Lloyd QLED Google TV । రిమోట్ అవసరం లేని సరికొత్త స్మార్ట్ టీవీలు, ధర ఎంతంటే?

కన్జ్యూమర్ ఎలక్ట్రానిక్ కంపెనీ హావెల్స్ ఇండియా తమ సరికొత్త Lloyd QLED Google TV భారత మార్కెట్లో విడుదల చేసింది. మారుతున్న వినోద ప్రాధాన్యతలు, ఆధునిక జీవనశైలికి అనుగుణంగా తమ కొత్త QLED టీవీ రేంజ్ ఉంటుందని కంపెనీ పేర్కొంది. Lloyd తాజా TV సిరీస్‌లో మొత్తం నాలుగు మోడల్స్ ఉంటాయి. ఇవి వరుసగా 43 అంగుళాలు, 55 అంగుళాలు, 65 అంగుళాలు, 75 అంగుళాల స్క్రీన్ పరిమాణాలలో అందుబాటులో ఉంటాయి. వీటి ధరలు రూ. 33,900 నుంచి ప్రారంభమవుతున్నాయి.

ఈ సరికొత్త Lloyd QLED Google TV శ్రేణి ప్రీమియం రేంజ్ ఫీచర్లను కలిగి ఉన్నాయి. ఇవన్నీ QLED స్క్రీన్ కలిగి ఉంటాయి. ఈ స్మార్ట్ టీవీలలో ఫార్-ఫీల్డ్ టెక్నాలజీ ఉంది. దీనితో రిమోట్‌ని ఉపయోగించకుండా కూడా Google అసిస్టెంట్ ద్వారా టీవీని నియంత్రించవచ్చు. ఇది Google TV అయినందున, ఇది అంతర్నిర్మిత Chromecastకి యాక్సెస్‌ని ఇస్తుంది.

Lloyd QLED Google TV ఫీచర్లు, స్పెసిఫికేషన్లు

• 3,840 x 2,160 పిక్సెల్‌ల 4K UHD రిజల్యూషన్,
• 350 నిట్స్ బ్రైట్‌నెస్‌ని అందించే QLED A+ గ్రేడ్ ప్యానెల్‌
• మైక్రో-డిమ్మింగ్, డాల్బీ విజన్, HDR, 88 శాతం NTSC కలర్
• 64-bit Cortex-A55 క్వాడ్-కోర్ ప్రాసెసర్‌
• 2GB RAM, 16GB ఇంటర్నల్ స్టోరేజ్
• డాల్బీ డీకోడర్‌ 5.1 సరౌండ్ ఆడియో, 12W స్పీకర్‌లు
• డ్యూయల్-బ్యాండ్ WiFi, 3 HDMI, 2 USB, 1 AV, 1 RF, 1 డిజిటల్ అవుట్ పోర్ట్‌లు

Lloyd QLED Google TV సిరీస్ ధరలు

Lloyd QLED Google TV 43 అంగుళాల మోడల్ ధర, రూ. 33,990/-

Lloyd QLED Google TV అంగుళాల మోడల్ ధర, రూ. 52,990/-

Lloyd QLED Google TV 65 అంగుళాల మోడల్ ధర, రూ. 76,990/-

Lloyd QLED Google TV 75 అంగుళాల మోడల్ ధర, రూ. 1,24,990/-

లాయిడ్ ఇండియా వెబ్‌సైట్‌తో పాటుగా ఇది ఇతర ప్రముఖ ఆన్‌లైన్, ఆఫ్‌లైన్ అవుట్‌లెట్లలో ఈ టీవీలు కొనుగోలుదారులకు అందుబాటులో ఉంటాయి.