Realme Phone Discount : ఈ రియల్‌మీ ఫోన్‌పై పండగ ఆఫర్.. డిస్కౌంట్‌ కోసం చూసేవారికి బెటర్ ఆప్షన్

పండుగల సీజన్‌‌ కావడంతో స్మార్ట్‌ఫోన్లపై ధరలు తగ్గుతున్నాయి. ఇప్పుడు స్మార్ట్‌ఫోన్ ప్రియుల కోసం వరుస ఆఫర్‌లు అందుబాటులో ఉన్నాయి. రియల్‌మీ కూడా తన 12ఎక్స్ 5జీని తగ్గింపు ధరకు విక్రయిస్తోంది. తక్కువ ధరలో అద్భుతమైన ఫీచర్లతో కూడిన 5జీ ఫోన్‌ను కొనుగోలు చేయాలనుకునే వారికి రియల్‌మీ 12ఎక్స్ 5జీ మంచి ఎంపిక. 

ఏప్రిల్‌లో ఈ ఫోన్ లాంచ్ అయింది. ఇది 8జీబీ ర్యామ్, మిడియాటెక్ డైమెన్షన్ 6100+ ప్రాసెసర్‌ని కలిగి ఉంది. 120 రిఫ్రెష్ రేట్‌తో 6.72 అంగుళాల హెఎఫ్‌డీ ప్లస్ డిస్‌ప్లే, 50 మెగాపిక్సెల్ కెమెరా, 5000mAh బ్యాటరీ, 45W ఛార్జింగ్ వంటి ఫీచర్లు ఉన్నాయి.

రియల్‌మీ 12ఎక్స్ 5జీ ధరలు

రియల్‌మీ 12ఎక్స్ 5జీ స్మార్ట్‌ఫోన్ 4జీబీ, 6జీబీ, 8జీబీ ర్యామ్, 128జీబీ స్టోరేజ్ ఎంపికలలో ఉంది. 6జీబీ, 8జీబీ స్టోరేజ్‌పై కంపెనీ డిస్కౌంట్లను ప్రకటించింది. 8జీబీ ర్యామ్ ప్లస్ 128జీబీ స్టోరేజ్ వేరియంట్‌ను రూ. 1,500 తగ్గింపుతో కొనుగోలు చేయవచ్చు. ఈ ఫోన్ రూ.13,499కి విక్రయిస్తోంది. దీని బేస్ ధర రూ.14,999 ఉంది. మీరు 6జీబీ ర్యామ్ ప్లస్ 128జీబీ స్టోరేజ్ వేరియంట్‌ని కొనుగోలు చేస్తే 1,000 తగ్గింపుతో లభిస్తుంది. డిస్కౌంట్ తర్వాత మీరు ఈ మొబైల్‌ను రూ. 12,499కి కొనుగోలు చేయవచ్చు. దీని బేస్ ధర రూ.13,499గా ఉంది.

4జీబీ ర్యామ్ ప్లస్ 128జీబీ స్టోర్ ఫోన్ రూ. 11,999 ధర వద్ద లభిస్తుంది. మీరు ఫ్లిప్‌కార్ట్‌లో యాక్సిస్ కార్డ్ క్రెడిట్ కార్డ్ చెల్లింపుపై క్యాష్‌బ్యాక్ కూడా పొందవచ్చు. అంతేకాకుండా, 8,650 రూ. వరకు ఎక్స్ఛేంజ్ ఆఫర్ అందుబాటులో ఉంది కంపెనీ వెబ్‌సైట్‌లో కూడా అందుబాటులో ఉంది. మీరు కోరల్ రెడ్, ట్విలైట్ పర్పుల్, వుడ్‌ల్యాండ్ గ్రీన్ కలర్ ఆప్షన్‌లలో ఈ ఫోన్‌ను కొనుగోలు చేయవచ్చు.

రియల్‌మీ 12ఎక్స్ 5జీ ఫీచర్లు

రియల్‌మీ 12ఎక్స్ 5జీ మొబైల్ 6.72-అంగుళాల ఫుల్ హెచ్‌డీ ప్లస్ డిస్‌ప్లేను కలిగి ఉంది. ఇది ఎల్‌సీడీ ప్యానెల్, 120 Hz రిఫ్రెష్ రేట్, 240 Hz టచ్ శాంప్లింగ్ రేట్, 950 నిట్స్ గరిష్ట ప్రకాశాన్ని కలిగి ఉంది. ఈ స్మార్ట్‌ఫోన్ ఆండ్రాయిడ్ 14 ఓఎస్ ఆధారంగా రియల్‌మీ UI 5.0 కస్టమ్ స్కిన్‌పై నడుస్తుంది.

రియల్‌మీ 12ఎక్స్ 5జీ మొబైల్‌లో డ్యూయల్ రియర్ కెమెరా సెటప్ ఉంది. ఇందులో 50-మెగాపిక్సెల్ ప్రైమరీ కెమెరా, 2-మెగాపిక్సెల్ సెకండరీ లెన్స్ ఉన్నాయి. సెల్ఫీ ప్రియుల కోసం ఈ ఫోన్ 8 మెగాపిక్సెల్ ఫ్రంట్ కెమెరాను కలిగి ఉంది. ఇది 5,000mAh బ్యాటరీతో పనిచేస్తుంది. 45W సూపర్ వుక్ ఫాస్ట్ ఛార్జింగ్ టెక్నాలజీతో వస్తుంది. రియల్‌మీ 12ఎక్స్ 5జీ ఫోన్‌లో డ్యూయల్ సిమ్, 5జీ, 4జీ, బ్లూటూత్, వై-ఫై వంటి అనేక ఆప్షన్స్ ఉన్నాయి.