Paytm : పేటీఎం వాడకండి- వ్యాపారులకు సీఏఐటీ సూచన!

Paytm payments bank : పేటీఎం పేమెంట్స్​ బ్యాంక్​పై ఆర్​బీఐ ఆంక్షలు విధించిన నేపథ్యంలో.. ట్రేడర్లకు కీలక సూచనలు ఇచ్చింది సీఏఐటీ (కాన్ఫిడరేషన్​ ఆఫ్​ ఆల్​ ఇండియా ట్రేడర్స్​). పేటీఎం నుంచి ఇతర పేమెంట్​ యాప్స్​కి స్విఛ్​ అయిపోండని చెప్పింది!

పేటీఎం పేమెంట్స్​ బ్యాంక్​పై ఆంక్షలు..

ఆర్​బీఐ ఆంక్షలతో పేటీఎం పేమెంట్స్​ బ్యాంక్​ సర్వీసు.. ఫిబ్రవరి 29న ఆగిపోనుంది. ఈ నేపథ్యంలో.. తాజాగా ఓ ప్రకటన చేసింది సీఏఐటీ.

"పేటీఎం పేమెంట్స బ్యాంక్​పై ఆర్​బీఐ ఆంక్షలు విధించింది. ఫలితంగా.. భద్రతపై అనుమానాలు మొదలయ్యాయి. యాప్​లో ఆర్థిక సేవలను వినియోగించుకోవడంపై ఆందోళనలు నెలకొన్నాయి. ఫైనాన్షియల్​ అసెస్ట్స్​ని భద్రపరుచుకోవడం కోసం, ట్రాన్సాక్షన్స్​లో ఇబ్బందులు ఎదురవ్వకుండా ఉండాలంటే.. వ్యాపారులు ఇతర పేమెంట్​ యాప్స్​కి మారుపోవాలని సూచిస్తున్నాము. లేదా డైరక్ట్​ యూపీఐ ట్రాన్సాక్షన్స్​ చేయాలని చెబుతున్నాము. బ్యాంక్​లకు తమ తమ పేమెంట్ యాప్స్​ ఉంటాయి," అని సీఏఐటీ నేషనల్​ ప్రెసిడెంట్​ బీసీ భార్తియా, సెక్రటరీ జెనరల్​ ప్రవీణ్​ ఘండేల్వాల్​లు ఓ ప్రకటన విడుదల చేశారు.

CAIT on Paytm transactions : "ప్రస్తుత పరిస్థితులను పరిగణలోకి తీసుకుని.. ట్రేడర్ల ఆర్థిక భద్రతను దృష్టిలో పెట్టుకునే.. ఈ సూచనలు జారీ చేస్తున్నాము. తాజా అప్డేట్స్​ని ఎప్పటికప్పుడు తెలుసుకోవాలని సూచిస్తున్నాము. ఆ నిధుల భద్రత చాలా ముఖ్యమైన విషయం," అని సీఏఐటీ అధికారులు.. తమ స్టేట్​మెంట్​లో పేర్కొన్నారు.

ఇదీ చూడండి:- Paytm share price : రెండు రోజుల్లో 40శాతం పతనమైన పేటీఎం షేర్​ ధర- ఇప్పుడు కొనొచ్చా?

ఆర్​బీఐ ఆంక్షలకు అసలు కారణం ఇదే..!

సంబంధిత వర్గాల ప్రకారం.. సరైన ఐడెంటిఫికేషన్​ లేని వందలాది అకౌంట్స్​.. పేటీఎం పేమెంట్స్​ బ్యాంక్​లో ఉన్నట్టు ఆర్​బీఐకి తెలిసింది. వీటికి సరైన కేవైసీ లేదు. అయినప్పటికీ.. పేటీఎం వేదికగా రూ. కోట్లల్లో లావాదేవీలు జరిగాయి. ఈ నేపథ్యంలో మనీలాండరింగ్​ జరిగిందా? అన్న అనుమానాలు మొదలయ్యాయి.

Confederation of All India Traders latest news : అంతేకాకుండా.. 1000 యూజర్స్​కి సంబంధించిన అకౌంట్స్​ అన్నింటికీ.. ఒక్కటంటే ఒక్కటే పాన్​ (పర్మనెంట్​ అకౌంట్​ నెంబర్​) ఉన్నట్టు సమాచారం. ఈ విషయంపై పేటీఎం ఇచ్చిన నివేదిక కూడా తప్పుగానే ఉందని.. ఆర్​బీఐ వెరిఫికేషన్​ ప్రాసెస్​లో తేలింట. ఆర్​బీఐ ఒక్కటే కాదు.. ఎక్స్​టర్నల్​ ఆడిటర్స్​ కూడా ఇదే విషయాన్ని చెప్పినట్టు తెలుస్తోంది. పూర్తి వివరాల కోసం ఇక్కడ క్లిక్​ చేయండి.