Moto G13 Launch : మోటోరోలా నుంచి మరో స్మార్ట్​ఫోన్​.. త్వరలోనే లాంచ్​!

Moto G13 Launch update : మోటోరోలా నుంచి ఇండియా మార్కెట్​లోకి మరో స్మార్ట్​ఫోన్​ రానుంది. ఎక్స్​టీ2331 పేరుతో ఉన్న ఈ స్మార్ట్​ఫోన్​ని బీఐఎస్​ అథారిటీతోపాటు థాయ్​లాండ్​కు చెందిన ఎన్​బీటీసీ సర్టిఫికేషన్​ ప్లాట్​ఫామ్​ ఆమోదించాయి. కాగా.. థాయ్​లాండ్​లో.. మోటో జీ13 పేరుతో ఈ స్మార్ట్​ఫోన్​ లాంచ్​ అవుతున్నట్టు తెలుస్తోంది. ఈ నేపథ్యంలో ఇండియాలో కూడా అదే పేరుతో ఈ స్మార్ట్​ఫోన్​ లాంచ్​ అయ్యే అవకాశాలు ఎక్కువగా ఉన్నాయి.

ఎన్​బీటీసీ డేటాబేస్​లో ఎక్స్​టీ2331-3 పేరుతో ఈ మోటో జీ13 దర్శనమిచ్చింది. ఇండియాలో ఎక్స్​టీ2331-2 మోడల్​ నెంబర్​ పేరు ఉంది. ఇండియాలో లాంచ్​ కానున్న ఈ స్మార్ట్​ఫోన్​కు ఇప్పటికే ఎఫ్​సీసీ అథారిటీ నుంచి సర్టిఫికేట్​ వచ్చినట్టు తెలుస్తోంది.

Moto G13 price : ఎఫ్​సీసీ లిస్టింగ్​ ప్రకారం.. మోటో జీ13లో 5000ఎంఏహెచ్​ బ్యాటరీ ఉంటుందని, 10డబ్ల్యూ ఛార్జింగ్​ సపోర్ట్​ కూడా లభిస్తుంది. ఈ మోటో జీ13కు 'పెనాంగ్​' అనే కోడ్​నేమ్​ కూడా ఉన్నట్టు వార్తలు వస్తున్నాయి. రిపోర్టుల ప్రకారం.. పెనాంగ్​ 5జీ, పెనాంగ్​ 4జీ, పెనాంగ్​+ వేరియంట్స్​ ఇందులో ఉన్నట్టు తెలుస్తోంది.

పెనాంగ్​ 5జీకి సంబంధించిన వివరాలు ఇంకా బయటకు రాలేదు. ఈ 5జీ మోడల్​.. తొలుత నార్త్​ అమెరికా మర్కెట్లలో లాంచ్​ అవుతుందని సమాచారం. 4జీ ర్యామ్​+ 64జీబీ స్టోరేజ్​ వేరియంట్​లో ఇది లభించొచ్చు. ఆప్టికల్​ సిల్వర్​, బలాస్ట్​ బ్లూ షేడ్స్​ రంగుల్లో ఈ ఫోన్​ అందుబాటులోకి రావొచ్చు.

మోటో జీ13 స్మార్ట్​ఫోన్​పై సంస్థ ఇంకా ఎలాంటి అధికారిక ప్రకటన చేయలేదు. రానున్న రోజుల్లో ఈ స్మార్ట్​ఫోన్​ ధర, లాంచ్​ డేట్​తో పాటు ఇతర వివరాలపై మరింత స్పష్టత వచ్చే అవకాశం ఉంది. అయితే.. అఫార్డిబుల్​ ప్రైజ్​లోనే ఇది ఇండియా మార్కెట్​లోకి వచ్చే సూచనలు కనిపిస్తున్నాయి.

చైనాలో మరో మోటో స్మార్ట్​ఫోన్​ లాంచ్​..!

Moto G13 price in India : మరోవైపు.. ఎక్స్​టీ2335-3 మోడల్​ నెంబర్​తో మరో మోటోరోలా 5జీ స్మార్ట్​ఫోన్​.. చైనాలో లాంచ్​కు సిద్ధంగా ఉన్నట్టు తెలుస్తోంది. ఇందులో 6.5ఇంచ్​ ఎల్​సీడీ ప్యానెల్​, హెచ్​డీ+ రిసొల్యూషన్​, 2.2 జీహెచ్​జెడ్​ ఆక్టా కోర్​ ప్రాసెసర్​, 12జీబీ ర్యామ్​, 512 జీబీ స్టోరేజ్​, 5000ఎఏహెచ్​ బ్యాటరీ ఉండొచ్చు. ఇందులో 8ఎంపీ ఫ్రంట్​ కెమెరా, 50ఎంపీ + 2ఎంపీ డ్యూయెల్​ కెమెరా సెటప్​, సైడ్​ ఫేసింగ్​ ఫింగర్​ ప్రింట్స్​ వంటి ఫీచర్స్​ ఉండనున్నాయి. ఈ ఫోన్​పై చైనాలో ఈ నెలలోనే ఓ అధికారిక ప్రకటన వెలువడుతుందని వార్తలు వస్తున్నాయి.