Recharge Plan : ఈ ప్లాన్లో రోజుకు 4 జీబీ డేటా.. అర్ధరాత్రి దాటితే అన్లిమిటెడ్
24 July 2024, 11:00 IST
Share
Recharge Plan In Low Budget : టెలికాం కంపెనీలు రీఛార్జ్ ధరలు పెంచడంతో వినియోగదారులు తక్కువ బడ్జెట్‌లో ప్లాన్ల కోసం చూస్తు్న్నారు. అయితే ఇంటర్నెట్ ఎక్కువగా ఉపయోగించేవారికోసం వొడాఫోన్ ఐడియా మంచి ప్లాన్ అందిస్తోంది.
ప్రతీకాత్మక చిత్రం
వొడాఫోన్ ఐడియా ప్లాన్లో వినియోగదారులు ఇంటర్నెట్ ఉపయోగించడానికి ప్రతిరోజూ 4 జీబీ డేటాను పొందుతారు. ఈ ప్లాన్లో ఎలాంటి అదనపు ఛార్జీలు లేకుండా ఉదయం 12 గంటల నుంచి ఉదయం 6 గంటల వరకు అపరిమిత డేటా లభిస్తుంది. అన్లిమిటెడ్ కాలింగ్ సదుపాయం కూడా ఉంది.
టెలికాం కంపెనీల రీఛార్జ్ ప్లాన్లు ఖరీదైనవిగా మారాయి. అటువంటి పరిస్థితిలో వినియోగదారులు ఇప్పుడు తక్కువ ధరలో ఉత్తమ ప్రయోజనాలను అందించే ప్లాన్స్ చూస్తున్నారు. మీరు ప్రతిరోజూ ఎక్కువ డేటాను ఉపయోగిస్తే, వొడాఫోన్-ఐడియా మీ కోసం మంచి ప్రీపెయిడ్ ప్లాన్ కలిగి ఉంది. ప్రత్యేకత ఏంటంటే ఇలాంటి ప్లాన్ జియో, ఎయిర్ టెల్ పోర్ట్ ఫోలియోలో కూడా లేదు. వొడాఫోన్-ఐడియా రూ .539 ప్లాన్ ఉపయోగకరంగా ఉంది. ఈ ప్లాన్లో వినియోగదారులు ఇంటర్నెట్ ఉపయోగించడానికి ప్రతిరోజూ 4 జిబి డేటాను పొందుతారు. ఇది కాకుండా కంపెనీ ఈ ప్లాన్లో బింజ్ ఆల్ నైట్ బెనిఫిట్‌ను కూడా అందిస్తోంది.
బింజ్ ఆల్ నైట్ బెనిఫిట్‌లో వినియోగదారులకు కంపెనీ అర్ధరాత్రి 12 గంటల నుండి ఉదయం 6 గంటల వరకు ఎటువంటి అదనపు ఛార్జీ లేకుండా అపరిమిత డేటాను అందిస్తుంది. ఈ ప్లాన్లో దేశవ్యాప్తంగా అన్ని నెట్‌వర్క్‌లకు అన్లిమిటెడ్ కాలింగ్ లభిస్తుంది. రోజుకు 100 ఉచిత ఎస్ఎంఎస్‌లు ఇచ్చే ఈ ప్లాన్లో వీకెండ్ డేటా రోల్ఓవర్ వస్తుంది. ఈ ప్లాన్ డేటా డిలైట్ బెనిఫిట్ కూడా లభిస్తుంది. ఇందులో కంపెనీ ప్రతి నెలా 2 జీబీ వరకు బ్యాకప్ డేటాను వినియోగదారులకు ఉచితంగా అందిస్తుంది. వొడాఫోన్-ఐడియా ఈ ప్లాన్ వాలిడిటీ 28 రోజులు.
జియో ప్లాన్
జియో పోర్ట్ ఫోలియోలో రోజూ 4 జీబీ డేటా ఇచ్చే ప్లాన్ లేదు. రోజుకు గరిష్టంగా 3 జీబీ డేటాను వినియోగదారులకు అందిస్తోంది. రోజుకు 3 జీబీ డేటాతో చౌకైన ప్లాన్ రూ.449. ఈ ప్లాన్ లో అర్హులైన యూజర్లకు అపరిమిత 5జీ డేటాను కూడా అందిస్తోంది. 28 రోజుల వ్యాలిడిటీ ఉన్న ఈ ప్లాన్లో దేశవ్యాప్తంగా అన్ని నెట్‌వర్క్‌లకు అపరిమిత కాలింగ్, రోజూ 100 ఉచిత ఎస్ఎంఎస్‌లు లభిస్తాయి. ఇందులో జియో టీవీ, జియో సినిమాలకు ఉచిత యాక్సెస్ కూడా లభిస్తుంది.
ఎయిర్టెల్ ప్లాన్
ఎయిర్టెల్ రూ.449 ప్లాన్లో రోజుకు 3 జీబీ డేటాను అందిస్తోంది. కంపెనీ 5జీ నెట్వర్క్ ప్రాంతంలో నివసిస్తున్న వినియోగదారులకు కూడా అపరిమిత 5జీ డేటాను అందిస్తోంది. ఈ ప్లాన్లో రోజూ 100 ఎస్ఎంఎస్‌లు, అన్లిమిటెడ్ కాలింగ్ లభిస్తాయి. ఇందులో, మీరు ఎయిర్టెల్ ఎక్స్ట్రిమ్ ప్లేకు ఉచిత సబ్‌స్క్రిప్షన్ పొందుతారు. ఇది 20కి పైగా ఓటిటి యాప్‌లకు ఉచిత యాక్సెస్ ఇస్తుంది.