Kia Sorento SUV : 'ఆటో ఎక్స్​పో'లో కియా సొరెంటో ప్రదర్శన.. ఇండియాలో లాంచ్​ ఎప్పుడు?

Kia Sorento SUV : ఇండియాలో కియా మోటార్స్​ వాహనాలు దూసుకెళుతున్నాయి! దేశీయ ఆటో పరిశ్రమలో వేగంగా వృద్ధిచెందుతన్న సంస్థల్లో కియా మోటార్స్​ ఒకటి. వివిధ మోడల్స్​తో కస్టమర్లను ఆకర్షిస్తోంది ఈ సౌత్​ కొరియన్​ సంస్థ. ఇక ఇప్పుడు.. త్రీ రో- ఫోర్త్​ జనరేషన్​​ కియా సొరెంటో ఎస్​యూవీని భారతీయుల ముందుకు తీసుకొస్తోంది. ఈ 7 సీటర్​ సొరెంటో ఎస్​యూవీని రానున్న 2023 ఆటో ఎక్స్​పోలో ప్రదర్శించాలని ఈ ఆటో సంస్థ నిర్ణయించింది.

సొరెంటో ఎస్​యూవీ ఫోర్త్​ జనరేషన్​ను అంతర్జాతీయ మార్కెట్​లో 2020లోనే లాంచ్​ చేసింది కియా. కాగా.. ఇండియాలో ఇప్పటివరకు ఇది లాంచ్​ అవ్వలేదు. ఎప్పుడు లాంచ్​ అవుతుందనే విషయంపై స్పష్టత లేదు. అయితే.. త్వరలో జరగనున్న ఆటో ఎక్స్​పోలో దీనిని ప్రదర్శించి, కస్టమర్ల నుంచి వస్తున్న స్పందనను తెలుసుకోవాలని భావిస్తోంది. ఇక్కడ హిట్​ అయితే.. మరి కియా సొరెంటో ఎస్​యూవీని ఇండియా రోడ్లపై చూసే అవకాశం లేకపోలేదు.

ఇండియాలో సొరెంటో ఎస్​యూవీని.. కియా ప్రదర్శించడం ఇది మొదటిసారి కాదు. 2018లో జరిగిన ఆటో ఎక్స్​పోలో.. థర్డ్​ జనరేషన్​ సొరెంటోను ప్రదర్శనకు ఉంచింది కియా మోటార్స్​.

కియా సొరెంటో ఎక్స్​టీరియర్​- ఇంటీరియర్​..

Kia Sorento India : ఇండియాలో ప్రస్తుతం ఉన్న కియా మోడల్స్​ కన్నా.. ఈ ఫోర్త్​ జనరేషన్​ కియా సొరెంటో ఇంకా బోల్డ్​గా కనిపిస్తుంది. కియా స్టైల్​లో టైగర్​ నోస్​ గ్రిల్స్​ ఫ్రెంట్​లో ఉన్నాయి. త్రీ పాడ్​ ఎల్​ఈడీ హెడ్​ల్యాంప్స్​, టైగర్​ ఐలైన్​ ఎల్​ఈడీ డీఆర్​ఎల్స్​ ఉంటాయి. ఫ్రెంట్​ బంపర్​ను మరింత ఆకర్షణీయంగా తీర్చిదిద్దారు. ఇందులో సెంట్రల్​ ఎయిర్​ ఇంటేక్​ ఉంటుంది. రేర్​లో వర్టికల్​ ఎల్​ఈడీ టెయిల్​ ల్యాంప్స్​, టెయిల్​ గేట్స్​ ఉంటాయి.

ఇంకో యాంగిల్​ నుంచి చూస్తే.. ఈ కియా సొరెంటోకు.. ఇండియాలో అందుబాటులో ఉన్న కియా సోనెట్​కు కొన్ని పోలికలు కనిపిస్తాయి. ఈ కియా సొరెంటో ఎస్​యూవీలో 10.25 ఇంచ్​ సెంట్రల్​ ఇన్​ఫోటైన్​మెంట్​ స్క్రీన్​, వర్టికల్​ ఏసీ వెంట్స్​, హెచ్​వీఏసీ కంట్రోల్స్​ ఉంటాయి. సోనెట్​లో ఉన్న విధంగానే.. ఇందులోనూ 12.3 ఇంచ్​ డిజిటల్​ ఇన్​స్ట్రుమెంట్​ క్లస్టర్​ ఉంటుంది. ఇది ఇన్​స్ట్రుమెంట్​ బినాకిల్​కు కనెక్ట్​ అయ్యి ఉంటుంది.

Kia Sorento price : యూవీఓ కనెక్టెడ్​ కార్​ టెక్​, 64 కలర్​ యాంబియెంట్​ లైటింగ్​, పానారోమిక్​ సన్​రూఫ్​, 360 డిగ్రీ కెమెరాస్​, 12 స్పీకర్​ బాష్​ సౌండ్​ సిస్టెమ్​ వంటి ఫీచర్స్​.. ఈ కియా సొరెంటో ఎస్​యూవీ సొంతం. ఈ వెహికిల్​లో ఏడీఏఎస్​ ఫీచర్స్​ కూడా ఉన్నాయి.

కియా సొరెంటో ఎస్​యూవీ ఇంజిన్​..

Kia Sorento features : అంతర్జాతీయంగా.. ఈ కియా సొరెంటో ఎస్​యూవీ పెట్రోల్​, డీజిల్​ ఆప్షన్స్​తో పాటు 1.6 లీటర్​ టర్బో పెట్రోల్​ హైబ్రీడ్​ ఇంజిన్​ వేరియంట్​ కూడా ఉంది. ఇందులో 44.2కేడబ్ల్యూ ఎలక్ట్రిక్​ మోటార్​ ఉంటుంది. ఇందులో 1.49కేడబ్ల్యూహెచ్​ లిథియం ఐయాన్​ బ్యాటరీ సెటప్​ ఉంది. ఈ వర్షెన్​ 230హెచ్​పీ పవర్​ను, 350ఎన్​ఎం టార్కను జనరేట్​ చేస్తుంది. 6స్పీడ్​ ఆటోమెటిక్​ గేర్​బాక్స్​ దీని సొంతం. నాన్​ హైబ్రీడ్​ 2.5 లీటర్​ టర్బో పెట్రోల్​ ఇంజిన్​ కూడా ఉంది. ఇది 191హెచ్​పీ పవర్​, 246ఎన్​ఎం టార్క్​ను జనరేట్​ చేస్తుంది. ఇందులో 8స్పీడ్​ ఆటోమెటిక్​ గేర్​ బాక్స్​ ఉంటుంది.

ఇండియాలో ఈ కియా సొరెంటో ఎస్​యూవీ అడుగుపెడితే.. జీప్​ మెరీడియన్​, స్కోడా కుషాక్​ వంటి వాహనాలకు గట్టి పోటీనిస్తుందని మార్కెట్​లో అంచనాలు ఉన్నాయి.

కియా సొరెంటోతో పాటు కియా ఈవీ9ని కూడా ఆటో ఎక్స్​పోలో ప్రదర్శించనుంది ఈ ఆటో సంస్థ. ఈ అంశంపై పూర్తి వివరాలను ఇక్కడ క్లిక్​ చేసి తెలుసుకోండి.