Agent Collection Day 2: ఫ‌స్ట్ డే ఎనిమిది కోట్లు - రెండు రోజు ఎన‌భై ల‌క్ష‌లు - దారుణంగా ప‌డిపోయిన ఏజెంట్ క‌లెక్ష‌న్స్‌

Agent Collection Day 2: ఏజెంట్ డిజాస్ట‌ర్ టాక్ రావ‌డంతో రెండో రోజు క‌లెక్ష‌న్స్ దారుణంగా ప‌డిపోయాయి. తొలిరోజు వ‌ర‌ల్డ్ వైడ్‌గా ఏజెంట్ మూవీ ఎనిమిది కోట్ల వ‌ర‌కు గ్రాస్ రాబ‌ట్ట‌గా రెండో రోజు మాత్రం కోటి యాభై ల‌క్ష‌ల గ్రాస్ క‌లెక్ష‌న్స్ వ‌చ్చిన‌ట్లు ట్రేడ్ వ‌ర్గాలు చెబుతోన్నారు.

షేర్ క‌లెక్ష‌న్స్‌వైజ్‌గా ఫ‌స్ట్ డే నాలుగున్న‌ర కోట్ల షేర్‌ను ద‌క్కించుకున్న ఈ మూవీ రెండో రోజు మాత్రం 80 ల‌క్ష‌లు మాత్ర‌మే రాబ‌ట్టింది. సినిమాపై వ‌చ్చిన నెగెటివ్ టాక్ కార‌ణంగా క‌లెక్ష‌న్స్ భారీగా డ్రాప్ అయ్యాయి.

రెండు రోజుల్లో ఈ మూవీ ప‌ది కోట్ల వ‌ర‌కు గ్రాస్‌, ఐదు కోట్ల వ‌ర‌కు షేర్ క‌లెక్ష‌న్స్ ఏజెంట్‌కు వ‌చ్చిన‌ట్లు తెలిసింది. నైజాం ఏరియాలో శుక్ర‌వారం రోజు ఏజెంట్ మూవీకి కోటి ప‌ది ల‌క్ష‌ల వ‌సూళ్లు రాగా రెండో రోజు మాత్రం కేవ‌లం 21 ల‌క్ష‌లు మాత్ర‌మే క‌లెక్ష‌న్స్‌ను రాబ‌ట్టి ఎగ్జిబిట‌ర్ల‌కు పెద్ద షాక్ ఇచ్చింది. ఈ సినిమా ప్రీ రిలీజ్ బిజినెస్ 35 కోట్ల‌కుపైగా జ‌రిగిన‌ట్లు తెలిసింది.

ఈ సినిమా బ్రేక్ ఈవెన్ కావాలంటే మ‌రో 30 కోట్ల క‌లెక్ష‌న్స్ రావాలి. రెండో రోజు 80 ల‌క్ష‌ల క‌లెక్ష‌న్స్ వ‌చ్చిన నేప‌థ్యంలో ఈ సినిమా డిజాస్ట‌ర్ ప‌క్కా అని తేలిపోయింది. ఈ సినిమాతోఎగ్జిబిట‌ర్లు, డిస్ట్రిబ్యూట‌ర్లు పెద్ద మొత్తంలోనే న‌ష్ట‌పోయే అవ‌కాశం ఉన్న‌ట్లు తెలుస్తోంది.

స్పై యాక్ష‌న్ థ్రిల్ల‌ర్‌గా రూపొందిన ఈ మూవీకి సురేంద‌ర్‌రెడ్డి ద‌ర్శ‌క‌త్వం వ‌హించాడు. మ‌ల‌యాళ స్టార్ హీరో మ‌మ్ముట్టి కీల‌క పాత్ర‌ను పోషించాడు. సాక్షి వైద్య హీరోయిన్‌గా న‌టించింది.