Kia cars price hike : పెరిగిన కియా కార్ల ధరలు.. ఆ మోడల్పై ఏకంగా రూ. లక్ష పెంపు!
09 January 2023, 12:56 IST
- Kia cars price hike : కియా సోనెట్, సెల్టోస్, కారెన్స్, ఈవీ6 ధరలు పెరిగాయి. పెంచిన ధరలు ఇప్పటికే అమల్లోకి వచ్చాయి. ఆ వివరాలు..
భారీగా పెరిగిన కియా కార్ల ధరలు..
Kia cars price hike : ఇండియాలో విక్రయిస్తున్న వాహనాల ధరలను పెంచుతున్నట్టు కొరియన్ కార్మేకర్ కియా మోటార్స్ ప్రకటించింది. ఓ మోడల్పై ఏకంగా రూ. 1లక్ష వరకు ప్రైజ్ హైక్ను తీసుకుంది కియా మోటార్స్ ఇండియా. ఎస్యూవీలు సెల్టోస్, సోనెట్, ఎంపీవీ కారెన్స్తో పాటు సంస్థ నుంచి వచ్చిన ఎలక్ట్రిక్ వాహనం ఈవీ6 వాహనాలు ధరలు పెరిగాయి. ధరల పెంపు ఈ ఏడాది జనవరి 1 నుంచి అమల్లోకి వచ్చిందని కియా స్పష్టం చేసింది.
Upcoming compact SUVs in India : ఇండియాలో లాంచ్కు రెడీ అవుతున్న ఎస్యూవీలు ఇవే..!
TVS iQube : టీవీఎస్ ఐక్యూబ్ ఎలక్ట్రిక్ స్కూటర్లో కొత్త వేరియంట్లు.. త్వరలోనే లాంచ్!
Tata Nexon SUV : టాటా నెక్సాన్లో కొత్త ఎంట్రీ లెవల్ వేరియంట్లు.. భారీగా దిగొచ్చిన ఎస్యూవీ ధర!
Gold price today : స్థిరంగా పసిడి ధరలు- తెలుగు రాష్ట్రాల్లో బంగారం, వెండి రేట్లు ఇలా..
సెల్టోస్.. సోనెట్..
కియా నుంచి బెస్ట్ సెల్లింగ్ మోడల్గా ఉన్న సెల్టోస్ ఎస్యూవీ డీజిల్ వేరియంట్ల ధర రూ. 50వేలు పెరిగింది. మేన్యువల్, ఐఎంటీ, ఆటోమెటిక్కు చెందిన అన్ని ఆప్షన్స్పైనా ధరలు సమానంగా పెరిగాయి. ఫలితంగా కియా సెల్టోస్ ఎక్స్షోరూం ధర రూ. 11.89లక్షలు- రూ. 19.15లక్షల మధ్యలో ఉంది.
Kia Seltos on road price in Hyderabad : ఇక కియా సెల్టోస్ పెట్రోల్ జీటీఎక్స్, ఎక్స్-లైన్ వేరింట్ల ధర రూ. 40వేలు పెరిగింది. హెచ్ఈటీ, హెటీకే, హెచ్టీఎక్స్ వేరియంట్ల ధర రూ. 20వేలు అధికమైంది. ఫలితంగా హెచ్టీఈ 1.5 లీటర్ మేన్యువల్ వేరియంట్ ప్రారంభ ధర రూ. 10.69లక్షలు (ఎక్స్షోరూం)గా ఉంది.
MG motor price hike : ఎంజీ మోటార్ కూడా తమ వాహనాల ధరలను భారీగా పెంచింది. ఆ వివరాల కోసం ఇక్కడ క్లిక్ చేయండి.
ఇక సబ్- కాంపాక్ట్ ఎస్యూవీ కియా సోనెట్ ధర రూ. 40వేలు పెరిగింది. డీజిల్ మోడల్స్ ధర రూ. 9.45లక్షలు- రూ. 14.39లక్షల (ఎక్స్షోరూం) మధ్యలో ఉంది. కియా సోనెట్ పెట్రోల్ వేరియంట్లపై మాత్రం రూ. 25వేల ప్రైజ్ హైక్ తీసుకుంది ఈ ఆటో సంస్థ. మొత్తం మీద కియా సోనెట్ పెట్రోల్ వేరియంట్ల ధర రూ. 7.69లక్షలు- రూ. 13.64లక్షల (ఎక్స్షోరూం) మధ్యలో ఉంది.
Kia Sonet price in Hyderabad : ఇక కారెన్స్ ఎంపీవీని గతేడాది ఫిబ్రవరిలో లాంచ్ చేసింది కియా మోటార్స్. కారెన్స్ డీజిల్ వేరియంట్లపై ఏకంగా రూ. 45వేల ప్రైజ్ హైక్ తీసుకుంది కియా. ఫలితంగా కియా కారెన్స్ డీజిల్ వేరియంట్ ప్రారంభ ధర రూ. 12.15లక్షలుగా (ఎక్స్షోరూం) ఉంది. టాప్ ఎండ్ మోడల్ ఎక్స్షోరూం ధర రూ. 18.45లక్షల వరకు వెళుతుంది. పెట్రోల్ వేరియంట్ల దరలు రూ. 25వేలు పెరిగాయి. ఫలితంగా టాప్ ఎండ్ మోడల్ ఎక్స్షోరూం ధర రూ. 17.95లక్షలకు చేరింది.
Kia EV6 price hike news : కాగా.. ఈవీ6పై అత్యధిక ప్రైజ్ హైక్ తీసుకుంది కియా మోటార్స్. కియా ఈవీ6 ధర రూ. 1లక్ష పెరిగింది. ఫలితంగా కియా ఈవీ6 ధర రూ. 60.95లక్షలకు (ఎక్స్షోరూం) చేరింది.