New Hyundai Alcazar : కొత్త ఇంజిన్ ఆప్షన్తో హ్యుందాయ్ అల్కజార్.. బుకింగ్స్ షురూ!
27 February 2023, 14:15 IST
Share
- New Hyundai Alcazar : హ్యుందాయ్ అల్కజార్లో కొత్త ఇంజిన్ ఆప్షన్ రానుంది. ఇందుకు సంబంధించిన బుకింగ్స్ ప్రక్రియ సైతం ప్రారంభమైంది. పూర్తి వివరాలు..
కొత్త ఇంజిన్తో హ్యుందాయ్ అల్కజార్ ఫేస్లిఫ్ట్.. బుకింగ్స్ షురూ!
New Hyundai Alcazar : త్రీ-రో ఎస్యూవీ, మార్కెట్లో మంచి డిమాండ్ ఉన్న అల్కజార్కు కొత్త ఇంజిన్ ఆప్షన్ను ప్రకటించింది దిగ్గజ ఆటోమొబైల్ సంస్థ హ్యుందాయ్ మోటార్స్. ఇప్పటికే రెండు ఇంజిన్ ఆప్షన్స్తో అందుబాటులో ఉన్న ఈ హ్యుందాయ్ అల్కజార్కు ఇప్పుడు 1.5 లీటర్ టర్బో పెట్రోల్ ఇంజిన్ను సైతం జతకానుంది. ఇందుకు సంబంధించిన బుకింగ్స్ మొదలయ్యాయి. రూ. 25వేల టోకెన్ అమౌంట్తో కొత్త హ్యుందాయ్ అల్కజార్ను బుక్ చేసుకోవచ్చు. ఈ కొత్త అల్కజార్ ధరకు సంబంధించిన వివరాలను సంస్థ ఇంకా వెల్లడించలేదు. కాగా దీని ఎక్స్షోరూం ధర రూ. 18లక్షలుగా ఉండొచ్చని మార్కెట్లో అంచనాలు ఉన్నాయి. లాంచ్ తర్వాత.. ఇప్పటికే మార్కెట్లో ఉన్న 1.4 లీటర్ టర్బో పెట్రోల్ ఇంజిన్తో కూడిన కియా కారెన్స్కు ఈ హ్యుందాయ్ అల్కజార్ గట్టిపోటీనిస్తుంది.
సరికొత్తగా హ్యుందాయ్ అల్కజార్..!
త్వరలోనే అమల్లోకి రానున్న కాలుష్యపరమైన నిబంధనలకు తగ్గట్టుగానే ఈ కొత్త ఇంజిన్ మోడల్ను హ్యుందాయ్ తీసుకురానుంది. కొత్త హ్యుందాయ్ అల్కజార్లో 7 స్పీడ్ డీసీటీ, 6 స్పీడీ మేన్యువల్ గేర్బాక్స్ ఆప్షన్స్ ఉంటాయి. ఈ ఇంజిన్.. 160 పీఎస్ పవర్ను, 253 ఎన్ఎం టార్క్ను జనరేట్ చేస్తుంది. డీసీటీ ట్రాన్స్మిషన్తో 18 కేఎంపీహెచ్, మేన్యువల్ వేరియంట్తో 1.75 కేఎంపీహెచ్ మైలేజ్ను పొందవచ్చని హ్యుందాయ్ చెబుతోంది.
Hyundai Alcazar on road price in Hyderabad : కాగా.. ఈ కొత్త అల్కజార్లో కాస్త డిజైన్ని కూడా మార్చినట్టు కనిపిస్తోంది. "కొత్త అల్కజార్ డిజైన్ని రిఫైన్డ్ చేశాము. ఎక్స్పీరియన్స్ను మరింత పెంచేందుకు సరికొత్త టెక్నాలజీలను జోడించాము," అని హ్యుందాయ్ మోటార్ ఇండియా సీఓఓ తరుణ్ గార్గ్ తెలిపారు.
డిజైన్ పరంగానూ మార్పులు..!
కొత్త అల్కజార్లో ఫ్రెంట్ గ్రిల్ డిజైన్ మారింది. అంతేకాకుండా.. అల్కజార్ ఎంబ్లెమ్తో కూడిన పడిల్ ల్యాంప్ లోగోలో కూడా మార్పులు చోటుచేసుకున్నాయి. ఇక ఫీచర్స్ పరంగా.. కొత్త అల్కజార్లో ఐడిల్ స్టాప్/ గో, సైడ్ ఎయిర్బ్యాగ్, కర్టైన్ ఎయిర్బ్యాగ్ వంటివి వస్తున్నాయి. మొత్తం మీద కొత్త హ్యుందాయ్ అల్కజార్లో 6 ఎయిర్బ్యాగ్స్ స్టాండర్డ్గా ఉంటాయి.
New Hyundai Alcazar engine option : 2021లో తొలిసారిగా ఇండియా మార్కెట్లోకి అడుగుపెట్టింది ఈ హ్యుందాయ్ అల్కజార్. కియా కారెన్స్కు గట్టిపోటీనిస్తూ దూసుకెళుతోంది. దీని ఎక్స్షోరూం ధరలు రూ. 16.10లక్షలు- రూ. 21.10లక్షల మధ్యలో ఉంది.