Infinix Smart 8 Plus : 6000 ఎంఏహెచ్​ బ్యాటరీతో ఇన్ఫీనిక్స్​ స్మార్ట్​ 8 ప్లస్​ స్మార్ట్​ఫోన్​ లాంచ్​

Infinix Smart 8 Plus launched : ఇండియా మార్కెట్​లో సరికొత్త స్మార్ట్​ఫోన్​ని లాంచ్​ చేసింది ఇన్ఫీనిక్స్​ సంస్థ. దీని పేరు ఇన్ఫీనిక్స్​ స్మార్ట్​ 8 ప్లస్​. ఇదొక బడ్జెట్​ ఫ్రెండ్లీ గ్యాడ్జెట్​. ఈ నేపథ్యంలో ఈ మోడల్​ ఫీచర్స్​, ధర వంటి వివరాలను ఇక్కడ తెలుసుకుందాము..

ఇన్ఫీనిక్స్​ కొత్త స్మార్ట్​ఫోన్​ ఫీచర్స్​..

ఇన్ఫీనిక్స్​ స్మార్ట్​ 8 ప్లస్​లో.. 90 హెచ్​జెడ్​ రిఫ్రెష్​ రేట్​తో కూడిన 6.6 ఇంచ్​ ఐపీఎస్​ ఎల్​సీడీ డిస్​ప్లే ఉంటుంది. పంచ్​ హోల్​ అలైన్డ్​ డిజైన్​ సెంటర్​లో కనిపిస్తోంది. 500 నిట్స్​ బ్రైట్​నెస్​ దీని సొంతం.

ఈ కొత్త బడ్జెట్​ ఫ్రెండ్లీ స్మార్ట్​ఫోన్​లో హీలియో జీ36 ప్రాసెసర్​ ఉంటుంది. 4జీబీ ర్యామ్​- 128జీబీ స్టోరేజ్​ ఆప్షన్​ వరకు ఈ మొబైల్​లో పొందొచ్చు. అంతేకాకుండా.. ఈ ఇన్ఫీనిక్స్​ స్మార్ట్​ 8 ప్లస్​లో మైక్రోఎస్​డీ కార్డ్​ ఆప్షన్​ కూడా ఉంది. ఆండ్రాయిడ్​ 13 ఆధారిత ఎక్స్​ఓఎస్​ 13 సాఫ్ట్​వేర్​పై ఈ మోడల్​ పనిచేస్తుంది. సైడ్​ ఫేసింగ్​ ఫింగర్​ప్రింట్​ స్కానర్​ కూడా వస్తోంది.

Infinix Smart 8 Plus : ఈ ఇన్ఫీనిక్స్​ స్మార్ట్​ 8 ప్లస్​లో 6000 ఎంఏహెచ్​ బ్యాటరీ ఆప్షన్​ లభిస్తుండటం హైలైట్​. 18వాట్​ ఛార్జింగ్​ సపోర్ట్​ లభిస్తోంది. డ్యూయెల్​ సిమ్​, 4జీ వోల్ట్​ఈ, వైఫై, యూఎస్​బీ టైప్​ సీ పోర్ట్​, 3.5ఎంఎం ఆడియో జాక్​, బ్లూటూత్​ వంటి కనెక్టివిటీ ఫీచర్స్​ కూడా వస్తున్నాయి. ఈ గ్యాడ్జెట్​ బరువు 204 గ్రాములు. ఇన్ఫీనిక్స్​ స్మార్ట్​ 8 ప్లస్​ మెజర్​మెంట్స్​ 163.63 X 75.7 X 8.95 ఎంఎం.

ఇన్ఫీనిక్స్​ స్మార్ట్​ 8 ప్లస్​ ధర ఎంతంటే..

ఈ బడ్జెట్​ ఫ్రెండ్లీ ఇన్ఫీనిక్స్​ స్మార్ట్​ 8 ప్లస్​.. 3 కలర్స్​లో అందుబాటులోకి రానుంది. అవి.. టింబర్​ బ్లాక్​, గెలాక్సీ వైట్​, షైనీ గోల్డ్. ఇండియాలో ఈ మోడల్​ ధరను సంస్థ ఇంకా ప్రకటించలేదు. సంస్థకు చెందిన అంతర్జాతీయ ​వెబ్​సైట్​లో కూడా ధర వివరాలు లేవు. అందుకే.. దీనిపై సర్వత్రా ఆసక్తి నెలకొంది.

Infinix Smart 8 Plus features : అయితే.. ఫీచర్స్​ పరంగా చూస్తే.. ఈ ఇన్ఫీనిక్స్​ స్మార్ట్​ 8 ప్లస్​ కచ్చితంగా బడ్జెట్​ ఫ్రెండ్లీ గ్యాడ్జెటే అవుతుందని చెప్పొచ్చు. ఇన్ఫీనిక్స్​ స్మార్ట్​ 8 కూడా ఒ బడ్జెట్​ ఫ్రెండ్లీ స్మార్ట్​ఫోనే. దాని ధర ప్రస్తుతం రూ. 7వేల లోపే ఉంది.

కాగా.. ఈ ఇన్ఫీనిక్స్​ స్మార్ట్​ 8 ప్లస్ ధరతో పాటు సేల్స్​ ఎప్పుడు మొదలవుతాయి? ఎక్కడ కొనుగోలు చేసుకోవచ్చు? అన్న వివరాలు త్వరలోనే అందుబాటులోకి వస్తాయని తెలుస్తోంది.