Red magic 9 pro : రెడ్​ మ్యాజిక్​ 9 ప్రో సిరీస్​ లాంచ్​.. ది బెస్ట్​ గేమింగ్​ స్మార్ట్​ఫోన్స్​​ ఇవే!

Red magic 9 pro : చైనా మార్కెట్​లో మరో కొత్త గేమింగ్​ స్మార్ట్​ఫోన్​ సిరీస్​ లాంచ్​ అయ్యింది. దాని పేరు రెడ్​ మ్యాజిక్​ 9 ప్రో. ఇందులో రెండు గ్యాడ్జెట్స్​ ఉన్నాయి. అవి.. రెడ్​ మ్యాజిక్​ 9 ప్రో, రెడ్​ మ్యాజిక్​ 9 ప్రో+. ఈ నేపథ్యంలో ఈ మొబైల్స్​ విశేషాలను ఇక్కడ తెలుసుకుందాము..

కొత్త గేమింగ్​ స్మార్ట్​ఫోన్​ ఫీచర్స్​ ఇవే..

రెడ్​ మ్యాజిక్​ 9 ప్రో సిరీస్​లో.. 120 హెచ్​జెడ్​తో కూడిన 6.8 ఇంచ్​ ఫుల్​ స్క్రీన్​ అమోలెడ్​ డిస్​ప్లే ఉంటుంది. స్నాప్​డ్రాగన్​ 8 జెన్​ 3 చిప్​సెట్​ ఈ మొబైల్స్​ సొంతం. ఎల్​పీడీడీఆర్​5ఎక్స్​ ర్యామ్​, యూఎఫ్​ఎస్​4.0 స్టోరేజ్​ వంటివి ఈ మొబైల్స్​లో భాగం. వేపర్​ ఛాంబర్​, అలాయ్​ ఫ్యాన్​, వాటర్​ఫాల్​ ఎయిర్​ డక్ట్​, క్యూబ్​ ఎనర్జీ ఇంజిన్​ వంటి కూలింగ్​ సిస్టెమ్​ ఫీచర్స్​ కూడా వీటిల్లో ఉన్నాయి. ఫలితంగా.. హీట్​ అనేది 25డిగ్రీ సెల్సియస్​ వరకు దిగొస్తుంది.

ఇక రెడ్​ మ్యాజిక్​ 9 ప్రో సిరీస్​లో రెడ్​ కోర్​ ఆర్​2 ప్రో చిప్​సెట్​ కూడా వస్తోంది. ఫలితంగా గేమింగ్​ పర్ఫార్మెన్స్​ అనేది మరింత మెరుగ్గా ఉంటుంది.

Red magic 9 pro price : ఈ రెండు గేమింగ్​ స్మార్ట్​ఫోన్స్​ కూడా.. ఆండ్రాయిడ్​ 14 ఆధారిత రెడ్​మ్యాజిక్​ ఓఎస్​ 9.0 సాఫ్ట్​వేర్​పై పనిచేస్తాయి. ఎక్స్​ గ్రావిటీ 2.0 సాఫ్ట్​వేర్​ కూడా వీటిల్లో ఉంటుంది. కంట్రోలర్స్​, కీబోర్డ్స్​, మౌస్​ వంటిని అటాచ్​ చేసుకునేందుకు ఇది ఉపయోగపడుతుంది.

ఈ రెడ్​ మ్యాజిక్​ 9ప్రోలో 6,500ఎంఏహెచ్​ బ్యాటరీ, 80వాట్​ ఫాస్ట్​ ఛార్జింగ్​ సపోర్ట్​ వంటివి ఉంటాయి. కేవలం 35నిమిషాల్లోనే ఈ గ్యాడ్జెట్​ని ఛార్జ్​ చేసుకోవచ్చు.

ఇక రెడ్​ మ్యాజిక్​ 9 ప్రో+ లో 5,500ఎంఏహెచ్​ బ్యాటరీ, 165వాట్​ అల్ట్రా-ఫాస్ట్​ ఫ్లాష్​ ఛార్జింగ్​ వంటివి ఉంటాయి. ఫుల్​ ఛార్జింగ్​కి కేవలం 16 నిమిషాల సమయం మాత్రమే పడుతుంది!

Red magic 9 pro plus price : ఈ రెండు స్మార్ట్​ఫోన్స్​లో కూడా.. 50ఎంపీ ప్రైమరీ, 50ఎంపీ అల్ట్రా-వైడ్​, 2ఎంపీ మాక్రో లెన్స్​తో కూడిన రేర్​ కెమెరా సెటప్​ వస్తోంది. సెల్ఫీ, వీడియో కాల్స్​ కోసం 16ఎంపీ కెమెరా లభిస్తుంది.

ఈ గేమింగ్​ స్మార్ట్​ఫోన్స్​ ధరలు ఎంతంటే..

చైనాలో.. రెడ్​ మ్యాజిక్​ 9 ప్రో 8జీబీ ర్యామ్​- 256జీబీ స్టోరేజ్​ వేరియంట్​ ధర 4,399 యువాన్​లుగా ఉంది. అంటే.. సుమారు రూ. 51,691. 12జీబీ ర్యామ్​- 512జీబీ స్టోరేజ్​ వేరియంట్​ ధర 5,399 యువాన్​లుగా ఉంది. అంటే సుమారు రూ. 63,441.

Red magic 9 pro launch dat in India : ఇక రెడ్​ మ్యాజిక్​ 9 ప్రో+ 16జీబీ ర్యామ్​- 256జీబీ స్టోరేజ్​ వేరియంట్​ 5,499 యువాన్​లుగా ఉంది. అంటే సుమారు రూ. 64,616. ఇక 24జీబీ ర్యామ్​- 1టీబీ స్టోరేజ్​ వేరియంట్​ ధర 6,999 యువాన్​లుగా ఉంది. అంటే సుమారు రూ. 82,242.

చైనాలో ఈ నెల 28న ఈ మోడల్ సేల్స్​ ప్రారంభమవుతాయి. బ్లాక్​, వైట్​ (ట్రాన్స్​పరెంట్​), బ్లాక్​ (ట్రాన్స్​పరెంట్​) కలర్​ ఆప్షన్స్​ వంటివి ఉంటాయి.

కాగా.. ఇండియాలో ఈ రెడ్​ మ్యాజిక్​ 9 ప్రో సిరీస్​ లాంచ్​పై ప్రస్తుతం స్పష్టత లేదు. త్వరలోనే ఈ విషయంపై ఓ క్లారిటీ వచ్చే అవకాశం ఉంది.