Royal Enfield Himalayan 450 vs KTM 390 Adventure : ఈ రెండు బైక్స్​లో ఏది కొనాలి?

Royal Enfield Himalayan 450 vs KTM 390 Adventure : రాయల్​ ఎన్​ఫీల్డ్​ హిమాలయన్​ 450 ఇటీవలే లాంచ్​ అయ్యింది. ఈ బైక్​పై ప్రజల్లో మంచి ఆసక్తి కనిపిస్తోంది. అయితే.. ఇప్పటికే మార్కెట్​లో ఉన్న కేటీ 390 అడ్వెంచర్​కి ఈ మోడల్​ గట్టిపోటీనిస్తుందని అంచనాలు ఉన్నాయి. ఈ రెండింట్లో ఏది కొనాలి? అని చాలా మంది ఆలోచిస్తున్నారు. ఈ నేపథ్యంలో.. ఈ రెండు బైక్స్​లో ఏది బెస్ట్​? ఏది కొంటే వాల్యూ ఫర్​ మనీ? అనేది ఇక్కడ తెలుసుకుందాము..

రాయల్​ ఎన్​ఫీల్డ్​ హిమాలయన్​ 450 వర్సెస్​ కేటీఎం 390 అడ్వెంచర్​- ఫీచర్స్​..

సరికొత్త హిమాలయన్​ 450 బైక్​లో చాలా ఫీచర్సే ఉన్నాయి! ఎల్​ఈడీ హెడ్​లైట్స్​, ఇంటిగ్రేటెడ్​ టెయిల్​లైట్​, టర్న్​ ఇండికేటర్స్​, స్మార్ట్​ఫోన్​ కనెక్టివిటీతో కూడిన 4 ఇంచ్​ టీఎఫ్​టీ డిస్​ప్లే వంటివి వస్తున్నాయి. స్మార్ట్​ఫోన్​ని కనెక్ట్​ చేసిన తర్వాత.. నేవిగేషన్​, మీడియా కంట్రోల్స్​, కాల్స్​, ఎస్​ఎంఎస్​ నోటిఫికేషన్​ను స్క్రీన్​పై పొందొచ్చు. రైడ్​-బై- వైర్​తో కూడిన రెండు మోడ్స్​, స్విచెబుల్​ ఏబీఎస్​ వంటివి ఇందులో ఉన్నాయి.

ఇక కేటీఎం 390 అడ్వెంచర్​లో ఎల్​ఈడీ లైట్స్​, ఎల్​ఈడీ డీఆర్​ఎల్స్​, అడ్జెస్టెబుల్​ విండ్​షీల్డ్, కలర్​ టీఎఫ్​టీ డిస్​ప్లే వంటివి ఉంటాయి. స్మార్ట్​ఫోన్​ని కనెక్ట్​ చేసుకోవచ్చు. ఛార్జింగ్​ పాయింట్​ కూడా ఉంది. ఆఫ్​ రోడ్​ అడ్వెంచర్​, 2 రైడింగ్​ మోడ్స్​, టర్న్​ బై టర్న్​ నేవిగేషన్​, ఏబీఎస్​ మోడ్స్​, ట్రాక్షన్​ కంట్రోల్​, బై డైరెక్షనల్​ క్విక్​ షిఫ్టర్​ వంటివి ఇందులో లభిస్తున్నాయి.

రాయల్​ ఎన్​ఫీల్డ్​ హిమాలయన్​ 450 వర్సెస్​ కేటీఎం 390 అడ్వెంచర్​- ఇంజిన్​..

Royal Enfield Himalayan 450 price Hyderabad : రాయల్​ ఎన్​ఫీల్డ్​ కొత్త బైక్​లో 452 సీసీ, సింగిల్​ సిలిండర్​, లిక్విడ్​ కూల్డ్​ ఇంజిన్​ ఉంటుంది. ఇది.. 39.2 బీహెచ్​పీ పవర్​ని 40 ఎన్​ఎం టార్క్​ని జనరేట్​ చేస్తుంది. 6 స్పీడ్​ గేర్​బాక్స్​ దని సొంతం.

మరోవైపు కేటీఎం బైక్​లో 373.2 సీసీ, సింగిల్​ సిలిండర్​, లిక్విడ్​ కూల్డ్​ ఇంజిన్​ ఉంటుంది. ఇది 43 బీహెచ్​పీ పవర్​ని, 37 ఎన్​ఎం టార్క్​ని జనరేట్​ చేస్తుంది. 6 స్పీడ్​ గేర్​బాక్స్​ దీని సొంతం. క్విక్​ షిఫ్టర్​, స్లిప్​ అండ్​ అసిస్ట్​ క్లచ్​ వంటివి వస్తున్నాయి.

రాయల్​ ఎన్​ఫీల్డ్​ హిమాలయన్​ 450 వర్సెస్​ కేటీఎం 390 అడ్వెంచర్​- ధరలు..

Royal Enfield Himalayan 450 on road price : రాయల్​ ఎన్​ఫీల్డ్​ హిమాలయన్​ 450లో మూడు వేరియంట్లు ఉన్నాయి. అవి బేస్​, పాస్​, సమిట్​. వీటి ఎక్స్​షోరూం ధరలు వరుసగా.. రూ. 2.69లక్షలు, రూ. 2.74లక్షలు, రూ. 2.84లక్షలు.

ఇక కేటీఎం 390 అడ్వెంచర్​ అలాయ్​ వీల్స్​ వేరియంట్​ ఎక్స్​షోరూం ధర రూ. 3.39లక్షలు. స్పోక్​డ్​ వీల్స్​ ఎక్స్​షోరూం ధర రూ. 3.61లక్షలుగా ఉంది.