Realme P2 Pro : ధర తక్కువ- ఫీచర్స్​ ఎక్కువ.. రియల్​మీ పీ2 ప్రో హైలైట్స్​ ఇవే

మిడ్ రేంజ్ సెగ్మెంట్లో భారతీయ యువత కోసం కొత్త పీ సిరీస్ స్మార్ట్​ఫోన్స్​ని ఈ ఏడాది ప్రారంభంలో రియల్​మీ సంస్థ ప్రకటించింది. ఇప్పుడు, కొన్ని నెలల్లో, కంపెనీ రెండొవ తరం స్మార్ట్​ఫోన్​ రియల్​మీ పీ2 ప్రో 5జీతో తిరిగొచ్చింది. యువ స్మార్ట్​ఫోన్ యూజర్ల అభిరుచి కోసం రూపొందించిన కొత్త డిజైన్​తో ఈ గ్యాడ్జెట్​ వస్తోంది. అంతేకాకుండా సరసమైన ధరలో ఫ్లాగ్​షిప్ తరహా అనుభవాన్ని అందిస్తామని సంస్థ పేర్కొంది. ఈ నేపథ్యంలో రియల్​మీ పీ2 ప్రో 5జీ స్మార్ట్​ఫోన్​ ఫీచర్స్​, ధర వంటి వివరాలను ఇక్కడ తెలుసుకోండి..

రియల్​మీ పీ2 ప్రో 5జీ స్పెసిఫికేషన్స్​..

రియల్​మీ పీ2 ప్రో 5జీ స్మార్ట్​ఫోన్​ 120 హెర్ట్జ్ రిఫ్రెష్ రేట్, 2000 నిట్స్ పీక్ బ్రైట్​నెస్​తో 6.7 ఇంచ్​ శాంసంగ్ కర్వ్​డ్ అమోలెడ్ డిస్​ప్లేని కలిగి ఉంది. ఈ స్మార్ట్​ఫోన్ స్నాప్​డ్రాగన్ 7ఎస్​జెన్ 2 5జీ చిప్​​సెట్​తో కనెక్ట్​ చేసిన 12జీబీ ర్యామ్, 512 జీబీ ఇంటర్నల్ స్టోరేజ్​తో పనిచేస్తుంది. మల్టీటాస్కింగ్ సమయంలో సమర్థవంతమైన హీట్ మేనేజ్​మెంట్ కోసం 9 లేయర్ కూలింగ్ సిస్టమ్​ను కూడా ఇందులో అమర్చింది సంస్థ.

రియల్​మీ పీ2 ప్రో 5జీలో 50 మెగా పిక్సెల్ మెయిన్ కెమెరాతో పాటు సోనీ లైట్-600 సెన్సార్, ఓఐఎస్ సపోర్ట్​తో పాటు 8 మెగా పిక్సెల్ అల్ట్రా వైడ్ కెమెరాతో డ్యూయెల్ కెమెరా సెటప్ ఉంది. ముందువైపు 32 మెగాపిక్సెల్ సెల్ఫీ కెమెరాను అందించింది సంస్థ. ఏఐ అల్ట్రా క్లారిటీ, ఏఐ స్మార్ట్ రిమూవల్, ఏఐ గ్రూప్ ఫోటో ఎన్​హాన్స్​మెంట్​, ఏఐ ఆడియో జూమ్ వంటి పలు కెమెరా ఏఐ ఫీచర్లను సపోర్ట్ చేస్తుంది. 80వాట్ సూపర్ వూక్ ఫాస్ట్ ఛార్జింగ్ సపోర్ట్ చేసే 5200 ఎంఏహెచ్ బ్యాటరీని ఇందులో అందించారు. ఆండ్రాయిడ్ 14 ఆధారిత రియల్​మీ యూఐ 5.0 ఆపరేటింగ్ సిస్టెంపై రియల్​మీ పీ2 ప్రో పనిచేయనుంది.

రియల్​మీ పీ2 ప్రో 5జీ ధర, లభ్యత..

రియ​ల్​మీ పీ2 ప్రో 5జీ స్మార్ట్​ఫోన్​ రెండు ఆకర్షణీయమైన రంగుల్లో అందుబాటులో ఉంది. అవి.. ప్యారెట్​ గ్రీన్, ఈగిల్ గ్రే. 8 జీబీ ర్యామ్ + 128 జీబీ స్టోరేజ్ వేరియంట్ ప్రారంభ ధర రూ.21,999గా ఉంది. రూ.2000 కూపన్​ను కూడా కంపెనీ అందిస్తోంది. ఇది స్మార్ట్​ఫోన్ ధరను తగ్గిస్తుంది.

రియల్​మీ పీ2 ప్రో 5జీ ఎర్లీ బర్డ్ సేల్ సెప్టెంబర్ 17 సాయంత్రం 6 గంటల నుంచి రాత్రి 8 గంటల వరకు ప్రారంభమవుతుంది. కొనుగోలుదారులు దీనిని ఫ్లిప్​కార్ట్ లేదా రియల్​మీ ఇండియా ఆన్​లైన్ స్టోర్ నుంచి పొందవచ్చు.

రియల్​మీ ప్యాడ్ 2 లైట్ లాంచ్..

రియల్​మీ ప్యాడ్ 2 లైట్ టాబ్లెట్​ను భారత్​లో లాంచ్ చేసింది. 10.95 ఇంచ్​ డిస్​ప్లే, మీడియాటెక్ హీలియో జీ99 చిప్​సెట్​ని ఇందులో అందించారు. ఇందులో భారీ 8300 ఎంఏహెచ్ బ్యాటరీని పొందుపర్చారు. ఈ ట్యాబ్ స్మార్ట్ ఏఐ ఫంక్షనాలిటీని అందిస్తుంది. ఈ ట్యాబ్లెట్ రెండు రంగుల్లో, రెండు స్టోరేజ్ ఎంపికల్లో లభిస్తుంది. పూర్తి వివరాల కోసం ఇక్కడ క్లిక్​ చేయండి.

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవవండి.