Electric Scooters : డ్రైవింగ్​ లైసెన్స్​ అవసరం లేని ఎలక్ట్రిక్​ స్కూటర్స్​ ఇవి- నెంబర్​ ప్లేట్​ కూడా అక్కర్లేదు!

ఇండియాలో ఈవీ సెగ్మెంట్​కి కనిపిస్తున్న డిమాండ్​ గురించి కొత్తగా చెప్పుకోవాల్సిన పని లేదు. చాలా మంది ఇప్పుడు ఎలక్ట్రిక్​ 2 వీలర్​వైపు చూస్తున్నారు. అయితే, కొన్ని ఈవీలు నడపాలంటే డ్రైవింగ్​ లైసెన్స్​, ఆర్​టీఓ రిజిస్ట్రేషన్​ ప్రాసెస్​ అవసరం లేదని మీకు తెలుసా? ఇండియాలో ఉన్న ఆర్​టీఓ రూల్స్​, సంబంధిత ఎలక్ట్రిక్​ స్కూటర్ల వివరాలను ఇక్కడ చూసేయండి..

ఈ ఆర్​టీఓ రూల్స్​ తెలుసుకోండి..

ఏదైనా ఎలక్ట్రిక్​ 2 వీలర్​కి గరిష్ఠ పవర్​ 250 వాట్​, గరిష్ఠ స్పీడ్​ 25 కేఎంపీహెచ్​ ఉంటే, దానికి..

• డ్రైవింగ్​ లైసెన్స్​ అక్కర్లేదు.
• నెంబర్​ ప్లేట్​ అక్కర్లేదు.
• 16 అంత కన్నా ఎక్కువ వయస్సు ఉన్న వారు నడపొచ్చు.
• ఇన్సూరెన్స్​ అవసరం లేదు.
• ఆర్​టీఓ రిజిస్ట్రేషన్​ అవసరం లేదు.

హెల్మేట్​ ఒక్కటి ఉంటే చాలు.. ఎలక్ట్రిక్​ స్కూటర్​ మీద రయ్​ రయ్​మంటూ వెళ్లి పోవచ్చు!

ఈ తరహా ఈవీలను తయారు చేస్తున్న కంపెనీలు ఇండియాలో చాలానే ఉన్నాయి. ఈ కేటగిరీలోకి వచ్చే చాలా ఎలక్ట్రిక్​ స్కూటర్లు ఇప్పటికే అందుబాటులో ఉన్నాయి. వాటిల్లో కొన్ని..

ఒకినావా లైట్​- ఇదొక లో- స్పీడ్​ ఎలక్ట్రిక్​ స్కూటర్​. ఇందులో 1.25 కేడబ్ల్యూహెచ్​ బ్యాటరీ ఉంటుంది. దీని రేంజ్​ 60కి.మీలు. ఫుల్​ ఛార్జ్​కి 4-5 గంటల సమయం పడుతుంది. టాప్​ స్పీడ్​ 25 కేఎంపీహెచ్​. ఇందులో ఎల్​ఈడీ లైట్స్​, అల్యుమీనియన్​ అలాయ్​ వీల్స్​, పుష్​ స్టార్ట్​ ఆన్​- ఆఫ్​, మొబైల్​ ఛార్జింగ్​ యూఎస్​బీ పోర్ట్​ వంటివి ఉన్నాయి.

ఆంపేర్​ రియో లి ప్లస్​- ఈ ఎలక్ట్రిక్​ స్కూటర్​లో 1.3 కేడబ్ల్యూహెచ్​ బ్యాటరీ ఉంటుంది. దీని రేంజ్​ 70 కి.మీలు. బ్యాటరీని ఫుల్​గా ఛార్జ్​ చేసేందుకు 5-6గంటల సమయం పడుతుంది. దీని టాప్​ స్పీడ్​ 25కేఎంపీహెచ్​. ఎల్​ఈడీ లైట్స్​, యూఎస్​బీ ఛార్జ్​ వంటి ఫీచర్స్​ ఉన్నాయి.

హీరో ఎలక్ట్రిక్​ ఆట్రియా ఎల్​ఎక్స్​- ఈ ఈ-స్కూటర్​లో 1.54 కేడబ్ల్యూహెచ్​ బ్యాటరీ ఉంటుంది. రేంజ్​ 85కి.మీలు. టాప్​ స్పీడ్​ 25కేఎంపీహెచ్​. ఫుల్​ ఛార్జింగ్​కి 4,5 గంటల సమయం పడుతుంది. డేటైమ్​ రన్నింగ్​ లైట్స్​, క్రూజ్​ కంట్రోల్​, డిజిటల్​ ఇన్​స్ట్రుమెంట్​ ప్యానెల్​ వంటివి కొన్ని ఫీచర్స్​.

హీరో ఎలక్ట్రిక్​ ఫ్లాష్​ ఎల్​ఎక్స్​- ఈ ఎలక్ట్రిక్​ స్కూటర్​లో 1.54 కేడబ్ల్యూహెచ్​ బ్యాటరీ ఉంటుంది. రేంజ్​ 85కి.మీలు. టాప్​ స్పీడ్​ 25కేఎంపీహెచ్​. ఫుల్​ ఛార్జింగ్​కి 4,5 గంటల సమయం పడుతుంది. ఎల్​ఈడీ హెడ్​ల్యాంప్​, డిజిటిల్​ ఇన్​స్ట్రుమెంట్​ క్లస్టర్​ వంటివి ఉంటాయి. క్రూజ్​ కంట్రోల్​ ఉండదు.

యులు విన్​- ఇందులో 1 కేబ్ల్యూహెచ్​ బ్యాటరీ ఉంటుంది. దీని రేంజ్​ 60కి.మీలు. టాప్​ స్పీడ్​ 24.9 కేఎంపీహెచ్​. బ్యాటరీ ఛార్జింగ్​కి 4 గంటల సమయం పట్టొచ్చు.

పైన చెప్పిన ఎలక్ట్రిక్​ స్కూటర్ల ధరలు రూ. 80వేల రేంజ్​ లోపే ఉంటాయి!