Tata Punch EV : టెస్ట్​ రన్​ దశలో టాటా పంచ్​ ఈవీ.. ఇక లాంచ్​ ఎప్పుడు?

Tata Punch EV launch date : టాటా పంచ్​ ఈవీ కోసం ఎదురుచూపులు కొనసాగుతున్న తరుణంలో.. ఈ మోడల్​కు సంబంధించి ఒక అప్డేట్​ వచ్చింది. ఈ ఎలక్ట్రిక్​ ఎస్​యూవీ మరోసారి ఇండియన్​ రోడ్లపై దర్శనమిచ్చింది. ఈ మోడల్​కు సంబంధించి టెస్ట్​ రన్​ని తాజాగా నిర్వహించింది టాటా మోటార్స్​ సంస్థ. ఫలితంగా డిజైన్​ పరంగా ఇంకొన్ని వివరాలు అందుబాటులోకి వచ్చాయి.

టాటా పంచ్​ ఈవీ విశేషాలు..

టెస్టింగ్​ దశలో ఉన్న టాటా పంచ్​ ఈవీకి సంబంధించిన స్పై షాట్స్​ ఇప్పుడు వైరల్​గా మారాయి. ఫొటోలు చూస్తుంటే.. నెక్సాన్​ ఈవీ తరహా ఎల్​ఈడీ హెడ్​లైట్స్​ వస్తున్నట్టు కనిపిస్తోంది. ఐసీఈ ఇంజిన్​తో పోల్చుకుంటే.. ఎలక్ట్రిక్​ వెహికిల్​ మోడల్​ ఎల్​ఈడీ డీఆర్​ఎల్స్​ డిజైన్​లో మార్పులు చేసినట్టు అనిపిస్తోంది. గ్రిల్​, బంపర్​, 5 స్పోక్​ అలాయ్​ వీల్స్​, రేర్​ వీల్​ డిస్క్​ బ్రేక్స్​ని కూడా మార్చినట్టు తెలుస్తోంది.

Tata Punch EV price Hyderabad : ఇటీవలి కాలంలో.. వాహనాలకు కనెక్టెడ్​ ఎల్​ఈడీ టెయిల్​లైట్స్​ని ఇస్తోంది టాటా మోటార్స్​. అందుకే.. టాటా పంచ్​ ఈవీలో కూడా దీనిని మనం చూసే అవకాశం ఉందని మార్కెట్​ వర్గాలు చెబుతున్నాయి.

అంతేకాకుండా.. టాటా పంచ్​ ఈవీ ఇంటీరియర్​లో భారీ మార్పులో కనిపిస్తాయట! భారీ 10.25 ఇంచ్​ ఇన్ఫోటైన్​మెంట్​ సిస్టెమ్​, 2 స్పోక్​ స్టీరింగ్​ వీల్​ వంటివి వస్తాయని తెలుస్తోంది. ఎలక్ట్రానిక్​ పార్కింగ్​ బ్రేక్​ విత్​ ఆటో హోల్డ్​, ఆటోమెటిక్​ క్లైమేట్​ కంట్రోల్​, వయర్​లెస్​ ఛార్జర్​, సన్​రూఫ్​ వంటివి ఈ ఈవీలో చూడొచ్చు.

Tata Punch EV launch : ఇక ఈ ఎలక్ట్రిక్​ వెహికిల్​లో ఏబీఎస్​ విత్​ ఈబీడీ, 6 ఎయిర్​బ్యాగ్స్​, ఎలక్ట్రానిక్​ స్టెబులిటీ కంట్రోల్​, టైర్​ ప్రెజర్​ మానిటరింగ్​ సిస్టెమ్​, రేర్​ పార్కింగ్​ కెమెరా వంటివి ఉంటాయని సమాచారం.

టాటా పంచ్​ ఈవీ లాంచ్​ ఎప్పుడు?

ఈ టాటా పంచ్​ ఎలక్ట్రిక్​ ఎస్​యూవీలో రెండు ఇంజిన్​లు ఉంటాయని టాక్​ నడుస్తోంది. ఒకటి మిడ్​ రేంజ్​, రెండోది లాంగ్​ రేంజ్​. బ్యాటరీ ప్యాక్​, రేంజ్​ వంటి వివరాలు తెలియాల్సి ఉంది.

Tata Punch EV on road price Hyderabad : వాస్తవానికి ఈ మోడల్​.. ఇప్పటికే లాంచ్​ అయిపోయి ఉండాలని మార్కెట్​ వర్గాలు చెబుతున్నాయి. దాదాపు సెప్టెంబర్​ నుంచి.. టాటా పంచ్​ ఈవీ లాంచ్​ కోసం ఎదురుచూస్తున్నట్టు స్పష్టం చేస్తున్నాయి.

ఇక ఈ ఏడాది చివరి నాటికి.. ఈ మోడల్​ని సంస్థ లాంచ్​ చేసే అవకాశం ఉందని తెలుస్తోంది. టాటా పంచ్​ ఈవీ ధరకు సంబంధించిన వివరాలు అందుబాటులో లేవు. కాకపోతే.. దీని ప్రారంభ ఎక్స్​షోరూం ధర రూ. 12లక్షలుగా ఉండొచ్చని టాక్​ నడుస్తోంది.

లాంచ్​ తర్వాత.. ఈ మోడల్​ సిట్రోయెన్​ ఈసీ3కి గట్టిపోటీనిస్తుంది.