Hyundai IPO date : ఇంకొన్ని రోజుల్లో మార్కెట్​లోకి హ్యుందాయ్​ ఐపీఓ.. లాంచ్​ డేట్​ ఇదే?

దక్షిణ కొరియా ఆటోమొబైల్ దిగ్గజం హ్యుందాయ్ భారత విభాగమైన హ్యుందాయ్ మోటార్ ఇండియా లిమిటెడ్ ఐపీఓని అక్టోబర్ 14న లాంచ్​ చేయనున్నట్టు సమాచారం. ఈ ఐపీఓ ద్వారా రూ. 25వేల కోట్లను సమీకరించాలని సంస్థ ప్లాన్​ చేస్తోందని తెలుస్తోంది. ఇదే నిజమైదే, భారత దేశ స్టాక్​ మార్కెట్​ చరిత్రలో అతిపెద్ద ఐపీఓగా ఇది నిలువనుంది. అంతకుముందు, 2023లో ఎల్​ఐసీ రూ. 21వేల కోట్ల ఐపీఓతో మార్కెట్​లోకి వచ్చింది.

హ్యుందాయ్​ ఐపీఓ వివరాలు..

హ్యుందాయ్ మోటార్ ఇండియా ప్రతిపాదిత ఐపీఓ పూర్తిగా ప్రమోటర్ (హ్యుందాయ్ మోటార్ కంపెనీ)కి చెందిన 142,194,700 ఈక్విటీ షేర్ల ఆఫర్-ఫర్ సేల్ (ఓఎఫ్ఎస్) మాత్రమే! ఈ మేరకు జూన్​లో దాఖలు చేసిన డ్రాఫ్ట్ రెడ్ హెర్రింగ్ ప్రాస్పెక్టస్ (డీఆర్​హెచ్​పీ) స్పష్టం చేసింది.

దక్షిణ కొరియా ఆటోమొబైల్ సంస్థ ఐపీఓ ద్వారా కనీసం 3 బిలియన్ డాలర్లు (సుమారు రూ.25,000 కోట్లు) సమీకరించాలని చూస్తున్నట్లు సంబంధిత వర్గాలు ఇంతకు ముందు పేర్కొన్నాయి.

ఈ పరిణామం భారతీయ పరిశ్రమకు ఒక ముఖ్యమైన మైలురాయిని సూచిస్తుంది. ఎందుకంటే 2003 లో జపాన్ వాహన తయారీదారు మారుతీ సుజుకీ లిస్టింగ్ తరువాత రెండు దశాబ్దాల్లో మొదటి వాహన తయారీదారు ఐపీఓగా నిలవనుంది.

దక్షిణ కొరియా మాతృసంస్థ ఓఎఫ్ఎస్ మార్గం ద్వారా కొంత వాటాను విక్రయిస్తోంది. పబ్లిక్ ఇష్యూ పూర్తిగా ఓఎఫ్ఎస్ కాబట్టి, మారుతీ సుజుకీ ఇండియా తర్వాత భారతదేశంలో రెండవ అతిపెద్ద కార్ల తయారీ సంస్థ అయిన హ్యుందాయ్ మోటార్ ఇండియా లిమిటెడ్ ఐపీఓ నుంచి ఎటువంటి ఆదాయాన్ని పొందదు.

సెప్టెంబర్24న సెక్యూరిటీస్ అండ్ ఎక్స్ఛేంజ్ బోర్డ్ ఆఫ్ ఇండియా (సెబీ) నుంచి హ్యుందాయ్​ ఐపీఓ లాంచ్​కి అనుమతి లభించింది.

"ఈక్విటీ షేర్ల లిస్టింగ్ మా విజిబిలిటీ- బ్రాండ్ ఇమేజ్​ని పెంచుతుంది. షేర్లకు లిక్విడిటీ, పబ్లిక్ మార్కెట్​ని అందిస్తుంది," అని హ్యుందాయ్ మోటార్ ఇండియా తన ముసాయిదా పత్రాల్లో పేర్కొంది.

దక్షిణ కొరియా ఆటోమొబైల్ దిగ్గజం ఐపీఓ ద్వారా కనీసం 3 బిలియన్ డాలర్లను సమీకరించాలని యోచిస్తున్నట్లు ఏడాది తొలినాళ్లల్లో విశ్వసనీయ వర్గాలు ధృవీకరించాయి. 15-20 శాతం వాటాను తగ్గించి 3.3-5.6 బిలియన్ డాలర్ల మధ్య నిధులను సమీకరించే అవకాశం ఉంది.

హ్యుందాయ్ మోటార్ ఇండియా 1996లో భారతదేశంలో కార్యకలాపాలను ప్రారంభించింది. ప్రస్తుతం వివిధ విభాగాల్లో 13 మోడళ్లను విక్రయిస్తోంది.

ఎలక్ట్రిక్ ద్విచక్ర వాహన సంస్థ ఓలా ఎలక్ట్రిక్ మొబిలిటీ రూ .6,145 కోట్ల ప్రారంభ వాటా విక్రయాన్ని విజయవంతంగా పూర్తి చేసిన తరువాత సెప్టెంబర్​లో స్టాక్ మార్కెట్​లో లిస్ట్ అయింది.

ప్రైమరీ మార్కెట్ వివిధ రంగాలకు చెందిన ఇష్యూయర్లు, ఇన్వెస్టర్ల నుంచి బలమైన ఆసక్తిని ఎదుర్కొంటున్న తరుణంలో ఐపీఓ లాంచ్ అవుతుండటం విశేషం.

ఈ ఏడాది ఇప్పటి వరకు 62 కంపెనీలు ఐపీఓ ద్వారా మొత్తం రూ.64,000 కోట్లు సమీకరించాయని. 2023 మొత్తంలో ఈ మార్గం ద్వారా 57 సంస్థలు వసూలు చేసిన రూ.49,436 కోట్లతో పోలిస్తే ఇది 29 శాతం అధికం!

(గమనిక:- ఇది కేవలం సమచారం కోసం రూపొందించిన కథనం మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ఐపీఓలో ఇన్​వెస్ట్​ చేసే ముందు సెబీ రిజిస్టర్డ్​ ఫైనాన్షియల్​ అడ్వైజర్​ని సంప్రదించండి.)