Matter Aera bike : ఈ ఎలక్ట్రిక్​ బైక్​ను ఫ్లిప్​కార్ట్​లో బుక్​ చేసుకోవచ్చు!

Matter Aera bike booking : ఇండియా ఎలక్ట్రిక్​ స్కూటర్​ సెగ్మెంట్​లోకి కొత్తగా అడుగుపెట్టిన మాటర్​ సంస్థ.. కాస్త భిన్నంగా ఆలోచించింది! ఈ క్రమంలో.. ప్రముఖ ఈ-కామర్స్​ సంస్థ ఫ్లిప్​కార్ట్​తో భాగస్వామ్యం ఏర్పరచుకుంది. ఫలితంగా.. ఇక నుంచి మాటర్​ ఎరా ఎలక్ట్రిక్​ బైక్​ను కస్టమర్లు ఫ్లిప్​కార్ట్​లోనే బుక్​ చేసువోచ్చు.

మాటర్​ ఎరా ఎలక్ట్రిక్​ బైక్​..

మాటర్​ ఎరా​ ఎలక్ట్రిక్​ బైక్​ ప్రారంభ ఎక్స్​షోరూం ధర రూ. 1.44లక్షలు. 4000, 5000, 5000+, 6000+ వేరియంట్లలో ఈ బైక్​ అందుబాటులో ఉంది. వీటన్నింటికీ 125కి.మీ రేంజ్​ ఉంది. టాప్​ ఎండ్​ మోడల్​ 6000+ బైక్​కి 150 కి.మీ రేంజ్​ ఉండటం విశేషం. ప్రస్తుతం.. 5000, 5000+ వేరియంట్లు లాంచ్​ అయ్యాయి. మరో రెండు వేరియంట్లు త్వరలోనే లాంచ్​ అవుతాయని తెలుస్తోంది. ఫ్లిప్​కార్ట్​ ద్వారా ఈ ఎరా బైక్​ను బుక్​ చేసుకునేవారికి ప్రత్యేక ఇంట్రడక్టరీ ప్రైజ్​తో పాటు బెనిఫిట్​లను కూడా ఇస్తున్నట్టు ప్రకటించింది మాటర్​ సంస్థ.

ఇదీ చదవండి:- MG Comet EV: ఎంజీ కామెట్ ఎలక్ట్రిక్ కారు ధర ఇదే: అధికారికంగా లాంచ్: అంచనాల కంటే తక్కువ రేటుకే!

Matter Aera bike booking Flipkart : "ఎలక్ట్రిక్​ టూ- వీలర్​పై కస్టమర్ల ఆసక్తి పెరుగుతోంది. ఈ నేపథ్యంలో వారికి మరింత వెసులుబాటును కల్పించేందుకు ఈ నిర్ణయం తీసుకున్నాము. డిజిటల్​గా, తమకు సౌకర్యమైన ప్రాంతం నుంచి కస్టమర్లు బైక్​ను బుక్​ చేసుకోవచ్చు. స్మార్ట్​ఫోన్​ యుగంలో, ఈ- కామర్స్​తో ప్రజల్లోకి సులభంగా చేరవచ్చు. ఫ్లిప్​కార్ట్​తో మా కొలాబొరేషన్​ ప్రజల్లోకి చేరుకునేందుకు ఉపయోగపడుతుంది. న్యూ ఏజ్​ మొబిలిటీ యాక్సెస్​ ప్రజలకు దక్కుతుంది," అని మాటర్​ ఫౌండర్​, సీఈఓ మోహల్​ లాల్​భాయ్​ తెలిపారు.

Flipkart Matter Aere bike booking : ఇండియాలో.. గేర్​తో కూడిన తొలి ఎలక్ట్రిక్​ స్కూటర్​గా గుర్తింపు పొందింది మాటర్​ ఎరా. ఇందులో 7 ఇంచ్​ ఫుల్లీ డిజిటల్​ ఎల్​సీడీ డిస్​ప్లే ఉంటుంది. 4జీ కనెక్టివిటీ, కీ ఫాబ్​, పాసివ్​ కీ లెస్​ ఎంట్రీ సిస్టెమ్​, లిక్విడ్​ కూల్డ్​ బ్యాటరీ ప్యాక్​, 3- పిన్​ 5ఏఎంపీ ఛార్జర్​, డబుల్​ క్రాడిల్​ ఛాసిస్​, కనెక్టెడ్​- ఇంటెలిజెంట్​ టెక్నాలజీస్​ వంటివి ఫీచర్స్​గా వస్తున్నాయి.