Stocks to buy today : ట్రేడర్స్​ అలర్ట్​! ఇన్ఫోసిస్​ స్టాక్​లో ట్రేడ్​ ఛాన్స్​! టార్గెట్​ ఎంతంటే..

అమెరికా అధ్యక్ష ఎన్నికల్లో డొనాల్డ్​ ట్రంప్​ ఘన విజయం నేపథ్యంలో బుధవారం ట్రేడింగ్​ సెషన్​లో దేశీయ స్టాక్​ మార్కెట్​లు భారీగా లాభపడ్డాయి. బీఎస్​ఈ సెన్సెక్స్​ 902 పాయింట్లు పెరిగి 80,378 వద్ద స్థిరపడింది. నిఫ్టీ50.. 271 పాయింట్లు పెరిగి 24,484 వద్ద సెషన్​ని ముగించింది. ఇక బ్యాంక్​ నిఫ్టీ 110 పాయింట్ల వృద్ధిచెంది 52,317 వద్దకు చేరింది.

"ఈ డౌన్ ట్రెండ్ ప్రారంభమైన తర్వాత మొదటిసారిగా 10 డే ఈఎంఏ పైన నిఫ్టీ50 ముగిసింది. ఇది బుల్లిష్ ట్రెండ్ రివర్సల్​కి సంకేతం. నిఫ్టీకి నెక్ట్స్​ రెసిస్టెన్స్​ 24,650-24,700 బ్యాండ్​లో కనిపిస్తోంది. ఇది అక్టోబర్ నెలలో నమోదైన ప్రధాన స్వింగ్ కనిష్టమం," అని హెచ్​డీఎఫ్​సీ సెక్యూరిటీస్ సీనియర్ డెరివేటివ్ అండ్​ టెక్నికల్ రీసెర్చ్ అనలిస్ట్ నందీష్ షా అన్నారు. నిఫ్టీ కీలక సపోర్ట్​ 24,300 వద్ద కొనసాగుతోందని పేర్కొన్నారు..

ఎఫ్​ఐఐలు.. డీఐఐలు..

బుధవారం ట్రేడింగ్​ సెషన్​లో ఎఫ్​ఐఐలు రూ. 4445.59 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 4889.33 కోట్లు విలువ చేసే షేర్లను కొనుగోలు చేశారు.

నవంబర్​ నెల​లో ఎఫ్​ఐఐలు ఇప్పటివరకు రూ. 11,556.72 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 10,479.04 కోట్లు విలువ చేసే షేర్లను కొనుగోలు చేశారు.

ఇక దేశీయ స్టాక్​ మార్కెట్​లు.. శుక్రవారం ట్రేడింగ్​ సెషన్​ని నష్టాలతో ప్రారంభించే అవకాశం ఉంది. గిఫ్ట్​ నిఫ్టీ దాదాపు 150 పాయింట్ల లాస్​లో ఉండటం ఇందుకు కారణం.

అమెరికా స్టాక్​ మార్కెట్​లు..

అమెరికా అధ్యక్ష ఎన్నికల ఫలితాల కారణంగా ఆ దేశ స్టాక్​ మార్కెట్​లు భారీ లాభాలను చూశాయి. డౌ జోన్స్​ 3.57శాతం పెరిగింది. ఎస్​ అండ్​ పీ 500​ 2.53శాతం వృద్ధిచెందింది. టెక్​ ఇండెక్స్​ నాస్​డాక్ 2.95శాతం పెరిగింది.

ఆసియా స్టాక్​ మార్కెట్​లు గురువారం ట్రేడింగ్​ సెషన్​లో ఫ్లాట్​గా కొనసాగుతున్నాయి.

స్టాక్స్​ టు బై..

పిరామల్​ ఫార్మా- బై రూ. 293.55, స్టాప్​ లాస్​ రూ. 283, టార్గెట్​ రూ. 311

దీపక్​ ఫర్టిలైజర్స్​ అండ్​ పెట్రో కెమికల్​ కార్పొరేషన్​- బై రూ. 1391.65, స్టాప్​ లాస్​ రూ. 1340, టార్గెట్​ రూ. 1480

ఇన్ఫోసిస్​- బై రూ. 1826, స్టాప్​ లాస్​ రూ. 1790, టార్గెట్​ రూ. 1880

సీయెట్​- బై రూ. 2790, స్టాప్​ లాస్​ రూ. 2740, టార్గెట్​ రూ. 2880

అదానీ పోర్ట్స్​- బై రూ. 1370, స్టాప్​ లాస్​ రూ. 1245, టార్గెట్​ రూ. 1420.

(గమనిక:- ఇవి నిపుణుల అభిప్రాయాలు మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ట్రేడ్​ తీసుకునే ముందు ట్రేడర్లకు సొంతంగా ఎనాలసిస్​ ఉండటం శ్రేయస్కరం.)