Acharya First Review | పైసా వసూల్‌.. ఫ్యాన్స్‌కు పండగే.. ఆచార్య ఫస్ట్‌ రివ్యూ

ఆచార్య మూవీ ప్రపంచవ్యాప్తంగా రిలీజ్‌ కావడానికి ఇంకా నాలుగు రోజుల టైమ్‌ ఉంది. అయితే అప్పుడే ఈ మూవీ ఫస్ట్‌ రివ్యూ మాత్రం వచ్చేసింది. ఫిల్మ్‌ క్రిటిక్‌, యూఏఈ ఓవర్సీస్‌ సెన్సార్‌ బోర్డ్‌ సభ్యుడు ఉమేర్‌ సంధు ఈ మూవీ రివ్యూ ఇచ్చాడు. తన ట్విటర్, ఇన్‌స్టాగ్రామ్‌ స్టోరీ ద్వారా మెగా ఫ్యాన్స్‌కు గుడ్‌న్యూస్‌ చెప్పాడు. బొమ్మ బంపర్‌ హిట్‌ అని అతడు తేల్చేశాడు.

తొలిసారి మెగాస్టర్‌ చిరంజీవి, మెగా పవర్‌ స్టార్‌ రామ్‌చరణ్‌ కలిసి నటించిన మూవీ కావడంతో దీనిపై ఎక్కడ లేని ఆసక్తి కనిపిస్తోంది. ఈ తండ్రీకొడుకులు సిల్వర్‌ స్క్రీన్‌పై కలిసి నటించడం, కలిసి స్టెప్పులేయడం చూడాలని ఫ్యాన్స్‌ ఆరాటపడుతున్నారు. ఊహించినట్లే ఈ ఇద్దరి కాంబినేషన్‌ అదుర్స్‌ అని ఉమేర్‌ తన రివ్యూలో చెప్పాడు.

"ఆచార్య మొత్తంగా రామ్‌చరణ్‌, చిరంజీవి + చాలా ఎక్కువ మొత్తంలో ఎంటర్‌టైన్‌మెంట్‌ అని చెప్పాలి. మాస్‌ ప్రేక్షకులకు నచ్చే మాసాలా ఇందులో ఉంది. ఈ సినిమా రూల్‌ బుక్‌ను తిరగరాస్తుంది. ఈ ఈద్‌ ఫ్యాన్స్‌కు పండగే. కచ్చితంగా బ్లాక్‌బస్టరే. రామ్‌చరణ్‌ ఇరగదీశాడు. పైసా వసూల్‌ మూవీ" అని ఉమేర్‌ సంధు తన రివ్యూలో రాశాడు.

ఈ మూవీకి ఐదు స్టార్లకుగాను అతడు నాలుగు ఇవ్వడం విశేషం. ఈ శుక్రవారం ఆచార్య ప్రేక్షకుల ముందుకు రానుంది. ఇప్పటికే మేకర్స్‌ ప్రమోషన్లలో బిజీగా ఉన్నారు. అయితే సినిమా రిలీజ్‌కు ముందు ఇందులో కాజల్‌ పాత్రను తీసేసినట్లు డైరెక్టర్‌ కొరటాల శివ చెప్పడం ఆశ్చర్యం కలిగించింది. చిరు పక్కన హీరోయిన్‌ లేకపోవడాన్ని ఫ్యాన్స్‌ ఎలా తీసుకుంటారన్నది చూడాలి.