Xiaomi electric car : కొత్త ఎలక్ట్రిక్ కారును రివీల్ చేసిన షావోమీ..
17 November 2023, 6:40 IST
- Xiaomi electric car : కొత్త ఎలక్ట్రిక్ కారును రివీల్ చేసింది షావోమీ సంస్థ. ఈ కారులో మూడు వేరియంట్స్ ఉంటాయి. ఆ వివరాలు..
కొత్త ఎలక్ట్రిక్ కారును రివీల్ చేసిన షావోమీ..
Xiaomi SU7 EV : దిగ్గజ స్మార్ట్ఫోన్ తయారీ సంస్థ షావోమీ.. ఆటోమొబైల్ రంగంలోకి ఎంట్రీ ఇస్తున్న విషయం తెలిసిందే. సంస్థ నుంచి వస్తున్న తొలి ఎలక్ట్రిక్ కారును తాజాగా రివీల్ చేసింది షావోమీ. ఈ మోడల్ పేరు ఎస్యూ7. ఈ నేపథ్యంలో.. ఈ కారుకు సంబంధించి, ఇప్పటివరకు ఉన్న వివరాలను ఇక్కడ తెలుసుకుందాము..
Nikhil Kamath: ‘అందానికి ముంబై ఫేమస్.. బిర్యానీకి హైదరాబాద్ ఫేమస్.. కానీ, నాకు బెంగళూరే ఇష్టం’: నిఖిల్ కామత్
US layoffs: ఉద్యోగాలు కోల్పోయిన హెచ్-1బీ వీసాదారులకు యూఎస్సీఐఎస్ మార్గదర్శకాలు; యూఎస్ లో ఉండేందుకు ఈ మార్గాలున్నాయి..
SBI FD rate hike: ఫిక్స్డ్ డిపాజిట్ లపై వడ్డీ రేట్లను పెంచిన ఎస్బీఐ
Go Digit IPO: విరాట్ కోహ్లీ ఇన్వెస్ట్ చేసిన కంపెనీ ఐపీఓకు అనూహ్య స్పందన; కొన్ని గంటల్లోనే ఫుల్ సబ్ స్క్రిప్షన్
షావోమీ కొత్త ఎలక్ట్రిక్ కారు..
చైనాలో జరిగిన ఓ గ్రాండ్ ఈవెంట్లో.. తన తొలి ఈవీని ఆవిష్కరించింది షావోమీ. ఈ ఎస్యూ7 అనేది ఒక ఎలక్ట్రిక్ సెడాన్. ఇందులో రెండు వర్షెన్స్ ఉన్నాయి. రెండు ఇంజిన్ ఆప్షన్స్ (ఆర్డబ్ల్యూడీ, ఏడబ్ల్యూడీ) ఉన్నాయి. మూడు వేరియంట్లు ఈ మోడల్ సొంతం. అవి.. ఎస్యూ7, ఎస్యూ7 ప్రో, ఎస్యూ7 మ్యాక్స్.
షావోమీ ఎస్యూ7 ఆర్డబ్ల్యూడీ వర్షెన్లో సింగిల్ ఎలక్ట్రిక్ మోటార్ ఉంటుంది. ఇది.. 295బీహెచ్పీ పవర్ని జనరేట్ చేస్తుంది. ఇక ఏడబ్ల్యూడీ ఇంజిన్.. 663 బీహెచ్పీ పవర్ను జనరేట్ చేస్తుంది. ఈ ఏడబ్ల్యూడీ వర్షెన్ ఫ్రెంట్లో.. 295 బీహెచ్పీ ఎలక్ట్రిక్ మోటర్, రేర్లో 368 బీహెచ్పీ ఎలక్ట్రిక్ మోటార్లు ఉంటాయి.
Xiaomi SU7 EV price : ఇప్పటివరకు అందుబాటులో ఉన్న వివరాలు చూస్తుంటే.. షావోమీ కొత్త ఎలక్ట్రిక్ కారు.. ప్రీమియం సెగ్మెంట్ మోడల్ని స్పష్టం అవుతోంది. కాగా.. మూడు వేరియంట్లలో ఎస్యూ7 ధర కాస్త తక్కువగా ఉండొచ్చని, ఇందులో.. బీవైడీ సంస్థ తయారు చేసిన బ్యాటరీ ప్యాక్ ఉంటుందని టాక్ నడుస్తోంది. మిగిలిన వేరియంట్స్లో భారీ బ్యాటరీ ప్యాక్స్ ఉంటాయని సమాచారం.
షావోమీ ఎస్యూ7 ఎలక్ట్రిక్ వెహికిల్ బరువు కూడా ఎక్కువే! దీని కర్బ్ వెయిట్ 1,980 కేజీలు. టాప్ ఎండ్ మోడల్ బరువు ఏకంగా 2,205 కేజీలు.
బేస్ వేరియంట్ టాప్ స్పీడ్ 210 కేఎంపీహెచ్గా ఉంది. మిగిలిన రెండు వేరియంట్ల టాప్ స్పీడ్ 265 కేఎంపీహెచ్.
లాంచ్ ఎప్పుడు?
Xiaomi SU7 EV price in India : షావోమీ ఎస్యూ7 ప్రొడక్షన్ ఈ ఏడాది డిసెంబర్లో ప్రారంభం అవుతుందట! 2024 ఫిబ్రవరి నాటికి డెలివరీ మొదలవుతాయని తెలుస్తోంది. బీజింగ్లో ఫ్యాక్టరీ ఇందుకు అన్ని ఏర్పాట్లను పూర్తి చేసి, ట్రైల్ ప్రొడక్ష్ని కూడా నిర్వహించిందని సమాచారం. లాంచ్ డేట్పై క్లారిటీ లేదు.
ఈ ఎస్యూ7లో.. హైపర్ ఓఎస్ అనే సాఫ్ట్వేర్ ఉండనుంది. గతవారమే.. ఈ హైపర్ ఓఎస్ని తన స్మార్ట్ఫోన్స్కు ప్రకటించింది షావోమీ.
Xiaomi electric car : షావోమీ కొత్త ఎలక్ట్రిక్ వెహికిల్కు సంబంధించిన ఫీచర్స్, బ్యాటరీ ప్యాక్, రేంజ్ వంటి వివరాలపై ప్రస్తుతం క్లారిటీ లేదు. వీటిని సంస్థ ప్రకటించాల్సి ఉంది. లాంచ్ తర్వాత మాత్రం, ప్రీమియం సెగ్మెంట్ కేటగిరీలో ఈ మోడల్ దూసుకెళుతుందని మార్కెట్ వర్గాలు భావిస్తున్నాయి.
ఇండియాలోకి ఈ షావోమీ ఎస్యూ7 ఎంట్రీ ఇస్తుందా? లేదా? అన్న విషయం కూడా తెలియాల్సి ఉంది.