Kia Seltos facelift launch : కియా సెల్టోస్​ ఫేస్​లిఫ్ట్​ వర్షెన్​.. ఇండియాలో లాంచ్​ ఎప్పుడు?

Kia Seltos facelift launch : ఇండియా మార్కెట్​లో కియా మోటార్స్​ దూసుకెళుతోంది. కార్నివాల్​, క్యారెన్స్​, సెల్టోస్​, సోనెట్​.. ఇలా కియాకు చెందిన అన్ని వేరియంట్ల అమ్మకాలు జోరుగా సాగుతున్నాయి. ముఖ్యంగా కియా సెల్టోస్​కు డిమాండ్​ విపరీతంగా ఉంది. ఇక ఇప్పుడు.. కియా సెల్టోస్​ ఫేస్​లిఫ్ట్​ వర్షెన్​.. ఇండియాలో త్వరలో లాంచ్​ అయ్యే అవకాశం ఉన్నట్టు తెలుస్తోంది.

అప్డేటెడ్​ సెల్టోస్​..

సౌత్​ కొరియా ఆధారంగా ఈ కియా మోటార్స్​ సంస్థ పనిచేస్తోంది. కాగా.. కియా సెల్టోస్​ ఫేస్​లిఫ్ట్​ వర్షెన్​.. సౌత్​ కొరియా మార్కెట్​లో ఇప్పటికే అందుబాటులో ఉంది. ఇక ఈ వారంలో.. అమెరికాలోనూ ఈ మోడల్​ను ఆవిష్కరించేందుకు కియా ఏర్పాట్లు చేస్తోంది. ఇవన్నీ చూస్తుంటే.. 2023లో ఇండియాలోకి కియా సెల్టోస్​ ఫేస్​లిఫ్ట్​ వర్షెన్​ వస్తుందని ఊహాగానాలు జోరుగా సాగుతున్నాయి.

Kia Seltos facelift launch in India : సాధారణంగా.. మార్కెట్​లో అందుబాటులో ఉన్న మోడల్​ను కొంత అప్డేట్​ చేసి లాంచ్​ చేసిన వెహికిల్​ని ఫేస్​లిఫ్ట్​ వర్షెన్​ అని పిలుస్తారు. ఈ ఫేస్​లిఫ్ట్​ వర్షెన్​తో సెల్టోస్​కు ఉన్న డిమాండ్​ను మరింత పెంచాలని కియా భావిస్తోంది. ఇందుకు తగ్గట్టుగానే అప్డేట్స్​ ఇచ్చినట్టు కనిపిస్తోంది. కియా సెల్టోస్​ కొత్త వర్షెన్​లో ముందు భాగంలో గ్రిల్స్​ మరింత పెద్దగా ఉంటాయి. హెడ్​ల్యాంప్స్​ని కూడా మార్చారు. ఫ్రంట్​ బంపర్​ను రీడిజైన్​ చేశారు. టెయిల్​ లైట్స్​ని కొత్తగా యాడ్​ చేశారు. రేర్​ స్కిడ్​ ప్లేట్​ని మరింత డామినేటింగ్​గా తీర్చిదిద్దినట్టు తెలుస్తోంది.

ఫీచర్స్​.. ఇంజిన్​..

ఇక న్యూ సెల్టోస్​ ఇంటీరియర్​ విషయానికొస్తే.. 10.25 ఇంచ్​ మెయిన్​ ఇన్​ఫోటైన్​మెంట్​ డిస్​ప్లే ఉండొచ్చు. 10.25 ఇంచ్​ డ్రైవర్​ డిస్​ప్లే కూడా ఉండే అవకాశం ఉంది. ఎయిర్​వెంట్స్​ను కూడా మార్చినట్టు తెలుస్తోంది. కానీ క్యాబిన్​ విషయానికొస్తే.. పాత సెల్టోస్​ ఫ్లేవరే ఉండే అవకాశం ఉంది.

Kia Seltos facelift price : ఇంజిన్​ విషయంలో మాత్రం.. కొత్త సెల్టోస్​కు ఎలాంటి మార్పులు చేయకపోవచ్చు. సౌత్​ కొరియాలో ఉన్న ఆప్షన్లనే అమెరికాలోనూ ప్రవేశపెడుతున్నారు. అంటే.. 2.0లీటర్​ ఫోర్​ సిలిండర్​ ఇంజిన్​, టర్బో ఛార్జ్​డ్​ 1.6లీటర్​ మోటార్​ ఆప్షన్స్​ ఉండొచ్చు. మొదటి దాంట్లో 147హెచ్​పీ, 180ఎన్​ఎం టార్క్​ జనరేట్​ అవుతుంది. రెండోది.. 195హెచ్​పీ, 265ఎన్​ఎం టార్క్​ను జనరేట్​ చేస్తుంది.

ఇండియాలో ఉన్న కియా సెల్టోస్​కు.. 1.4లీటర్​ జీడీఐ టర్బో పెట్రోల్​, 1.5లీటర్​ స్మార్ట్​స్ట్రీమ్​ పెట్రోల్​, 1.5లీటర్​ డీజిల్​ ఇంజిన్​ అప్షన్లు ఉన్నాయి. కొత్తగా వచ్చే మోడల్​లోనూ ఇవే ఆప్షన్లు ఉండొచ్చు.

ఇండియా మార్కెట్​లో కియా సెల్టోస్​ ప్రారంభ ధర రూ. 10.49లక్షలు(ఎక్స్​షోరూం)గా ఉంది.