LIC mutual fund : రోజుకు రూ. 100 సిప్​తో బంగారు భవిష్యత్తు- ఎల్​ఐసీ కొత్త మ్యూచువల్​ ఫండ్​!

మనిషి జీవితంలో ఇన్​వెస్ట్​మెంట్స్​ అనేవి చాలా ముఖ్యం. అయితే చాలా మందికి జీతం తక్కువగా ఉన్న కారణంతో ఇన్​వెస్ట్​మెంట్​ జర్నీని ప్రారంభించలేకపోతుంటారు. ఇందులో మీరూ ఉన్నారా? అయితే ఈ విషయాన్ని మీరు కచ్చితంగా తెలుసుకోవాలి! రోజుకు రూ. 100 లేదా నెలకు రూ. 250ని ఇన్​వెస్ట్​ చేసే విధంగా ఎల్​ఐసీ కొత్త మ్యూచువల్​ ఫండ్​ని ప్లాన్​ చేస్తున్నట్టు సమాచారం!

రోజుకు రూ. 100తో పెట్టుబడి..

“ఎల్ఐసీ మ్యూచువల్ ఫండ్ రూ.100 రోజువారీ సిస్టమాటిక్ ఇన్​వెస్ట్​మెంట్ ప్లాన్స్ (సిప్)లను ప్రారంభించాలని యోచిస్తోంది. ప్రస్తుతం ఈ లిమిట్​ రూ. 300గా ఉంది. అక్టోబర్ మొదటి వారంలో రూ. 100 సిప్​తో కూడిన మ్యూచువల్​ ఫండ్​ లాంచ్ అయ్యే అవకాశం ఉంది, ” అని ఎల్ఐసీ మ్యూచువల్ ఫండ్ మేనేజింగ్ డైరెక్టర్, సీఈఓ రవికుమార్ ఝా తెలిపారు.

ఇన్​వెస్టర్ల విస్తృత భాగస్వామ్యాన్ని సులభతరం చేయడానికి మైక్రో సిప్ల్​ గురించి సెక్యూరిటీస్ అండ్ ఎక్స్ఛేంజ్ బోర్డ్ ఆఫ్ ఇండియా (సెబీ) ఛైర్ పర్సన్ మాదాబీ పూరీ బుచ్ రిటైల్ మాట్లాడిన నేపథ్యంలో ఈ వార్తకు ప్రాధాన్యత సంతరించుకుంది.

మ్యూచువల్ ఫండ్ సంస్థలతో కలిసి నెలకు రూ.250 కొత్త మైక్రో సిప్​లను అభివృద్ధి చేసేందుకు రెగ్యులేటర్ కృషి చేస్తోందని సెబీ చైర్ పర్సన్ ఈ నెల ప్రారంభంలో చెప్పారు.

కొత్త మార్పులు అమల్లోకి వస్తే, రోజువారీ సిప్ రూ .300 కు బదులుగా రూ .100 కు లభిస్తుంది. నెలవారీ సిప్ రూ .1,000 నుంచి రూ .250కు తగ్గుతుంది. త్రైమాసిక సిప్ కోసం ప్రస్తుతం రూ .3,000కు బదులుగా రూ .750 పెట్టుబడి అవసరం.

ఇది మంచి చర్య అని, ఎక్కువ సంఖ్యలో రిటైల్ ఇన్వెస్టర్లకు ఆర్థిక శక్తినిఇస్తుందని ఫైనాన్షిల్​ నిపుణులు అభిప్రాయపడుతున్నారు.

"నెలకు కేవలం రూ.250 ఆదా చేయడం ద్వారా ఈక్విటీ అసెట్ క్లాస్​లో భాగం కావొచ్చు. అత్యంత నియంతృత, నిర్వహణతో కూడిన సంపద సృష్టిలో భాగం కావొచ్చు. తక్కువ సంపాదించేవారు లేదా ఇప్పుడే సంపాదించడం ప్రారంభించిన వారికి, చిన్న స్టైఫండ్ లేదా పాకెట్ మనీ పొందేవారికి, అలాగే ఈక్విటీ మ్యూచువల్ ఫండ్లలో పెట్టుబడి పెట్టని గృహిణులు, పదవీ విరమణ చేసినవారు, చిన్న సిప్లతో ఈ పెట్టుబడి ఎలా పనిచేస్తుందో చూడటానికి ఇది సహాయపడుతుంది," అని సెబీ రిజిస్టర్డ్ ఇన్​వెస్ట్​మెంట్​ అడ్వైజర్, అప్నా ధన్ ఫైనాన్షియల్ సర్వీసెస్ వ్యవస్థాపకురాలు ప్రీతి జెండే చెప్పారు.

"మ్యూచువల్ ఫండ్స్ వంటి ప్రసిద్ధ సంపద సృష్టి ఉత్పత్తులలో పెట్టుబడి పెట్టడానికి చాలా డబ్బు అవసరమని సాధారణ పెట్టుబడిదారులు భావిస్తారు. అందువల్ల కాంపౌండింగ్ సూత్రంపై పనిచేసే ఈ అద్భుతమైన, సరళమైన సంపద సృష్టి వాహనానికి దూరంగా ఉంటారు," అని ప్రీతి జెండే చెప్పారు.

"మ్యూచువల్ ఫండ్ పరిశ్రమ టార్గెట్ మార్కెట్​ని విస్తరించేందుకు మైక్రో సిప్​లు సిద్ధంగా ఉన్నాయి. గ్రామీణ, అల్పాదాయ వర్గాలకు చెందిన ఇన్​వెస్టర్​ని ఎస్​ఐపీలను ప్రారంభించేలా ప్రోత్సహిస్తారు. ఇది ప్రజల్లో పెట్టుబడి అలవాట్లను పెంపొందించే అవకాశం ఉంది. ఇది ఆర్థిక సమ్మిళితానికి గణనీయంగా దోహదం చేస్తుంది," అని ఫిక్స్​డ్​ డిపాజిట్ (ఎఫ్​డీ) అగ్రిగేటర్ ప్లాట్ఫామ్ బ్లాస్టెమ్ సహ వ్యవస్థాపకుడు, ఎండీ రవి జైన్ చెప్పారు.