Paytm FASTags : ఫిబ్రవరి 29 తర్వాత పేటీఎం ఫాస్టాగ్స్ పనిచేస్తాయా? యూజర్స్కి అలర్ట్..
05 February 2024, 17:30 IST
- Will Paytm FASTags work : ఫిబ్రవరి 29 తర్వాత పేటీఎం ఫాస్టాగ్ పనిచేస్తుందా? చేయకపోతే ఏం చేయాలి? ఇక్కడ తెలుసుకోండి..
ఫిబ్రవరి 29 తర్వాత పేటీఎం ఫాస్టాగ్స్ పనిచేస్తాయా? యూజర్స్కి అలర్ట్..
PayTm Payments bank crisis : పేటీఎం పేమెంట్స్ బ్యాంక్పై కఠిన ఆంక్షలు విధిస్తూ.. యావత్ ఫిన్టెక్ మార్కెట్కే షాక్ ఇచ్చింది ఆర్బీఐ. ఫిబ్రవరి 29 తర్వాత.. ఈ పేటీఎం పేమెంట్స్ బ్యాంక్.. ఇక ఎలాంటి డిపాజిట్లను స్వీకరించలేదు. ఈ వార్తలతో.. పేటీఎం యూజర్లలో ఆందోళన మొదలైంది. మరీ ముఖ్యంగా.. పేటీఎం ఫాస్టాగ్ విషయంలో గందరగోళం నెలకొంది. ఈ నేపథ్యంలో.. మీ ప్రశ్నలకు సమాధానాలను ఇక్కడ తెలుసుకోండి..
ఫిబ్రవరి 29 తర్వాత పేటీఎం ఫాస్టాగ్ పనిచేస్తుందా?
దీనికి సమాధానం.. అవును- కాదు! ఫిబ్రవరి 29 తర్వాత కూడా పేటీఎం ఫాస్టాగ్ పనిచేస్తుంది. కానీ అందులో మీరు డబ్బులను యాడ్ చేసుకోలేరు. పేటీఎం పేమెంట్స్ బ్యాంక్పై ఆర్బీఐ ఆంక్షలు విధించడమే ఇందుకు కారణం. ఫలితంగా.. పేటీఎం ఫాస్టాగ్ని మీరు టాప్-అప్ చేసుకోలేరు. వాలెట్లో డబ్బులు అయిపోతే ఇక కష్టమే! ఫిబ్రవరి 29లోపు ఆర్బీఐ.. తన నిర్ణయాన్ని మార్చుకోకపోతే.. ఇక అంతే.
పేటీఎం ఫాస్టాగ్ని వేరే బ్యాంక్కు పోర్ట్ చేసుకోవచ్చా?
Paytm FASTags closure : పేటీఎం ఫాస్టాగ్ మాత్రమే కాదు. ఏ ఫాస్టాగ్ని కూడా పోర్ట్ చేసుకునే వెసులుబాటు ప్రస్తుతం ఇండియాలో లేదు. ఒక బ్యాంక్ నుంచి ఇంకో బ్యాంక్కు పోర్ట్ చేసుకోలేము. వాలిడ్ ఫాస్టాగ్ లేకపోతే.. ఇతర బ్యాంక్లలో కొత్తది తీసుకోవాల్సిందే!
ఇదీ చూడండి:- Paytm Payments Bank : 1000 అకౌంట్లు- 1 పాన్.. పేటీఎం పేమెంట్స్ బ్యాంక్ చేసిన తప్పులు ఇవే!
పేటీఎం ఫాస్టాగ్ని వదిలేసి.. వేరే బ్యాంక్లో కొత్త ఫాస్టాగ్ని తీసుకోవాల్సిందేనా?
ప్రస్తుతానికైతే.. ఆర్బీఐ తన నిర్ణయాన్ని వెనక్కి తీసుకునే అవకాశాలు చాలా తక్కువే అని తెలుస్తోంది. అంటే.. మార్చ్ నుంచి సరైన బ్యాలెన్స్ లేకపోతే, మీ పేటీఎం ఫాస్టాగ్స్ పనిచేయకపోవచ్చు! వేరే బ్యాంక్ నుంచి ఫాస్టాగ్ కొనుక్కోవడం బెటర్!
ఫాస్టాగ్స్ విషయంపై పేటీఎం ఏం చేస్తోంది?
Paytm FASTags transfer to other banks : ప్రస్తుతం ఉన్న సంక్షోభం.. కస్టమర్లపై ప్రభావం చూపించకుండా ఉండేందుకు చర్యలు తీసుకుంటున్నామని పేటీఎం పేమెంట్స్ బ్యాంక్ చెప్పింది. మార్చ్ నాటికి ఒక సొల్యూషన్ని తీసుకొస్తామని స్పష్టం చేసింది. కానీ అది ఎలా సాధ్యమవుతుంది? అన్నదానిపై ఇంకా క్లారిటీ లేదు. నిపుణుల్లో అనుమానాలు కూడా ఉన్నాయి.
ఇతర బ్యాంక్లకు చెందిన ఫాస్టాగ్స్ని పేటీఎంలో రీఛార్జ్ చేసుకోవచ్చా?
దానిపై ప్రస్తుతానికి క్లారిటీ లేదు. యాప్ని పేటీఎం ఎలా మాడిఫై చేస్తుందో చూడాలి. ప్రస్తుతానికైతే.. ఇతర ఈ ఆప్షన్ ఉంది. భవిష్యత్తులో ఉంటుందో లేదో చెప్పలేము. ఎందుకైనా మంచిది.. గూగుల్ పే, ఫోన్ పేని వాడి, మీ ఫాస్టాగ్స్ని రీఛార్జ్ చేసుకోవడం బెటర్.