేసినా క‌మ‌ర్షియ‌ల్ స‌క్సెస్ మాత్రం అఖిల్ కు ఇప్పటివరకు దక్కలేదు. హ్యాట్రిక్ ఫ్లాప్ ల త‌ర్వాత మోస్ట్ ఎలిజిబుల్ బ్యాచ్‌ల‌ర్ (most eligible bachelor) ఊర‌డింపును ఇచ్చింది. అయితే హిట్ అనే మాట మాత్రం అనిపించుకోలేక‌పోయింది. ప్ర‌స్తుతం ఏజెంట్ సినిమాపైనే అఖిల్ బోలెడు ఆశ‌లు పెట్టుకున్నాడు. స్పై థ్రిల్ల‌ర్ క‌థాంశంతో రూపొందుతున్న ఈ చిత్రానికి సురేంద‌ర్‌రెడ్డి ద‌ర్శ‌క‌త్వం వ‌హిస్తున్నాడు. ఈ సినిమా టీజ‌ర్ డేట్ ను ఆదివారం వెల్ల‌డించారు.

జూలై 15న టీజర్ ను రిలీజ్ చేయబోతున్నట్లు వెల్లడించారు. ఈ మేరకు స్పెషల్ వీడియోను రిలీజ్ చేశారు. ఈ సినిమాలో ఎయిట్ ప్యాక్ లుక్ లో అఖిల్ క‌నిపించ‌బోతున్నాడు. పూర్తిగా ఈ క్యారెక్ట‌ర్ కోసం త‌న‌ను తాను కొత్త‌గా మేకోవ‌ర్ చేసుకొని న‌టిస్తున్నాడు. ఏజెంట్ సినిమాలో మ‌ల‌యాళ అగ్ర న‌టుడు మ‌మ్ముట్టి కీల‌క పాత్ర‌ను పోషిస్తున్నాడు. అత‌డి క్యారెక్ట‌ర్ స‌ర్‌ప్రైజింగ్ గా సాగుతుంద‌ని స‌మాచారం. ఈ సినిమా చిత్రీక‌ర‌ణ తుదిద‌శ‌కు చేరుకున్న‌ది.

ఆగస్ట్ లో ఈ సినిమా రిలీజ్ కానున్నట్లు చిత్ర యూనిట్ ప్రకటించారు. ఈ సినిమా వాయిదా పడే అవకాశం ఉన్నట్లుగా వార్తలు వినిపిస్తున్నాయి. ఏజెంట్ తో సాక్షివైద్య టాలీవుడ్‌లో తొలి అడుగు వేయ‌బోతున్నది. గ‌తంలో ఆమె ప‌లు యాడ్స్ లో న‌టించింది. ధృవ ఫేమ్ హిప్ హాప్ తామిజా ఈ చిత్రానికి సంగీతాన్ని అందిస్తున్నాడు. ఏకే ఎంట‌ర్‌టైన్‌మెంట్స్ తో క‌లిసి ద‌ర్శ‌కుడు సురేంద‌ర్‌రెడ్డి ఈ సినిమాను నిర్మిస్తున్నాడు.