Porsche Cayenne facelift : పోర్షే నుంచి రెండు ఫేస్​లిఫ్ట్​ వర్షెన్​లు​ లాంచ్​.. ధరలు ఎంతంటే!

Porsche Cayenne facelift : పోర్షే నుంచి రెండు వెహికిల్స్​కి చెందిన ఫేస్​లిఫ్ట్​ వర్షెన్​లు​ ఇండియా మార్కెట్​లో లాంచ్​ అయ్యాయి! అవే.. పోర్షే కెయెన్​ ఫేస్​లిఫ్ట్​, పోర్షే కెయెన్​ కూపే ఫేస్​లిఫ్ట్​. వీటి ఎక్స్​షోరూం ధరలు రూ. 1.36కోట్లు, రూ. 1.42కోట్లుగా ఉన్నాయి. 2023 జులై నుంచి వీటి డెలివరీలు ప్రారంభమవుతాయి. ప్రస్తుతం వీటి బేస్​ మోడల్స్​ అందుబాటులో ఉన్నా, ఈ- హైబ్రీడ్​ కూడా త్వరలోనే అందుబాటులోకి వచ్చే అవకాశం ఉందని తెలుస్తోంది. పూర్తి వివరాల్లోకి వెళితే..

భారీ మార్పులతో ఫేస్​లిఫ్ట్​ వర్షెన్​లు..!

పోర్షే కెయెన్​కు ఇది థర్డ్​ జనరేషన్​. దీని లుక్స్​ స్వల్పంగా మారాయి. స్కల్ప్​టెడ్​ బానెట్​, మాట్రిక్స్​ ఎల్​ఈడీ హెడ్​లైట్స్​ కొత్తగా ఉన్నాయి. 12 రంగులు, 24 అలాయ్​ వీల్స్​ ఆప్షన్స్​లో ఈ మోడల్​ అందుబాటులో ఉండటం విశేషం. వీల్​ బేస్​ సైజ్​ 20-22 ఇంచ్​ల వరకు ఉంటుంది.

Porsche Cayenne facelift 2023 : కెయెన్​ ఫేస్​లిఫ్ట్​ వర్షెన్​ రేర్​లో టెయిల్​ ల్యాంప్స్​ను కనెక్ట్​ చేస్తూ ఓ లైట్​బార్​ ఉంది. నెంబర్​ ప్లేట్​ని కూడా టెయిల్​ గేట్​ నుంచి బంపర్​కు రిలోకేట్​ చేశారు. ఇది మంచి అప్డేట్​ అనే చెప్పుకోవచ్చు.

Porsche Cayenne facelift వర్షెన్​కు సంబంధించిన ఫొటోలను చూసేందుకు ఇక్కడ క్లిక్​ చేయండి.

ఇక ఇంటీరియర్​ విషయానికొస్తే.. కెయెన్​లో భారీగానే మార్పులు జరిగినట్టు కనిపిస్తోంది! ఇందులో ట్రిపుల్​ స్క్రీన్​ డాష్​బోర్డ్​ ఉంది. 12.6 ఇంచ్​ డిజిటల్​ ఇన్​స్ట్రుమెంట్​ క్లస్టర్​, 12.3 ఇంచ్​ సెంటర్​ టచ్​స్క్రీన్​తో పాటు ఆప్షనల్​గా 10.9 ఇంచ్​ ప్యాసింజర్​ టచ్​స్క్రీన్​ వంటివి కేబిన్​లో కనిపిస్తాయి. న్యూ స్టీరింగ్​ వీల్​, డాష్​బోర్డ్​ మౌంటెడ్​ డ్రైవ్​ సెలెక్టర్​, రీడిజైన్డ్​ సెంటర్​ కన్సోల్​లు కూడా మారాయి.

Porsche Cayenne Coupe facelift launch : ప్రస్తుతం ఈ రెండు మోడల్స్​లోనూ ఒకటే ఇంజిన్​ (3.0లీటర్​ ట్విన్​- టర్బోఛార్జ్​డ్​ వీ6 పెట్రోల్​) ఉంది. ఇది 353 హెచ్​పీ పవర్​ను, 500ఎన్​ఎం టార్క్​ను జనరేట్​ చేస్తుంది. 8 స్పీడ్​ ఆటోమెటిక్​ గేర్​బాక్స్​ కూడా లభిస్తోంది. రానున్న హైబ్రీడ్​ మోడల్​లో ఇదే ఇంజిన్​తో పోటు ఒక ఈ- మోటార్​ ఉంటుందని తెలుస్తోంది. ఫలితంగా ఇది 470హెచ్​పీ పవర్​ను జనరేట్​ చేస్తుందని సమాచారం. ఓన్లీ ఎలక్ట్రిక్​ మోడ్​లో ఈ మోడల్స్​ 90కి.మీలు ప్రయాణించొచ్చని సంస్థ చెబుతోంది.

పోర్షే కెయెన్​ ఫేస్​లిఫ్ట్​ వర్షెన్​.. మాసరాటే లెవాంటే, రేంజ్​ రోవర్​ స్పోర్ట్​కు గట్టిపోటీనిస్తుండగా.. కెయెన్​ కూప్​ ఫేస్​లిఫ్ట్​ మోడల్​ ఆడీ క్యూ8తో ఢీకొట్టనుంది!