Tecno Pova 5 : బడ్జెట్​ ఫ్రెండ్లీ టెక్నో పోవా 5, పోవా 5 ప్రో ధరలు ఇవే..!

Tecno Pova 5 : స్మార్ట్​ఫోన్​ తయారీ సంస్థ టెక్నో.. ఇటీవలే రెండు గ్యాడ్జెట్స్​ను లాంచ్​ చేసిన విషయం తెలిసిందే. ఇక ఇప్పుడు వాటి ధరల వివరాలను ప్రకటించింది. టెక్నో పోవా 5 ధర రూ. 11,999. పోవా 5 ప్రో ధర రూ. 14,999. ఫలితంగా ఈ రెండు మొబైల్స్​.. బడ్జెట్​ ఫ్రెండ్లీ స్మార్ట్​ఫోన్​ సెగ్మెంట్​లో ఉన్న పోటీని మరింత పెంచేశాయి.

ఈ స్మార్ట్​ఫోన్స్​ ఫీచర్స్​ ఇవే..

టెక్నో పోవా 5, పోవా 5 ప్రోలో 6.8 ఇంచ్​ ఫుల్​ హెచ్​డీ ప్లస్​ డిస్​ప్లే ఉంటుంది. పోవా 5లో మీడియా టెక్​ హీలియో జీ99 చిప్​సెట్​ ఉండగా.. ప్రో మోడల్​లో మీడియాటెక్​ డైమెన్సిటీ 6080 ప్రాసెసర్​ లభిస్తోంది.

టెక్నో పోవా 5.. ఆంబర్​ గోల్డ్​, హరికెన్​ బ్లూ, మెచా బ్లాక్​ రంగుల్లో అందుబాటులో ఉండనుంది. ప్రో మోడల్​లో డార్క్​ ఇల్యూషన్స్​, సిల్వర్​ ఫ్యాంటసీ కలర్​ ఆప్షన్స్​ లభిస్తున్నాయి.

Tecno Pova 5 pro 5G price in India : ఇక పోవా 5, పోవా 5 ప్రోలో.. 50ఎంపీ ప్రైమరీ కెమెరాతో కూడిన డ్యూయెల్​ కెమెరా సెటప్​ ఉంటుంది. ఫ్రెంట్​లో మాత్రం ఒక డివైజ్​కు 8ఎంపీ కెమెరా లభిస్తుండగా.. మరో దానికి 16ఎంపీ కెమెరా ఉండనుంది.

టెక్నో పోవా 5లో 6000ఎంఏహెచ్​ బ్యాటరీ (45వాట్​ ఫాస్ట్​ ఛార్జింగ్​), పోవా 5 ప్రోలో 5,000 ఎంఏహెచ్​ బ్యాటరీలు (68వాట్​ ఫాస్ట్​ ఛార్జింగ్​) ఉన్నాయి. వీటిల్లో ఆండ్రాయిడ్​ 13 ఆధారిత హెచ్​ఐఓఎస్​తో పాటు 4జీ వోల్ట్​ఈ, వై-ఫై, బ్లూటూత్​ 5.0, జీపీఎస్​, టైప్​-సీ పోర్ట్​, ఎన్​ఎఫ్​సీ, 3.5ఎంఎం ఆడియో జాక్​లు వస్తున్నాయి.

Tecno Pova 5 price in India : ఇక ఈ మోడల్స్​.. ఆగస్టు 22 నుంచి అమోజాన్​లో అందుబాటులోకి వస్తాయి. స్మార్ట్​ఫోన్​ ఎక్స్​ఛేంజ్​తో రూ. 1000 తగ్గింపు కూడా వస్తుండటం విశేషం.

ది బెస్ట్​ బడ్జెట్​ ఫ్రెండ్లీ స్మార్ట్​ఫోన్​?

రెడ్​మీ 12 సిరీస్​ను ఇటీవలే ఇండియాలో లాంచ్​ చేసింది సంస్థ. ఇందులో 4జీ, 5జీ వేరియంట్లు ఉన్నాయి. బడ్జెట్​ ఫ్రెండ్లీ/ ఎంట్రీ లెవల్​ సెగ్మెంట్​లో వస్తున్న ఈ సిరీస్​పై ప్రజల్లో ఆసక్తి నెలకొంది.

ఈ రెడ్​మీ 12.. రెడ్​మీ11కు సక్సెసర్​గా వస్తోంది. రెడ్​మీ 12 4జీ (4జీబీ ర్యామ్​- 128జీబీ స్టోరేజ్​) వేరియంట్​ ధర రూ. 8,999. 6జీబీ ర్యామ్​- 128జీబీ స్టోరేజ్​ వేరియంట్​ ధర రూ. 10,499. ఇక 5జీ మోడల్​ 4జీబీ ర్యామ్​- 128జీబీ స్టోరేజ్​ వేరియంట్​ ధర రూ. 10,999. 6జీబీ ర్యామ్​- 128జీబీ స్టోరేజ్​ వేరియంట్​ ధర రూ. 12,499. 8జీబీ ర్యామ్​- 256జీబీ స్టోరేజ్​ వేరియంట్​ ధర రూ. 14,499. పూర్తి వివరాల కోసం ఇక్కడ క్లిక్​ చేయండి.