Tecno Phantom V Flip : టెక్నో ఫాంటమ్​ వీ ఫ్లిప్​ లాంచ్​.. తక్కువ ధరకే ఫోల్డెబుల్ స్మార్ట్​ఫోన్!

Tecno Phantom V Flip : ఇండియాలో తొలి ఫ్లిప్​ స్మార్ట్​ఫోన్​ను లాంచ్​ చేసింది టెక్నో సంస్థ. దీని పేరు టెక్నో ఫాంటమ్​ వీ ఫ్లిప్​ 5జీ. ఇతర ఫోల్డెబుల్​​ స్మార్ట్​ఫోన్స్​తో పోల్చుకుంటే.. తమ గ్యాడ్జెట్​ చాలా ప్రత్యేకమని చెబుతోంది. ఈ నేపథ్యంలో ఈ మోడల్​ విశేషాలను ఇక్కడ తెలుసుకుందాము..

కొత్త ఫ్లిప్​ ఫోన్​ ఎలా ఉంది?

సరసమైన ధరలో లగ్జరీ ఫీచర్స్​ను పొందాలనుకునే వారి కోసమే ఈ ఫాంటమ్​ వీ ఫ్లిప్​ను రూపొందించినట్టు టెక్నో సంస్థ వెల్లడించింది. యూనివర్స్​ నుంచి స్ఫూర్తి పొంది ఈ గ్యాడ్జెట్​ను తయారు చేసినట్టు స్పష్టం చేసింది. ఇందులో ఉండే సర్క్యులర్​ కవర్​ స్క్రీన్​ను ది ప్లానెట్​గా పిలుస్తోంది. కెమెరా మాడ్యూల్​ డిజైన్​.. ఆస్ట్రాయిడ్​ బెల్ట్​ను గుర్తుచేస్తోంది. ఫోన్​ రేర్​లో ప్రీమియం లిచ్​- పాటర్న్​ క్లాసిక్​ వేగన్​ లెథర్​ను ఉపయోగించడంతో ఈ గ్యాడ్జెట్​కు లగ్జరీ ఫీల్​ వస్తోంది. 2లక్షలకుపైగా ఫోల్డ్స్​ను తట్టుకునే విధంగా ఈ ఫోల్డెబుల్​ స్మార్ట్​ఫోన్​ను రూపొందించినట్టు సంస్థ చెబుతోంది.

Tecno Phantom V Flip price in India : ఈ టెక్నో ఫాంటమ్​ వీ ఫ్లిప్​లో 64ఎంపీ ప్రైమరీ, 12ఎంపీ అల్ట్రా వైడ్​ కెమెరా సెటప్​ ఉంటుంది. సెల్ఫీ, వీడియో కాల్స్​ విషయానికొస్తే ఈ డివైజ్​లో 32ఎంపీ ఫ్రెంట్​ కెమెరా ఉంటుంది. ఫ్రీకామ్​ సిస్టెమ్​తో అద్భుతమైన ఫొటోలు తీసుకోవచ్చు.

ఇదీ చూడండి:- HONOR V Purse : వావ్​.. ఇది పర్సులా ఉండే ఫోల్డెబుల్​ స్మార్ట్​ఫోన్!

ఇక ఈ మోడల్​లో మీడియాటెక్​ డైమెన్సిటీ 8050 5జీ చిప్​సెట్​ ఉంటుంది. 8జీబీ ర్యామ్​- 256జీబీ స్టోరేజ్​ దీని సొంతం. అయితే ఈ గ్యాడ్జెట్​కు 4000ఎంఏహెచ్​ బ్యాటరీ మాత్రమే లభిస్తోంది. ఫాస్ట్​ ఛార్జింగ్​ సపోర్ట్​ ఉంది. వైఫ్​, బ్లూటూత్​, జీపీఎస్​, 5జీ వంటి కనెక్టివిటీ ఫీచర్స్​ సైతం ఇందులో ఉన్నాయి.

కొత్త ఫోల్డెబుల్​ స్మార్ట్​ఫోన్​ ధర ఎంత?

Tecno Phantom V Flip amazon : ఇండియాలో టెక్నో ఫాంటమ్​ వీ ఫ్లిప్​ 5జీ ఇంట్రొడక్టరీ ధర రూ. 49,999గా ఉంది. ఐకానిక్​ బ్లాక్​, మిస్టిక్​ డాన్​ కలర్​ ఆప్షన్స్​ లభిస్తున్నాయి. అమెజాన్​లో ఈ మోడల్​ను అక్టోబర్​ 1 నుంచి కొనుగోలు చేసుకోవచ్చు.

ఇతర దేశాల్లో కూడా ఈ ఫోల్డెబుల్​ స్మార్ట్​ఫోన్​ను లాంచ్​ చేసేందుకు సంస్థ ప్రణాళికలు రచిస్తోంది.