Samsung Galaxy S24 FE vs Samsung Galaxy S23 FE : ఈ రెండు స్మార్ట్​ఫోన్స్​లో ఏది బెస్ట్​? ఏది కొనొచ్చు?

ఇండియా స్మార్ట్​ఫోన్​ మార్కెట్​లో శాంసంగ్​ డివైజ్​లకి ప్రత్యేక ఫ్యాన్​ బేస్​ ఉంటుంది. దానికి తగ్గట్టుగానే ఈ దిగ్గజ సంస్థ ఎప్పటికప్పుడు లేటెస్ట్​ మోడల్స్​ని లాంచ్​ చేస్తూ వస్తుంది. ఇక ఇటీవలే లాంచ్​ అయిన శాంసంగ్​ గెలాక్సీ ఎస్​24 ఎఫ్​ఈకి మంచి డిమాండ్​ కనిపిస్తోంది. అయితే.. శాంసంగ్​ గెలాక్సీ ఎస్​23 ఎఫ్​ఈ గతేడాదే లాంచ్​ అయ్యింది. ఈ రెండింట్లో ఏది కొంటే బెటర్​? అన్న విషయంపై కస్టమర్స్​లో గందరగోళం​ నెలకొంది. ఈ నేపథ్యంలో ఈ రెండింటినీ పోల్చి, ఏది బెస్ట్​? ఏది వాల్యూ ఫర్​ మనీ? వంటి వివరాలను ఇక్కడ తెలుసుకుందాము..

శాంసంగ్​ గెలాక్సీ ఎస్​24 ఎఫ్​ఈ వర్సెస్ శాంసంగ్ గెలాక్సీ ఎస్23 ఎఫ్​ఈ

డిజైన్- డిస్​ప్లే: శాంసంగ్​ గెలాక్సీ ఎస్24 ఎఫ్​ఈ, గెలాక్సీ ఎస్23 ఎఫ్​ఈ గ్లాస్ రియర్ ప్యానెల్, అల్యూమినియం ఫ్రేమ్​లతో సమానంగా కనిపించే డిజైన్​ను కలిగి ఉంటాయి. అయితే గెలాక్సీ ఎస్24 ఎఫ్ఈ బాక్సీ డిజైన్, కర్వ్డ్ ఎడ్జెస్​తో ఫ్లాగ్షిప్ గెలాక్సీ ఎస్ 24 మాదిరిగా కనిపిస్తుంది. రెండు స్మార్ట్​ఫోన్లు ఐపీ68 రేటింగ్​ను అందిస్తున్నాయి.

గెలాక్సీ ఎస్24 ఎఫ్​ఈ 120 హెర్ట్జ్ రిఫ్రెష్ రేట్, 1900 నిట్స్ పీక్ బ్రైట్​నెస్ తో 6.69 ఇంచ్​ డైనమిక్ అమోలెడ్ 2ఎక్స్ డిస్​ప్లేను కలిగి ఉంది. గత ఏడాది లాంచ్​ అయిన గెలాక్సీ ఎస్23 ఎఫ్ఈలో 120 హెర్ట్జ్ రిఫ్రెష్ రేట్, 1450 నిట్స్ పీక్ బ్రైట్​నెస్​తో 6.4 ఇంచ్​ డైనమిక్ అమోలెడ్ 2ఎక్స్ డిస్​ప్లే ఉంది.

కెమెరా: స్పెసిఫికేషన్ల పరంగా, గెలాక్సీ ఎస్24 ఎఫ్ఈ, గెలాక్సీ ఎస్23 ఎఫ్​ఈ స్మార్ట్​ఫోన్స్​ రెండూ ట్రిపుల్ కెమెరా సెటప్​ని కలిగి ఉన్నాయి. వీటిలో 50 మెగాపిక్సెల్ ప్రధాన కెమెరా, ఎఫ్ / 1. వీటిలో ప్రధాన కెమెరా సామర్థ్యం 12 మెగా పిక్సెల్ కాగా, 8 మెగా పిక్సెల్ టెలిఫోటో లెన్స్ కూడా ఉన్నాయి. ముందువైపు రెండు స్మార్ట్​ఫోన్స్​ 10 మెగాపిక్సెల్ పంచ్​హోల్​ సెల్ఫీ కెమెరాతో వస్తాయి.

పర్ఫార్మెన్స్​- బ్యాటరీ:పనితీరు స్పెసిఫికేషన్లను పోల్చినప్పుడు గణనీయమైన వ్యత్యాసం ఉంది. గెలాక్సీ ఎస్24 ఎఫ్ఈలో 8 జీబీ ర్యామ్, 256 జీబీ వరకు స్టోరేజ్​తో పాటు ఎక్సినోస్ 2400ఈ ఎస్ఓసీ ఉంది. మెరుగైన గ్రాఫిక్స్ పనితీరు కోసం ఈ స్మార్ట్​ఫోన్​లో ఎక్స్​క్లిప్స్​ 940 జీపీయూను అమర్చారు. మరోవైపు, గెలాక్సీ ఎస్23 ఎఫ్​ఈ ఎక్సినోస్ 2200 ఎస్ఓసితో పాటు ఎక్స్​క్లిప్స్​ 920 జీపీయూ, 8 జీబీ ర్యామ్- 256 జీబీ స్టోరేజ్​తో పనిచేస్తుంది.

గెలాక్సీ ఎస్24 ఎఫ్ఈలో4,700 ఎంఏహెచ్​ బ్యాటరీ ఉంది. ఎస్​23 ఎఫ్​ఈలో 4,500 ఎంఏహెచ్ బ్యాటరీ ఉంది. అయితే ఈ రెండు స్మార్ట్​ఫోన్స్​ 25వాట్ ఛార్జర్ను సపోర్ట్ చేస్తాయి.

ధర: శాంసంగ్ గెలాక్సీ ఎస్24 ఎఫ్ఈ 8జీబీ+128జీబీ ప్రారంభ ధర రూ.59,999 కాగా, శాంసంగ్ గెలాక్సీ ఎస్23 ఎఫ్ఈ ప్రారంభ ధర రూ.54,999.

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి..