New bike launch : యువతకు పిచ్చెక్కించే ‘రెట్రో’ లుక్​తో రాయల్​ ఎన్​ఫీల్డ్​ కొత్త బైక్​ లాంచ్​..

దిగ్గజ ఆటోమొబైల్​ సంస్థ రాయల్​ ఎన్​ఫీల్డ్​ మంచి జోరు మీద ఉంది! సంస్థకు చెందిన తొలి ఎలక్ట్రిక్​ బైక్​ని ఆవిష్కరించిన రాయల్​ ఎన్​ఫీల్డ్​, తాజాగా కొత్త బైక్​ని లాంచ్​ చేసింది. దీని పేరు రాయల్​ ఎన్​ఫీల్డ్​ ఇంటర్​సెప్టర్​ బేర్​ 650. అంతర్జాతీయంగా అరంగేట్రం చేసిన కొన్ని రోజులకే ఈ మోడల్​ ఇండియాలోనూ అడుగుపెట్టింది. ఆర్ఈ ఇంటర్​సెప్టర్​ 650 ఆధారిత స్క్రాంబ్లర్ తరహా ఆఫర్ అయిన దీని ధర రూ .3.39 లక్షల నుంచి రూ .3.59 లక్షల (ఎక్స్-షోరూమ్) వరకు ఉంటుంది. కొత్త బేర్ 650.. 650సీసీ ప్లాట్​ఫామ్​పై ఆధారపడిన 5వ మోటార్ సైకిల్. ఈ నేపథ్యంలో ఈ బైక్​ వివరాలను ఇక్కడ చూసేయండి..

రాయల్ ఎన్​ఫీల్డ్​ ఇంటర్​సెప్టర్​ బేర్ 650 డిజైన్..

రాయల్​ ఎన్​ఫీల్డ్​ ఇంటర్​సెప్టర్​ బేర్ 650 డిజైన్​.. 1960-70ల్లో స్క్రాంబ్లర్ల నుంచి స్ఫూర్తి పొందినట్టు అనిపిస్తుంది.సైడ్ ప్యానెల్స్​పై కొత్త పెయింట్ స్కీమ్, స్క్రాంబ్లర్ తరహా సీటు, నంబర్ బోర్డు ఇందులో ఉన్నాయి. డ్యూయెల్ పర్పస్ ఎంఆర్ఎఫ్ నైలోరెక్స్ టైర్లతో 19 ఇంచ్​ ఫ్రంట్, 17 ఇంచ్​ రేర్​ వైర్ స్పోక్డ్ వీల్స్​తో, ఆల్-ఎల్ఈడీ లైటింగ్​కు ఈ బైక్​ అప్​గ్రేడ్​ అయ్యింది.

రాయల్ ఎన్​ఫీల్డ్​ ఇంటర్​సెప్టర్​ బేర్ 650 హార్డ్​వేర్​..

రాయల్​ ఎన్​ఫీల్డ్​ ఇంటర్​సెప్టర్​ బేర్ 650.. 43ఎంఎం షోవా యూఎస్డీ ఫ్రంట్ ఫోర్కులతో సహా అప్​గ్రేడెడ్​ హార్డ్​వేర్​ని పొందుతుంది. వెనుక భాగంలో 115 ఎంఎం ప్రమాణంతో కొత్త ట్విన్ షాక్ అబ్జార్బర్లు ఉన్నాయి. గ్రౌండ్ క్లియరెన్స్ 184 ఎంఎం, సీటు ఎత్తు 830 ఎంఎం వరకు పెరిగింది. ఇది ఉన్న అన్ని 650 ఆప్షన్స్​లోనూ ఎత్తైనది. ఫ్రంట్ బ్రేక్ డిస్క్ ఎన్​ఫీల్డ్​ ఇంటర్​సెప్టర్​ 650 లోని దాని కంటే 320 ఎంఎం పెద్దదిగా ఉంది. ఈ బైక్ స్విచ్చెబుల్ డ్యూయెల్-ఛానల్ ఏబీఎస్​ను పొందుతుంది. అయితే కొత్త హిమాలయన్ నుంచి ఇన్-బిల్ట్ నేవిగేషన్ సిస్టమ్​తో ఫుల్-కలర్ టీఎఫ్​టీ స్క్రీన్​ని తీసుకొచ్చింది సంస్థ.

రాయల్ ఎన్​ఫీల్డ్​ ఇంటర్​సెప్టర్​ బేర్ 650 ఇంజిన్..

ఈ బైక్​లోని 648 సీసీ ప్యారలెల్-ట్విన్ ఇంజిన్ 7,150 ఆర్​పీఎం వద్ద 47 బీహెచ్​పీ పవర్​ని, 5150 ఆర్​పీఎం వద్ద 57 ఎన్ఎమ్ గరిష్ట టార్క్​ని జనరేట్​ చేస్తుంది. దీన్ని 6-స్పీడ్ గేర్​బాక్స్​తో కనెక్ట్​ చేసింది సంస్థ. బైక్ బరువును తగ్గించడానికి సహాయపడే కొత్త టూ-టు-వన్ ఎగ్జాస్ట్ సిస్టమ్​ను కూడా ఈ బైక్ పొందుతుంది. బేర్​ 650 కెర్బ్ బరువు 216 కిలోలు! ఇంటర్​సెప్టర్​ కంటే 2 కిలోలు తక్కువ.

కొత్త రాయల్ ఎన్​ఫీల్డ్​ ఇంటర్​సెప్టర్​ బేర్ 650కు ప్రత్యక్ష ప్రత్యర్థి లేదు. ఈ మోటార్ సైకిల్ ఆర్​ఈ డీలర్​షిప్​ల వద్ద లభిస్తుంది. కొన్ని రోజుల్లో డెలివరీలు ప్రారంభమవుతాయి. కొత్త ఫ్లయింగ్ ఫ్లీ సీ6, హిమాలయన్ ర్యాలీ, మరిన్ని మోటార్ సైకిళ్లతో పాటు రాయల్ ఎన్​ఫీల్డ్​ ఈ సంవత్సరం ఈఐసీఎంఏలో బేర్ 650ని కూడా ఒక ముఖ్యమైన ప్రదర్శనగా ఉంచింది.